Іван Іванавіч Галаваты

Іван Іванавіч Галаваты
Іван Іванавіч Галаваты
Дата нараджэння	15 чэрвеня 1976 (48 гадоў)
Месца нараджэння	Пагост 1, Пагосцкі сельсавет, Салігорскі раён, Мінская вобласць, БССР, СССР;
Грамадзянства	Беларусь;
Род дзейнасці	палітык, шахцёр, дырэктар
Месца працы	Беларуськалій;
Альма-матар	Санкт-Пецярбургскі горны інстытут;
Член у	Беларуская партыя «Белая Русь»;
Прэміі
Узнагароды	;

Іван Іванавіч Галаваты (нар. 15 чэрвеня 1976, в. Пагост 1 Салігорскага раёна Мінскай вобласці) — спецыяліст у галіне горназдабыўнай прамысловасці, генеральны дырэктар ААТ «Беларуськалій».

Біяграфія

Скончыў Дзяржаўны горны інстытут імя Г. В. Пляханава (тэхнічны ўніверсітэт) у г. Санкт-Пецярбургу.

Працаваў начальнікам горнага аддзела РУП «ВА Беларуськалій», намеснікам генеральнага дырэктара па матэрыяльна-тэхнічным забеспячэнні — начальнікам упраўлення матэрыяльна-тэхнічнага забеспячэння, галоўным інжынерам ААТ «Беларуськалій». Генеральны дырэктар ААТ «Беларуськалій».

Член Салігорскага райвыканкама. Старшыня наглядальнага Савета ААТ «Беларуская калійная кампанія» і ААТ «Белгорхімпрам». Член прэзідыума Салігорскай грамадскай арганізацыі «Белая Русь».

Выбіраўся членам Савета Рэспублікі Нацыянальнага сходу Рэспублікі Беларусь 6-га склікання.

Мае 6 патэнтаў Рэспублікі Беларусь і 7 патэнтаў Расійскай Федэрацыі на вынаходніцтвы ў вобласці горнай прамысловасці.

Галаваты знаходзіцца пад санкцыямі Канады, ЕС (гл. Чорны спіс Еўрасаюза) і Швейцарыі^[1]. У верасні 2024 года Суд Еўрапейскага саюза адмовіўся зняць санкцыі ЕС з Галаватага, Беларуськалія і Беларускай калійнай кампаніі^[2].

Узнагароды

Дзяржаўная прэмія Рэспублікі Беларусь у галіне навукі і тэхнікі (2020, у аўтарскім калектыве) — за працу «Інавацыйныя тэхналогіі распрацоўкі радові��чаў калійных солей, развіццё высокатэхналагічных і навукаёмістых вытворчасцей і стварэнне сучаснай імпартазамяшчальнай высокапрадукцыйнай тэхнікі для іх здабычы і перапрацоўкі»^[3].
Ордэн Крыжа прападобнай Ефрасінні Полацкай (15 лістапада 2020)^[4].
Знак «Шахцёрская слава» III ступені.
Ганаровыя граматы: ААТ «Беларуськалій», канцэрна «Белнафтахім», Салігорскага райвыканкама^[5].

Зноскі

↑ ГОЛОВАТИЙ Іван Іванович (нявызн.)(недаступная спасылка). Архівавана з першакрыніцы 28 лютага 2023. Праверана 28 лютага 2023.
↑ Суд ЕС не зняў санкцыі з "Беларуськалія", яго гендырэктара і БКК (нявызн.). Еўрапейскае радыё для Беларусі (18 верасня 2024).
↑ Указ Президента Республики Беларусь 18 января 2021 г. № 18 «О присуждении Государственных премий Республики Беларусь 2020 года» (нявызн.).
↑ Свидетельство № 5-02/097 от 15 ноября 2020 (нявызн.)(недаступная спасылка). Архівавана з першакрыніцы 15 лютага 2021. Праверана 9 лютага 2021.
↑ Галаваты Іван Іванавіч Архівавана 18 жніўня 2020.

[1] ГОЛОВАТИЙ Іван Іванович (нявызн.)(недаступная спасылка). Архівавана з першакрыніцы 28 лютага 2023. Праверана 28 лютага 2023.

[2] Суд ЕС не зняў санкцыі з "Беларуськалія", яго гендырэктара і БКК (нявызн.). Еўрапейскае радыё для Беларусі (18 верасня 2024).

[3] Указ Президента Республики Беларусь 18 января 2021 г. № 18 «О присуждении Государственных премий Республики Беларусь 2020 года» (нявызн.).

[4] Свидетельство № 5-02/097 от 15 ноября 2020 (нявызн.)(недаступная спасылка). Архівавана з першакрыніцы 15 лютага 2021. Праверана 9 лютага 2021.

[5] Галаваты Іван Іванавіч Архівавана 18 жніўня 2020.

[1]