Герб Ашмянаў

Герб Ашмянаў
Дэталі
Зацверджаны	2006
Шчыт	Французскі
Заснаванне	17 ліпеня 2006

Герб Ашмянаў — адзін з сімвалаў горада Ашмяны Ашмянскага раёна. Герб і сцяг зацверджаны Указам Прэзідэнта Рэспублікі Беларусь ад 17 ліпеня 2006 г. № 455.

Магдэбургскае права Ашмяны атрымалі ў 1683 годзе. З’явіўся і герб, але выява яго пакуль не вядома.

Гістарычны герб быў нададзены гораду 3 чэрвеня 1792 года каралём польскім і вялікім князем літоўскім С. А. Панятоўскім: «срэбнае поле шчыта падзяляецца на тры часткі: у правай — рука з залатымі шалямі, у левай — шчыт, паміж імі ў дольнай частцы чырвонае цялё»^[1].

У 1840-х быў нададзены іншы герб. У верхняй частцы была Пагоня (як герб Віленскай губерні), а ў ніжняй частцы замест радавога герба былога караля быў прадстаўлены ў блакітным полі мядзведзь з наступным тлумачэннем: «На знак палявання жыхароў на мядзведзяў».

Сучасны герб уяўляе сабой французскі шчыт, які мае перакулена-вілападобны падзел. У правым чырвоным полі намалявана рука, якая трымае залатыя шалі, у левым блакітным — залаты шчыт, у ніжнім сярэбраным — цяля чырвонага колеру^[2] як элемент родавага герба Панятоўскіх^[3].

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 73БЛ000006

• Цітоў А. Геральдыка беларускіх местаў (XVI — пачатак XX ст.). — Мн.: Полымя, 1998. — 287 с. — ISBN 985-07-0131-5. С. 109.
• Указ президента Республики Беларусь от 17 июня 2006 г. № 455 «Об учреждении официальных геральдических символов административно-территориальных и территориальных единиц Гродненской области».

• На Вікісховішчы ёсць медыяфайлы па тэме Герб Ашмянаў
• Указ Прэзідэнта Рэспублікі Беларусь ад 17 ліпеня 2006 г. № 455.