Ібрагім Траорэ

Ібрагім Траорэ
фр.: Ibrahim Traoré
Прэзідэнт Патрыятычнага руха за ахову і аднаўленне з 30 верасня 2022
Папярэднік	Поль-Анры Сандаага Даміба
Нараджэнне	1988 Bondokuy[d], Bondokuy Department[d], Mouhoun[d], Boucle du Mouhoun Region[d], Буркіна-Фасо
Веравызнанне	іслам
Адукацыя	Універсітэт Уагадугу
Род войскаў	спецпрызн, контртэрор
Званне	капітан[1]
Камандаваў	спецпадраздзяленне «Кобра»
Бітвы	Паўстанне джыхадзістаў у Буркіна-Фасо
Медыяфайлы на Вікісховішчы

Ібрагім Траорэ (фр.: Ibrahim Traoré; нар. 1988^[2]) — капітан УС Буркіна-Фасо, камандзір спецпадраздзялення «Кобра». Падчас вераснёўскага перавароту 2022 года захапіў уладу ў краіне і стаў часовым кіраўніком дзяржавы^[3].

Вучыўся ва Універсітэце Уагадугу, дзе быў членам Асацыяцыі студэнтаў-мусульман. У 2010 годзе паступіў на службу ў армію. У 2019 годзе ўвайшоў у склад новага армейскага спецпадраздзялення — контртэрарыстычнага атрада «Кобра». У 2020 годзе павышаны да капітанскага звання.

У студзені 2022 года Траорэ быў адным з удзельнікаў узброенага перавароту, падчас якога ў Буркіна-Фасо ўстаноўлена ваенная хунта «Патрыятычны рух за ахову і аднаўленне»^[3]. Пасля змены ўлады служыў начальнікам падраздзялення «Кобра» ў горадзе Кая^[4] і ўдзельнічаў у барацьбе супраць джыхадзістаў^[5].

У гэты час Траорэ (як і многія іншыя прыхільнікі студзеньскага перавароту) апынуўся незадаволеным дзеяннямі Поля-Анры Сандаага Дамібы, лідара новага ўрада, адносна яго няздольнасці стрымаць паўстанцкі рух ісламскіх радыкалаў^[3]. Акрамя таго, улады затрымалі заробак байцам «Кобры»^[2]. 30 верасня вайскоўцы зрынулі Дамібу. Кіраўніком краіны стаў Траорэ.