Іван Кірылавіч Вальваценка

Іван Кірылавіч Вальваценка
Дата нараджэння	15 красавіка 1915(1915-04-15)
Месца нараджэння	Мазалава, Мсціслаўскі павет, Магілёўская губерня, Расійская імперыя
Дата смерці	1996(1996)
Месца смерці	Львоў, Львоўскі гарадскі савет, Львоўская вобласць, Украіна
Грамадзянства	СССР
Прыналежнасць	Расійская імперыя СССР
Гады службы	1937—1946
Званне
Бітвы/войны	Савецка-фінская вайна, Вялікая Айчынная вайна: Курская бітва Берлінская аперацыя Пражская аперацыя
Узнагароды і званні
У адстаўцы	Маёр

Іва́н Кіры́лавіч Вальваце́нка (15 красавіка 1915, в. Мазалава, Мсціслаўскі павет, Магілёўская губерня, Расійская імперыя (цяпер Мсціслаўскі раён Магілёўскай вобласці Беларусі) — 1996) — удзельнік Вялікай Айчыннай вайны, камандзір танкавай роты 56-й гвардзейскай та��кавай брыгады 7-га гвардзейскага танкавага корпуса 3-й гвардзейскай танкавай арміі 1-га Украінскага фронту, гвардыі старшы лейтэнант. Герой Савецкага Саюза^[1].

Нарадзіўся ў сям'і селяніна. Беларус, атрымаў пачатковую адукацыю.

У Чырвонай Арміі з 1937 года. Удзельнік паходу савецкіх войскаў у Заходнюю Украіну і Заходнюю Беларусь ў 1939 годзе, савецка-фінляндскай вайны 1939—1940 гадоў^[1]. У 1939 годзе скончыў курсы малодшых лейтэнантаў. Пазней — танкавую школу (1941).

У дзеючай арміі — з чэрвеня 1941 года^[1]. Удзельнік абароны Львова, Масквы, Ленінграда, Курскай бітвы; а таксама вызвалення Украіны, Берлінскай і Пражскай аперацый.

Танкавая рота 56-й гвардзейскай танкавай брыгады, якой камандаваў гвардыі старшы лейтэнант Іван Вальваценка, удзельнічала ў баях за Кіеў^[1][2].

Асабіста на сваім танку ён падбіў 2 сярэдніх танка суперніка, знішчыў 9 гармат і некалькі дзесяткаў гітлераўцаў. 5 лістапада 1943 года рота перарэзала шашы Кіеў — Жытомір^[1]. Вальваценка быў паранены, але на працягу некалькіх гадзін разам з экіпажам працягваў бой, пакуль не падышла дапамога^[1][3].

Член ВКП (б)/КПСС з 1944 года. З 1946 гады маёр Вальваценка — у запасе. Да 1979 працаваў на львоўскім заводзе кінескопаў. Жыў у Львове.

Памёр у 1996 годзе^[4].

• Званне Героя Савецкага Саюза прысвоена 10 студзеня 1944 года^[5].
• Узнагароджаны ордэнам Леніна, двума ордэнамі Айчыннай вайны 1 ступені, ордэнам Працоўнага Чырвонага Сцяга і медалямі, сярод якіх медаль «За доблесную працу».

• Імя Героя носіць піянерская дружына ДУА «Мазолаўскай КПК дзіцячы сад-СШ»^[6].

• Вольватенко Иван Кириллович
• Вальваценка Іван Кірылавіч(недаступная спасылка) (бел.)