Вікторыя (расліна)

Вікторыя (расліна)
Кветка і лісце Вікторыі. Амстэрдамскі батанічны сад
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гарлачыкакветныя Сямейства:  Гарлачыкавыя Род:  Вікторыя
Міжнародная навуковая назва
Victoria Lindl., 1837
Тыпавы від
Victoria regia Lindl. [1] = Victoria amazonica (Poepp.) J.C.Sowerby
Сістэматыка на Віківідах Выявы на Вікісховішчы ITIS   896687 NCBI   4420 EOL   47105685 IPNI   77296000-1

Вікторыя (Victória) — род водных кветкавых раслін сямейства Гарлачыкавыя (Nymphaeaceae).

Вікторыя была выяўленая ў 1816 годзе, а затым паўторна ў 1832 годзе ў Паўднёвай Амерыцы нямецкімі падарожнікамі. Назву сваю атрымала ў гонар англійскай каралевы Вікторыі.

Шматгадовыя водныя травяністыя расліны з круглавата-шчытападобным з падагнутымі ўверх у выглядзе борціка краямі, плаваючым на паверхні вады вялікім лісцем дыяметрам да 2 м, падводным сцяблом і магутным карэнішчам, якое прымацоўвае расліну да грунту. Лісце ўнізе ўкрыта сеткай тоўстых жылак, з моцна развітай паветраноснай тканкай, вытрымлівае груз да 50 кг. Чаранкі (ніжняя паверхня лісця), кветаносы і чашалісцікі ўкрыты вострымі шыпамі. Кветкі вялікія (дыяметрам 25—35 см), адзіночныя, пахучыя, са зменлівай ад белай да малінавай на працягу сутак афарбоўкай. Плод — шматгнездавая каробачка з ядомым насеннем памерам з гарошыну.

Радзіма — Паўднёвая Амерыка, выдзелена 3 віды. Вікторыя амазонская (Victoria amazonica) расце ў затоках р. Амазонка і яе прытокаў. Вікторыя Круса (Victoria cruziana) — у басейне р. Парана.

Дэкаратыўныя, прыдатныя для аквакультуры расліны (культывуюць у аранжарэях, парках і батанічных садах пры тэмпературах вады 25—30 ℃.

• Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).

• Виктория: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Вікторыя на сайце USDA NRCS