Асавок (Пухавіцкі раён)

Вёска Асавок Краіна Беларусь Вобласць Мінская Раён Пухавіцкі Сельсавет Пухавіцкі Каардынаты 53°31′33″ пн. ш. 28°24′19″ у. д.HGЯO Насельніцтва ▲32 чал. (2019) Часавы пояс UTC+3 Тэлефонны код +375 1713 Аўтамабільны код 5 Асавок на карце Беларусі ±

Асаво́к^[1] (трансліт.: Asavok, руск.: Осовок) — вёска ў Пухавіцкім раёне Мінскай вобласці. Уваходзіць у склад Пухавіцкага сельсавета. Месціцца за 21 км на ўсход ад Мар’інай Горкі, 66 км ад Мінска, каля ракі Балачанка.

У 1885 годзе ўрочышча ў Пухавіцкай воласці Ігуменскага павета Мінскай губерні. У 1889 годзе ўрочышчам Асавок валодаў праваслаўны мешчанін Мацвей Іванавіч Малевіч, было 40 дзесяцін зямлі^[2].

У 1897 годзе быў 1 двор, аднайменны засценак на 4 двары. Паводле перапісу 1908 года ў Пухавіцкай воласці былі аднайменныя ваколіца і маёнтак.

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай воласць абвешчана часткай Беларускай Народнай Рэспублікі. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР. У 1926 годзе мела статус пасёлка.

У Другую сусветную вайну з канца чэрвеня 1941 года да пачатку ліпеня 1944 года пад акупацыяй Германіі.

Да 29 чэрвеня 2006 года вёска ўваходзіла ў склад Краснаакцябрскага сельсавета^[3].

• 1897 год — 1 двор, 12 жыхароў; засценак, 4 двары, 27 жыхароў
• 1908 год — ваколіца, 5 двароў, 33 жыхары; маёнтак, 27 жыхароў
• 1926 год — 12 двароў, 57 жыхароў
• 2002 год — 13 двароў, 33 жыхары
• 2009 год — 30 жыхароў
• 2019 год — 32 жыхары^[4]

• Асавок // Гарады і вёскі Беларусі: Энцыклапедыя. Т. 8: Мінская вобласць, кн. 4 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2013. — С. 113. — 2 000 экз. — ISBN 978-985-11-0735-9.
• Памяць: Пухавіцкі раён: Гісторыка-дакументальныя хронікі гарадоў і раёнаў Беларусі / Укл. А. А. Прановіч; Рэдкал.: А. М. Карлюкевіч і інш.. — Мінск: Беларусь, 2003. — 749 с. — ISBN 985-01-0251-9.

• На Вікісховішчы пакуль няма медыяфайлаў па тэме, але Вы можаце загрузіць іх