Вінцэнт Тышкевіч
.jpg) Вінцэнт Тышкевіч. Я. Фаленскі, 1814 | |
 Герб Ляліва | |
| Асабістыя зьвесткі | |
|---|---|
| Нарадзіўся | 1757 |
| Памёр | 12 сакавіка 1816[1] |
| Род | Тышкевічы |
| Бацькі | Антоні Казімер Тышкевіч Тэрэза з Тызенгаўзаў[d] |
Вінцэнт Тышкевіч (1757 — 12 сакавіка 1816, маёнтак Дубай каля Пінску[2]) — дзяржаўны дзяяч Вялікага Княства Літоўскага. Пісар вялікі літоўскі (з 1780), рэфэрэндар вялікі літоўскі (з 1781).
Валодаў шэрагам маёнткаў каля Пінску, а таксама мястэчкамі Сьвіслач, Лагойск і Белаполе. Трымаў Стралкоўскае староства.
Біяграфія
[рэдагаваць | рэдагаваць крыніцу].jpg)
З лагойскай лініі роду Тышкевічаў гербу Ляліва, сын Антонія Казімера, генэрал-лейтэнанта літоўскага войска, і Тэрэзы з Тызэнгаўзаў. Успадкаваў ад бацькі тытул графа на Лагойску і Бярдычаве.
Нанова перабудаваў Сьвіслач, заклаў галяндзкага кшталту парк, перарэзаў яго каналамі і стварыў вялікі заасад. Заснаваў у мястэчку на ўласныя сродкі Сьвіслацкую гімназію — цэнтар асьветы і вальнадумства на Гарадзеншчыне пачатку XIX стагодзьдзя[3].
У 1778 годзе пабраўся шлюбам з Марыяй Тэрэзай Панятоўскай, нашчадкаў на пакінуў.
Практыкаваў пакараньні ў дачыненьні да ўласных аканомаў, калі тыя пераўзыходзілі раз і назаўсёды ўсталяваны гадавы прыбытак маёнтку[4].
Крыніцы
[рэдагаваць | рэдагаваць крыніцу]- ^ Senatorowie i dygnitarze Wielkiego Księstwa Litewskiego 1386—1795 (пол.) / пад рэд. J. Wolff — Kraków: 1885. — С. 313.
- ^ Патоцкі Леан. Успаміны пра Тышкевічаву Свіслач, Дзярэчын і Ружану — Мн.: «Полымя», 1997.
- ^ Раманаў С. Гэты знаёмы і незнаёмы Тышкевіч // «Свіслацкая газета», 7 красавіка 2008 г.
- ^ Андрэй Кіштымаў. Эканамічныя асновы беларускай дзяржаўнасці на пачатку 20 ст. // Гістарычны Альманах. Том 3, 2000.
Вонкавыя спасылкі
[рэдагаваць | рэдагаваць крыніцу]- Wincenty Tyszkiewicz (пол.). Genealogia dynastyczna. Праверана 16 студзеня 2011 г.