Казлабарод лугавы

Казлабарод лугавы
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Астравыя Падсямейства:  Cichorioideae Трыба:  Cichorieae Падтрыба:  Scorzonerinae Род:  Казлабарод Від:  Казлабарод лугавы
Міжнародная навуковая назва
Tragopogon pratensis L., Sp. Pl. 2: 789 (1753)
Сістэматыка на Віківідах Выявы на Вікісховішчы ITIS   38569 NCBI   41653 EOL   503271 GRIN   t:36818 IPNI   256112-1 TPL   gcc-36930

Казлабаро́д лугавы^[1][2], казялок^[2] (Tragopogon pratensis) — від кветкавых раслін роду Казлабарод (Tragopogon) сямейства Астравыя (Asteraceae).

Двухгадовая травяністая расліна вышынёй 30—60^[1] см. Звычайна павуцініста-лямцава апушаная, зрэдку голая^[3]. Сцябло галінастае, прамастойнае. Лісце чаргаванае па даўжыні сцябла і ў прыкаранёвай разетцы, простае, суцэльнае, сядзячае, з гладкім краем. Верхняе сцябловае лісце звычайна спіральна ці кольчата скручанае^[3]. Кветкі лімонна-жоўтага колеру. Суквецце — кошык дыяметрам да 5 см і болей. Краявыя кветкі аднолькавай або крыху меншай даўжыні за абгортку суквецця. Плод — сямянка бурага колеру.

Расліна распаўсюджана на тэрыторыі Еўропы і ва ўмераных рэгіёнах Азіі^[4]. Натуралізавана ў Аўстраліі, Паўднёвай і Паўночнай Амерыцы^[4].

Святлолюбівая расліна, ксерафіт, мезафіт, мезатроф, эўтроф^[5]. Расце па берагах вадаёмаў, скалах, камяністых россыпах, лугах, палянах, пустках і лесасеках, на пашах і агародах, каля дарог.

Лекавая расліна: мачагонны, антысептычны, процізапаленчы, ранагаючы і проціцынготны сродак^[1]. З лекавай мэтай выкарыстоўваюць карані, якія збіраюць ранняй вясной і ўвосень, млечны сок і лісце^[1]. Маладыя парасткі, лісце і карані казлабарода лугавога магчыма выкарыстоўваць у ежу^[6].

• Ляховіч І. М., Пашына Г. В. Казлабаро́д // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 429—430. — 522 с. — 10 000 экз.
• Вынаеў Г. У. Казлабаро́д // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 429. — 10 000 экз. — ISBN 985-11-0035-8. — ISBN 985-11-0130-3 (т. 7).
• Губанов И. А., Киселёва К. В., Новиков В. С., Тихомиров В. Н. 1437. Tragopogon pratensis L. — Козлобородник луговой // Иллюстрированный определитель растений Средней России. В 3-х томах. — М.: Т-во науч. изд. КМК, Ин-т технолог. иссл, 2004. — Т. 3. Покрытосеменные (двудольные: раздельнолепестные). — С. 501. — ISBN 5-87317-163-7.
• Tragopogon L. — Козлобородник // Определитель высших растений Беларуси (руск.) / Под ред. В. И. Парфёнова. — Мн.: Дизайн Про, 1999. — С. 284, 313—314. — 472 с. — 1 000 экз. — ISBN 985-6182-78-6.
• Род 27. Tragopógon L. — Козлоборóдник // Маевский П. Ф. Флора средней полосы европейской части России. 11-е изд. — М.: Товарищество научных изданий КМК, 2014. — С. 310, 343—344. — 635 с., ил. — ISBN 978-5-87317-958-9. (руск.)
• 23. Виды козлобородника —Tragopogon // Дикие съедобные растения (руск.) / Под ред. акад. Б. А. Келлера; АН СССР; Моск. ботан. сад и Ин-т истории матер. культуры им. Н. Я. Марра. — М.: б. и., 1941. — С. 28—29. — 40 с. — 50 000 экз.

• Tragopogon pratensis // NC State Extension (англ.)
• Tragopogon pratensis L. — Козлобородник луговой // Батанічны інстытут імя У. Л. Камарова РАН