Альвара Арбелоа

Альвара Арбелоа
Агульная інфармацыя
Поўнае імя	Альвара Арбелоа Кока
Мянушкі	Труфель, Спартанец, Рабакоп
Нарадзіўся	17 студзеня 1983(1983-01-17)[1][2][…] (41 год) Саламанка, правінцыя Саламанка, Кастылія і Леон, Іспанія
Грамадзянства	Іспанія
Рост	184 см
Вага	78 кг
Пазіцыя	правы абаронца
Маладзёжныя клубы
1995—2001 Рэал Сарагоса 2001—2002 Рэал Мадрыд
Клубная кар’ера[* 1]
2002—2006 Рэал Мадрыд 55 (1) 2002—2003 →  Рэал Мадрыд C 16 (0) 2003—2006 →  Рэал Мадрыд Кастылья 84 (0) 2006—2007 Дэпартыва Ла-Карунья 20 (0) 2007—2009 Ліверпул 66 (2) 2009—2016 Рэал Мадрыд 153 (3) 2016—2017 Вест Хэм Юнайтэд 3 (0)
Нацыянальная зборная[* 2]
2001 Іспанія (да 17) 1 (0) 2001 Іспанія (да 19) 4 (0) 2005 Іспанія (да 21) 1 (0) 2008—2014 Іспанія 56 (0)
Узнагароды і медалі
Чэмпіянаты свету Золата ПАР 2010 Кубкі канфедэрацый Бронза ПАР 2009 Срэбра Бразілія 2013 Чэмпіянаты Еўропы Золата Аўстрыя/Швейцарыя 2008 Золата Польшча/Украіна 2012
↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 31 мая 2017. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 29 мая 2016
Медыяфайлы на Вікісховішчы

А́львара Арбело́а Ко́ка (ісп.: Álvaro Arbeloa Coca; нар. 17 студзеня 1983, Саламанка, Іспанія) — іспанскі футбаліст, абаронца. Ігрок нацыянальнай зборнай Іспаніі (2008—2014), у яе складзе чэмпіён свету і Еўропы. Гуляў пераважна на пазіцыі правага абаронцы, аднак мог гуляць у якасці цэнтральнага абаронцы. Падчас свайго вяртання ў Мадрыд часцяком гуляў з правага боку абароны.

Альвара быў падпісаны мадрыдскім «Рэалам» ў зусім юным узросце і пачаў выступаць за юнацкую каманду клуба, якую ў той час трэніраваў Рафаэль Бенітэс. З цягам часу ён стаў сталым іграком рэзервовай каманды і двойчы згуляў за асноўны склад, аднак так і не здолеў там замацавацца. 24 ліпеня 2006 года Арбелоа перайшоў у «Дэпартыва», матываваўшы гэты трансфер жаданнем рэгулярна гуляць.

Неўзабаве ён прыцягнуў увагу «Ліверпула», і 31 студзеня 2007 года перайшоў у гэты англійскі клуб. Сума ўгоды склала 2,5 мільёна фунтаў, прычым 50 % з іх атрымаў «Рэал». Яго дэбют у «Ліверпуле» адбыўся 10 лютага ў матчы супраць «Ньюкасла», які скончыўся паражэннем яго каманды. Альвара ў гэтай сустрэчы выйшаў на замену Джэрмейну Пенанту. Аднак паўнавартасным яго дэбютам варта лічыць матч супраць «Барселоны» на «Камп Ноу», які адбыўся 21 лютага ў рамках 1/8 розыгрышу Лігі чэмпіёнаў. Арбелоа выйшаў на гэту гульню ў стартавым складзе на пазіцыю левага абаронцы. Ягонай прамой задачай было зачыніць у гаспадароў Ліянеля Месі.

7 красавіка 2007 года Арбелоа забіў свой першы гол за «Ліверпул», стаўшы тым самым першым за 14 з паловай гадоў іграком «Ліверпула», якія носяць футболку з другім нумарам, які вызначыўся ў афіцыйным матчы, і першым за такі ж тэрмін другім нумарам, які забіў гол у Прэм'ер-лізе. Перад сезонам 2007/08 Альвара змяніў нумар «2» на нумар «17», які вызваліўся пасля сыходу з каманды Крэйга Беламі.

29 ліпеня 2009 года было абвешчана, што «Рэал» і «Ліверпул» дасягнулі пагаднення аб перадачы Арбелоа ў іспанскі клуб. Сума трансферу склала 5 млн фунтаў стэрлінгаў.

Улетку 2016 года Арбеоа ў якасці свабоднага агента пакінуў «Рэал» і 31 жніўня 2016 года падпісаў кантракт з «Вест Хэм Юнайтэд»^[3]. Аднак правёў за лонданцаў толькі ты матчы: тры ў чэмпіянаце Англіі і адзін у Кубку лігі. У маі 2017 года «В��ст Хэм» абвясціў, што не будзе падаўжаць кантракт з абаронцам^[4], і ў чэрвені 2017 года Арбелоа абвясцяў аб завяршэнні кар’еры^[5].

27 сакавіка 2008 года адбыўся дэбют Альвара ў нацыянальнай зборнай Іспаніі. На 73-й хвіліне таварыскага матча супраць італьянцаў Арбелоа выйшаў на замену Серхіа Рамасу.

«Рэал Мадрыд»

• Чэмпіён Іспаніі: 2012
• Уладальнік Кубка Іспаніі (2): 2011, 2014
• Уладальнік Суперкубка Іспаніі: 2012
• Пераможца Лігі чэмпіёнаў (2): 2014, 2016
• Уладальнік Суперкубка УЕФА: 2014
• Пераможца клубнага чэмпіянату свету: 2014

Іспанія

• Чэмпіён Еўропы: 2008, 2012
• Чэмпіён свету: 2010
• Бронзавы прызёр Кубка канфедэрацый: 2009

• На Вікісховішчы ёсць медыяфайлы па тэме Альвара Арбелоа
• Профіль на сайце transfermarkt.com (англ.)