Каралеваслабодскія камяні з крыжамі

Каралеваслабодскія камяні з крыжамі
	Гістарычныя славутасці
Каралеваслабодскія камяні з крыжамі
	; Каралеваслабодскі камень з крыжам 1. 2009 г.
	52°37′44,80″ пн. ш. 29°45′27,59″ у. д.HGЯO
Краіна	Беларусь
Горад	Светлагорск
Канфесія	хрысціянства
Першае згадванне	2009
Асноўныя даты
	2007 — камень 1: выяўлены, абследаваны, ; перавезены ў музей; 2009 — камень 1: першая публікацыя; 2009 — камень 2: выяўлены, абследаваны; 2013 — камень 2: перададзены ў музей;
Статус	захоўваюцца на тэрыторыі музея
Стан	поўная захаванасць

Каралеваслабодскія камяні з крыжамі — гранітныя валуны, на якіх высечаны старадаўнія выявы крыжоў; гістарычныя славутасці. Выяўлены пры археалагічных раскопках у вёсцы Каралева Слабада-2 (Краснаўскі сельсавет, Светлагорскі раён, Гомельская вобласць, Беларусь). Знаходзяцца на тэрыторыі Светлагорскага гісторыка-краязнаўчага музея.

Валуны можна аднесці да т. з. закладных (падмуркавых) камянёў з крыжамі^[1]. Яны з'яўляюцца адметнымі прыкладамі знаходак, якія ўтрымліваюць інфармацыю аб старадаўніх звычаях.

Камень 1

У 2007 г. пры раскопках г. Казімір, які існаваў у 17 ст. на месцы в. Каралева Слабада-2, былі знойдзены фундаментныя валуны. Як лічыць доктар гістарычных навук С. Я. Рассадзін (г. Мінск), яны ляжалі ў падмурку вялікай пабудовы, магчыма, ратушы.

Пасля перавозкі знаходак у Музей гісторыі г. Светлагорска рабочы музея заўважыў на адным з валуноў выяву 4-канцовага крыжа. Просты роўнаканцовы крыж мае даўжыню каля 10 см у вертыкальнай і гарызантальнай рысах, пры іх шырыні і глыбіні каля 1 см.^[2]

Камень 2

У 2009 г. у в. Каралева Слабада-2 вяліся раскопкі на царковішчы Благавешчанскага храма, які вядомы па дакументах з 1835 г. (як мяркуецца, існаваў з часу г. Казіміра). Пры раскопках былі выяўлены фундаментныя валуны^[3]. На адным з іх кіраўнік раскопак С. Рассадзін вызначыў неглыбока высечаную выяву 6-канцовага крыжа, пад якім сімвалічная выява гары Галгофа.

Гл. таксама

Здудзіцкі каменны крыж

Зноскі

↑ Напр., у 19 ст. камень з крыжам быў закладзены ў падмурак моста праз р. Енісей.
↑ Рассадин С. Е. Историко-археологические открытия последних лет на территории Светлогорского района и города Светлогорска в Беларуси // Пензенский археологический сборник / Пензенский институт развития образования. Вып. 3. — Пенза, 2010. С. 344—375. (руск.)
↑ Маслюкоў Т. Новыя знаходкі беларускіх археолагаў // Regionby.org. 2009.08.14.

Спасылкі

Маслюкоў Т. У Светлагорску з'явіўся камень з крыжам са зніклага горада Казіміра // Еўрапейскае радыё для Беларусі. 2009. 17 красавіка.(недаступная спасылка)

[1] Напр., у 19 ст. камень з крыжам быў закладзены ў падмурак моста праз р. Енісей.

[2] Рассадин С. Е. Историко-археологические открытия последних лет на территории Светлогорского района и города Светлогорска в Беларуси // Пензенский археологический сборник / Пензенский институт развития образования. Вып. 3. — Пенза, 2010. С. 344—375. (руск.)

[3] Маслюкоў Т. Новыя знаходкі беларускіх археолагаў // Regionby.org. 2009.08.14.

[1]