Вільгельміна Фундзін
| Вільгельміна Фундзін | |
|---|---|
 | |
| Род дзейнасці | оперная спявачка |
| Дата нараджэння | 12 ліпеня 1819[1] |
| Месца нараджэння | |
| Дата смерці | 28 студзеня 1911[1] (91 год) |
| Месца смерці | |
| Грамадзянства | |
 Медыяфайлы на Вікісховішчы | |
Вільгельміна Фундзін (шведск.: Wilhelmina Fundin, поўнае імя шведск.: Wilhelmina Christina Fundin; 12 ліпеня 1819 — 28 студзеня 1911) — шведская оперная спявачка.
Спявала ў Каралеўскай оперы ў Стакгольме без перапынку на працягу 30 гадоў; у сярэдзіне 1800-х гадоў лічылася адной з самых таленавітых выканаўцаў оперы.
Біяграфія
[правіць | правіць зыходнік]Нарадзілася 12 ліпеня 1819 года ў Стакгольме ў сям’і святара Карла Фундзіна і яго жонкі Крысціны Вікстрэм, якая загадвала пансіянатам для вучняў драматычнай школы Dramatens elevskola ў 1837—1847 гадах. Калі Вільгельміне было чатырнаццаць гадоў, яна пазнаёмілася з будучай опернай спявачкай Жэні Лінд.
Разам са сваёй сястрой Шарлотай, Вільгельміна паступіла ў 1833 годзе ў школу Каралеўскай оперы, стаўшы ў ёй прафесійнай опернай спявачкай у 1841 годзе. Калі яе сяброўка Жэні Лінд гастралявала за мяжой, а таксама пасля таго, як яна пакінула Швецыю, Вільгельміна ўзяла на сябе частку яе оперных роляў. Вільгельміна Фундзін наведала Жэні Лінд ў Германіі падчас свайго нямецкага тура, але, нягледзячы на запрашэнні, яна адмовілася наведаць яе ў Англіі (дзе засталася жыць Лінд) з-за страху перад марскім падарожжам.
Фундзін працавала ў Каралеўскай оперы да 1870 года і ў 1871 годзе пайшла са сцэны на заслужаны адпачынак. Сярод яе самых роляў вядомых былі: Царэўна ночы ў «Чароўнай флейце», Адальджыза ў «Норме» і Леанора ў оперы «Алесандра Страдэла».
Памерла 28 студзеня 1911 года ў Стакгольме.
Зноскі
- ↑ а б в г д Fundin, Wilhelmina Kristina // Sveriges dödbok 1830–2020 — 8 — Sveriges Släktforskarförbund, 2021. Праверана 22 чэрвеня 2022.
Літаратура
[правіць | правіць зыходнік]- Henry Scott Holland, William Smith Rockstro (2011). Memoir of Madame Jenny Lind-Goldschmidt: Her Early Art-Life and Dramatic Career, 1820—1851. Cambridge University Press. pp. 27. — ISBN 978-1-108-03868-3.
- Ingeborg Nordin Hennel. Mod och Försakelse. Livs- och yrkesbetingelser för Konglig Theaterns skådespelerskor 1813—1863. Stockholm: Gidlunds (1997) — ISBN 9178442567.
