Дэпазіт

Дэпазі́т (ад лац.: depositum — рэч, якую аддалі на захаванне) — перадача сродкаў кліента ў часовае карыстанне банку.

Дэпазіты бываюць да запатрабавання, тэрміновыя, умоўныя.

Дэпазіты да запатрабавання — сродкі кліента, якія могуць быць запатрабаваны ў кожны момант, без папярэджання загадзя.

Тэрміновыя дэпазіты — дэпазіты, што прыцягваюцца банкам на пэўны тэрмін.

Умоўныя дэпазіты — дэпазіты, якія праводзяцца ў адпаведнасці з дагаворам, у якім адзначаны ўмовы вяртання дэпазіту і прычыны па якіх яго абавязаны вернуць

Фактары выбару дэпазітаў

• працэнтная стаўка (бывае капіталізаванай)
• тэрмін укладу і ўмовы вяртання
• від валюты
• магчымасць датэрміновага вяртання грошай