Кехіндэ Фатаі

Кехіндэ Фатаі
Агульная інфармацыя
Поўнае імя	Кехіндэ Феі Фатаі
Нарадзіўся	19 лютага 1990(1990-02-19)[1][2] (34 гады) Абуджа, Федэральная сталічная тэрыторыя[d], Нігерыя
Грамадзянства	Нігерыя
Рост	178 см[3]
Вага	74 кг
Пазіцыя	нападнік
Інфармацыя пра клуб
Клуб	Ацэлул
Маладзёжныя клубы
0000—2007 JUTH (Джос) 2007—2008 Фарул (Канстанца)
Клубная кар’ера[* 1]
2007—2008 Фарул II (Канстанца) 20 (11) 2008—2010 Фарул (Канстанца) 46 (7) 2010—2015 Астра (Джурджу) 114 (46) 2013—2014 →  Бругэ 8 (1) 2015—2016 Спарта (Прага) 24 (8) 2016—2018 Уфа 41 (6) 2018—2019 Дынама (Мінск) 32 (8) 2020—2021 Астра (Джурджу) 14 (2) 2021—2022 Арджэш (Пітэшты) 21 (2) 2022 Туран (Туркестан) 5 (0) 2023— Ацэлул (Галац)
Нацыянальная зборная[* 2]
2009 Нігерыя (да 21) 3 (1)
↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 24 лютага 2023. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 14 кастрычніка 2018
Медыяфайлы на Вікісховішчы

Кехіндэ Фатаі (англ.: Kehinde Fatai; нар. 19 лютага 1990, Абуджа) — нігерыйскі футбаліст, нападнік румынскага клуба «Ацэлул» з Галаца.

На моладзевым узроўні гуляў на радзіме за клуб JUTH, а ў ліпені 2007 года пераехаў у Еўропу, далучыўшыся да «Фарула» з Канстанцы. У чэрвені 2010 года ў якасці свабоднага агента перабраўся ў іншы румынскі клуб — «Астру», дзе стаў адным з асноўных ігракоў. У верасні 2013 года на правах арэнды стаў іграком бельгійскага «Бругэ», аднак не здолеў замацавацца ў складзе і праз год вярнуўся ў «Астру».

У маі 2015 года падпісаў трохгадовы кантракт з пражскай «Спартай». У жніўні 2016 года перабраўся ў расійскі клуб «Уфа». Спачатку быў трывалым іграком асновы, аднак у першай палове 2018 года стаў у асноўным заставацца на лаўцы запасных. У жніўні 2018 года па пагадненні бакоў разарваў кантракт з «Уфой».

Неўзабаве пасля зыходу з «Уфы» падпісаў кантракт з беларускім клубам «Дынама» з Мінска^[4], дзе хутка замацаваўся ў аснове. 20 кастрычніка ў матчы з «Мінскам» адзначыўся хет-трыкам (выніковы лік 3:3). Сезон 2019 пачынаў у стартавым складзе дынамаўцаў, з лета стаў часцей выхадзіць на замену. У снежні 2019 года па заканчэнні кантракта пакінуў мінскі клуб^[5].

У студзені 2020 года папоўніў склад румынскай «Астры»^[6]. Пакінуў клуб па заканчэнні сезона 2020/21. У верасні 2021 года далучыўся да «Арджэша», а ў жніўні 2022 года перайшоў у казахстанскі «Туран».

У лютым 2023 года стаў іграком «Ацэлула».

Выступаў за моладзевую зборную Нігерыі.

• 02 Срэбраны прызёр чэмпіянату Бельгіі: 2013/14
• 02 Срэбраны прызёр чэмпіянату Чэхіі: 2015/16
• Уладальнік Суперкубка Румыніі: 2014
• 03 Бронзавы прызёр чэмпіянату Беларусі: 2018