Гірмантаўцы

Аграгарадок Гірмантаўцы Краіна Беларусь Вобласць Брэсцкая Раён Баранавіцкі Сельсавет Гарадзішчанскі Каардынаты 53°16′29″ пн. ш. 25°55′23″ у. д.HGЯO Насельніцтва ▼206 чал. (2019) Часавы пояс UTC+3 Тэлефонны код +375 163 Паштовыя індэксы 225326 Аўтамабільны код 1 СААТА 1204812019 Гірмантаўцы на карце Беларусі ±

Гі́рмантаўцы^[1] (трансліт.: Hirmantaŭcy) — аграгарадок^[2] у Баранавіцкім раёне Брэсцкай вобласці. Уваходзіць у склад Гарадзішчанскага сельсавета. Размешчаны за 26 км на паўночны захад ад Баранавічаў, за 227 км ад Брэста, за 9 км ад чыгуначнай станцыі Мордзічы на лініі Баранавічы — Ліда.

Назва адыменная, ад двухасноўнага балцка-літоўскага імя Gir-mant'as. У літоўскай антрапаніміі вядомыя адпаведныя іменныя асновы Gir- i Mant-.

У 1897 годзе ў Гарадзішчанскай воласці Навагрудскага павета Мінскай губерні.

З 1921 года ў складзе Польскай Рэспублікі, у Гарадзішчанскай гміне Баранавіцкага павета Навагрудскага ваяводства.

З 1939 года ў складзе БССР. З 15 студзеня 1940 года ў Гарадзішчанскім раёне Баранавіцкай, а з 8 студзеня 1954 года Брэсцкай абласцей, з 25 снежня 1962 года ў Баранавіцкім раёне. З 12 кастрычніка 1940 года да 17 лютага 1975 года і з 6 жніўня 1978 года — цэнтр сельсавета.

У Вялікую Айчынную вайну з канца чэрвеня 1941 года да ліпеня 1944 года акупіраваны нямецка-фашысцкімі захопнікамі. На франтах вайны загінула 15 аднавяскоўцаў.

Да 17 лютага 1975 года цэнтр Гірмантаўскага сельсавета^[3], да 6 жніўня 1979 года вёска знаходзілася ў адміністрацыйным падпарадкаванні Гарадзішчанскага пассавета^[4], да 26 чэрвеня 2013 года ўваходзіла ў склад Гірмантаўскага сельсавета^[5].

• Сельсавецкая і калгасная сядзібы
• Рамонтна-механічныя майстэрні
• Ветэрынарны ўчастак
• Клуб
• Аддзяленне сувязі
• Аўтаматычная тэлефонная станцыя
• Бібліятэка
• Сярэдняя школа (з 1982 года ў ёй працуе краязнаўчы музей)

• 51 двор, 350 жыхароў (1897)
• 73 двары, 403 жыхары (1909)
• 74 дамы, 380 жыхароў (1921)
• 420 жыхароў (1939)
• 315 жыхароў (1959)
• 90 двароў, 151 жыхар (1970)
• 151 двор, 324 жыхары (1998)
• 102 гаспадаркі, 295 жыхароў (2005)

У цэнтры вёскі размешчаны помнік землякам.

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.
• Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — С. 263. — 10 000 экз. — ISBN 985-11-0035-8. — ISBN 985-11-0090-0 (т. 5).

• На Вікісховішчы пакуль няма медыяфайлаў па тэме, але Вы можаце загрузіць іх