Браян Кабылка

Браян Кабылка
англ.: Brian Kobilka
Дата нараджэння	30 мая 1955(1955-05-30)[1][2] (69 гадоў)
Месца нараджэння	Літл-Фолс[d], Морысан[d], Мінесота, ЗША
Грамадзянства	ЗША
Род дзейнасці	біяхімік, фізік, выкладчык універсітэта, хімік, фізіёлаг, крышталограф, біяфізік, урач
Навуковая сфера	крышталяграфія
Месца працы	медыцынскі факультэт[en] Стэнфардскага ўніверсітэта
Альма-матар	Мінесоцкі ўніверсітэт у Дулуце Ельская школа медыцыны[d] Універсітэт Дзьюка
Навуковы кіраўнік	Роберт Лефкавіц
Член у	Нацыянальная акадэмія навук ЗША Амерыканская акадэмія мастацтваў і навук
Узнагароды	Нобелеўская прэмія па хіміі (2012)
Медыяфайлы на Вікісховішчы

Браян Кабылка (англ.: Brian Kobilka; нар. 30 мая 1955(1955-05-30)^[1][2], Літл-Фолс^[d], Мінесота) — амерыканскі крышталограф, лаўрэат Нобелеўскай прэміі па хіміі (2012) (сумесна з Робертам Лефкавіцам) з фармулёўкай «за даследаванні рэцэптараў-ГТФаз».

Браян Кабылка нарадзіўся ў 1955 годзе ў мястэчку Літл-Фолс, штат Мінесота, ЗША. Ён скончыў Дулуцкі ўніверсітэт Мінесоты, дзе атрымаў ступень бакалаўра. Пасля ён з адзнакай скончыў медыцынскі факультэт Ельскага ўніверсітэта. Пасля праходжання ардынатуры на медыцынскім факультэце Вашынгтонскага ўніверсітэта ў Сент-Луісе Кабылка ўладкаваўся даследчыкам пад кіраўніцтвам Роберта Лефкавіца ва Універсітэце Дзюка. Там ён праводзіў кланаванне β2-адрэнергічных рэцэптараў. У 1989 годзе Кабылка пераехаў у Стэнфард. У 1987—2003 гады ён працаваў даследчыкам у Медыцынскім інстытуце Говарда Х'юза.

Вядомасць Браяну Кабылцы прынесла даследаванне структуры і функцыянальнасці рэцэптараў, спалучаных з G-бялком. У прыватнасці, групе Кабылкі атрымалася вызначыць малекулярную структуру β2-адрэнергічных рэцэптараў.

У 1994 годзе Кабылка атрымаў прэмію імя Джона Абеля па фармакалогіі. У 2007 годзе часопіс Science пазначыў яго даследаванне структуры GPCR-рэцэптараў як другі па значнасці навуковы прарыў года.