Адраджэнне (Жлобінскі раён)

Вёска Адраджэнне Краіна Беларусь Вобласць Гомельская Раён Жлобінскі Сельсавет Папаратнянскі Каардынаты 52°44′49″ пн. ш. 30°01′50″ у. д.HGЯO Першая згадка 1920-я Ранейшыя назвы Эрштэрмай Насельніцтва ▼77 чал. (2019) Часавы пояс UTC+3 Тэлефонны код +375 2334 Паштовыя індэксы 247214 Аўтамабільны код 3 СААТА 3218844011 Адраджэнне на карце Беларусі ±

Адраджэ́нне^[1] (трансліт.: Adradžennie, руск.: Адрадженье; да 5 жніўня 1968 — Эрштэрма́й) — вёска ў Жлобінскім раёне Гомельскай вобласці. Уваходзіць у склад Папаратнянскага сельсавета. Насельніцтва 156 чал. (2004). Знаходзіцца за 20 км на поўдзень ад горада Жлобін, за 10 км ад чыгуначнай станцыі Мормаль (лінія Жлобін — Калінкавічы), за 88 км ад Гомеля.

На поўначы Стрэшынскі канал, злучаны з ракой Стрэшынка (прыток ракі Дняпро).

Выяўлены археолагамі курганны магільнік XI стагоддзя (36 насыпаў; за 0,8 км на паўночны ўсход ад вёскі) сведчыць пра засяленне гэтых месцаў з даўніх часоў. Сучасная вёска заснавана ў пачатку 1920-х перасяленцамі з суседніх вёсак на былых памешчыцкіх землях. У 1931 годзе арганізаваны калгас. Пад��ас Вялікай Айчыннай вайны з пачатку 1942 года дзейнічала пад��ольная група (кіраўнік П. Б. Кіраў). Нямецкія карнікі спалілі 40 двароў, забілі 30 жыхароў. У чэрвені 1944 года ў баях за вёску загінулі 315 савецкіх салдат (пахаваныя ў брацкай магіле па вул. Завадскі). На франтах і ў партызанскай барацьбе загінулі 46 жыхароў, у памяць пра загінулых у 1967 годзе ў цэнтры вёскі ўсталяваная скульптурная кампазіцыя. 29 лістапада 1962 года пасёлак Адраджэнне быў далучаны да вёскі Эрштэрмай, а 5 жніўня 1968 года гэта вёска атрымала сучасную назву. У складзе калгасу «Іскра» (цэнтр — вёска Папаратнае). Знаходзяцца Стрэшынскі крухмальны ўчастак Краснабярэскага крухмальна-паточнага завода, фельчарска-акушэрскі пункт і клуб.

• XX стагоддзе: 1925 — 17 двароў; 1940 — 80 двароў, 353 жыхары;
• XXI стагоддзе: 2004 — 81 гаспадарка, 156 жыхароў^[2]

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С. В. Марцэлеў; рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2004. — 632 с.: іл. — 4 000 экз. — ISBN 985-11-0303-9.

• На Вікісховішчы пакуль няма медыяфайлаў па тэме, але Вы можаце загрузіць іх