Адміністрацыйны падзел Арменіі
Арменія падзелена на адзінаццаць адміністрацыйных адзінак. З іх дзесяць правінцый вядомы як марзы (арм.: մարզեր).
Ерэвану прадастаўлены асаблівы адміністрацыйны статус як сталіцы краіны.
Губернатары (марзпеты) прызначаюцца і вызваляюцца ад пасады Урадам Рэспублікі Арменія. Гэтыя пастановы Урада ратыфікуе Прэзідэнт краіны. Органы мясцовага самакіравання — рада старэйшын абшчыны і кіраўнік абшчыны (мэр горада, сельскі стараста) — абіраюцца на чатырохгадовы тэрмін па мажарытарнай сістэме. Мэр Ерэвана абіраецца Саветам Старэйшын горада, які ў сваю чаргу абіраецца жыхарамі Ерэвана па прапарцыйнай сістэме на чатырохгадовы тэрмін.
Па стане на 2011 год у рэспубліцы налічвалася 953 вёскі, 48 гарадоў, 932 абшчыны, з якіх 871 сельская і 61 гарадская.[1][2][3]
| Вобласць | Арыгінальная назва |
Плошча, км² | Насельніцтва (2011) | Адміністрацыйны цэнтр |
| Арагацотнская вобласць | Արագածոտնի | 2 756 | 132 900 | Аштарак |
| Арарацкая вобласць | Արարատի | 2 090 | 260 400 | Арташат |
| Армавірская вобласць | Արմավիրի | 1 242 | 265 800 | Армавір |
| Ваёцдзорская вобласць | Վայոց Ձորի | 2 308 | 52 300 | Ехегнадзор |
| Гехаркунікская вобласць | Գեղարքունիքի | 5 349 | 235 100 | Гавар |
| Катайкская вобласць | Կոտայքի | 2 680 | 254 400 | Раздан |
| Ларыйская вобласць | Լոռու | 3 799 | 235 500 | Ванадзор |
| Сюнікская вобласць | Սյունիքի | 4 506 | 141 800 | Капан |
| Тавушская вобласць | Տավուշի | 2 704 | 128 600 | Іджэван |
| Шыракская вобласць | Շիրակի | 2 680 | 251 900 | Гюмры |
| Горад | Арыгінальная назва |
Плошча, км² | Насельніцтва (2011) |
| Ерэван | Երևան | 223 | 1 060 100 |
