Апанас Дзмітрыевіч Шамянкоў

Апанас Дзмітрыевіч Шамянкоў
Дата нараджэння	22 лютага 1896(1896-02-22)
Месца нараджэння	Гніліца, Чэрыкаўскі павет, Магілёўская губерня, Расійская імперыя
Дата смерці	8 сакавіка 1972(1972-03-08) (76 гадоў)
Месца смерці	Масква, РСФСР, СССР
Месца пахавання	Увядзенскія могілкі[d]
Грамадзянства	Расійская імперыя  СССР
Прыналежнасць	СССР
Род войскаў	пяхота
Званне	генерал-лейтэнант
Камандаваў	69-я стралковая дывізія[d]
Бітвы/войны	Першая сусветная вайна
Узнагароды і званні

Апанас Дзмітрыевіч Шамянкоў (22 лютага 1896, вёска Гніліца, цяпер аграгарадок Леніна, Краснапольскі раён, Магілёўская вобласць — 8 сакавіка 1972, Масква) — Герой Савецкага Саюза (1945).

Скончыў Кіеўскія пяхотныя курсы (1919), аб’яднаную Кіеўскую школу камандзіраў РСЧА (1927), паскораны курс Ваеннай акадэміі імя Фрунзэ (1942), Вышэйшыя акадэмічныя курсы пры Ваеннай акадэміі Генштаба (1950). У арміі з 1915 года, у Чырвонай Арміі з 1918 года. Удзельнік грамадзянскай вайны. У Вялікую Айчынную вайну з 1941 г. на Паўночна-Заходнім, Паўднёва-Заходнім, 1-м Украінскім, 1-м Беларускім франтах.

Удзельнік вызвалення Украіны, Беларусі, Вісла-Одэрскай, Усходне-Памеранскай, Берлінскай аперацый. Камандзір стралковай дывізіі.

Званне Героя Савецкага Саюза прысвоена 6.04.1945 г. за фарсіраванне ракі Вісла, вызваленне горада Познань. У 1945 годзе А. Д. Шамянкову прысвоена званне генерал-лейтэнанта. З 1953 года ў запасе.

Аўтар кнігі «Штурм цытадэлі» (1969).

• 2 ордэны Леніна
• 4 ордэны Чырвонага Сцяга
• ордэн Суворава 3 ступені
• ордэн Чырвонай Зоркі
• медалі

• Шамянкоў А. Д. // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17). — С. 368.
• Шамянкоў Апанас Дзмiтрыевiч // БелСЭ. — 1974. — Т.11. — С.290

• Апанас Дзмітрыевіч Шамянкоў на сайце «Героі краіны»