Аперацыя «Ы» і іншыя прыгоды Шурыка

Аперацыя «Ы» і іншыя прыгоды Шурыка
Операция «Ы» и другие приключения Шурика
Жанр	кінакамедыя[1]
Рэжысёр	Леанід Гайдай[2]
Сцэнарыст	Якаў Аронавіч Касцюкоўскі[d] Марыс Раманавіч Слабадской[d] Леанід Гайдай
У галоўных ролях	Аляксандр Сяргеевіч Дзям’яненка[2][3] Аляксей Макаравіч Смірноў Наталля Ігараўна Селязнёва[d][3] Георгій Міхайлавіч Віцын Яўген Аляксандравіч Маргуноў[d] Юрый Уладзіміравіч Нікулін Міхаіл Іванавіч Пугаўкін[3] Уладзімір Паўлавіч Басаў[3] Эмануіл Савельевіч Гелер[d] Рына Зялёная[d][3] Віктар Уладзіміравіч Уральскі[d][3] Валянціна Фёдараўна Беразуцкая[d] Уладзімір Іванавіч Прыходзька[d] Уладзімір Іосіфавіч Раўтбарт[d] Віктар Паўлавіч Паўлаў[d] Валерый Бенедыктавіч Носік[d] Георгій Аляксандравіч Георгіу[d] Наталля Максімільянаўна Гіцэрот[d] Зоя Аляксееўна Фёдарава[3] Сяргей Леанідавіч Жырноў[d] Віктар Віктаравіч Зазулін[d] Мікалай Аляксеевіч Казакоў[d] Уладзімір Аляксандравіч Уладзіслаўскі[d] Марыя Аляксандраўна Краўчуноўская[d]
Аператар	Канстанцін Пятровіч Бровін[d]
Кампазітар	Аляксандр Сяргеевіч Зацэпін
Кінакампанія	Кінастудыя «Масфільм» Другое творчае аб'яднанне
Працягласць	90 хв.
Краіна	СССР
Мова	руская
Год	1965
IMDb	ID 0059550
Медыяфайлы на Вікісховішчы

Апера́цыя «Ы» і і́ншыя прыго́ды Шу́рыка (руск.: Операция «Ы» и другие приключения Шурика) — савецкі камедыйны мастацкі фільм 1965 года рэжысёра Леаніда Гайдая. Складаецца з трох частак: «Напарнік», «Насланнё» і «Аперацыя „Ы“». Карціна была лідарам кінапракату ў СССР у 1965 годзе. Яе паглядзелі 69,6 мільёна гледачоў^[4].

У 1965 годзе на фестывалі кароткаметражных фільмаў у Кракаве навеле «Насланнё» быў прысуджаны галоўны прыз «Срэбны цмок Вавеля»^[4].

Стары хуліган і п’яніца Федзя атрымлівае пятнаццаць сутак адміністрацыйнага арышту за бойку ў аўтобусе. Федзю адпраўляюць працаваць на будаўніцтва жылога дома. На той жа будоўлі падзарабляе студэнт Шурык — галоўны пацярпелы ў тым жа здарэнні. Прараб, які не ведае пра гэта, прызначае Федзю да яго напарнікам. Федзя пачынае помсціць Шурыку за сваю знявагу, але кволы студэнт дае яму нечакана цвёрды і рашучы адпор. Пачынаецца бойка з выкарыстаннем усяго, што трапляе пад руку, ад дошкі да бульдозера.

У фінале бітвы Шурык праводзіць з Федзям «тлумачальную работу» — лупцуе яго віцінай, прамаўляючы фразу, якая зрабілася крылатай: «Трэба, Федзя… Трэба!». На наступны дзень Федзя гатовы адправіцца на любую іншую працу, але на яго прызначаны персанальны нарад на ўсё 15 сутак — ізноў да Шурыка. Ледзь убачыўшы Шурыка, Федзя губляе прытомнасць.

У політэхнічным інстытуце ідзе экзаменацыйная сесія. У апошнія гадзіны перад экзаменам Шурык ліхаманкава чытае канспект лекцый у руках незнаёмай студэнткі, «на аўтапілоце» ідучы за ёй усюды, нават ёй да хаты. Звярнуць увагу адзін на аднаго і наогул на штосьці вакол у маладых людзей няма часу.

Пасля экзаменаў Шурыка знаёмяць з Лідай — той самай студэнткай, і паміж імі тут жа ўзнікае сімпатыя. Апынуўшыся ў гасцях у Ліды, Шурык раптам разумее, што многае яму тут, у чужой кватэры, знаёма. Ліда і Шурык праводзяць навуковы эксперымент на прадмет выяўлення ў Шурыка парапсіхалагічных здольнасцей. Эксперымент заканчваецца далікатным пацалункам.

Загадчык гандлёвай базай, які часта крадзе, наймае трох жулікаў — Баязліўца, Байбуса і Відалага, каб тыя інсцэніравалі крадзеж з узломам і тым самым выратавалі яго ад рэвізіі. Старанна арганізаваная і адрэпетаваная аперацыя зрываецца праз неспадзяваную выпадковасць: у фатальную ноч на ахову сацыялістычнай уласнасці заступае не бабуля, а яе кватарант — Шурык.

• Аляксандр Дзям’яненка — Шурык
• Аляксей Смірноў — Федзя
• Наталля Селязнёва — Ліда
• Георгій Віцын — Баязлівец
• Яўгеній Маргуноў — Відалы
• Юрый Нікулін — Байбус

• На Вікісховішчы ёсць медыяфайлы па тэме Аперацыя «Ы» і іншыя прыгоды Шурыка
• Аперацыя «Ы» і іншыя прыгоды Шурыка на сайце «Internet Movie Database» (англ.)