Слонімская ратуша

Помнік грамадзянскай архітэктуры
Слонімская ратуша
Слонімская ратуша, 1814 г.
Краіна	Беларусь
Места	Слонім
Каардынаты	53°05′36.36″ пн. ш. 25°19′11.32″ у. д. / 53.0934333° пн. ш. 25.3198111° у. д. / 53.0934333; 25.3198111Каардынаты: 53°05′36.36″ пн. ш. 25°19′11.32″ у. д. / 53.0934333° пн. ш. 25.3198111° у. д. / 53.0934333; 25.3198111
Архітэктурны стыль	барока
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Слонімская ратуша на мапе Беларусі Слонімская ратуша

Слонімская ратуша — помнік архітэктуры XVIII ст. у Слоніме, адзін з сымбаляў места. Знаходзіцца на гістарычным Рынку^[a], замыкаючы яго паўднёва-ўсходні бок. Твор архітэктуры барока, мастацкае аблічча якога пацярпела ад перабудоваў. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Вялікае Княства Літоўскае

Мураваную ратушу ў Слоніме збудавалі ў другой палове XVIII ст.

Пад уладай Расейскай імпэрыі

Па трэцім падзеле Рэчы Паспалітай (1795 год), калі Слонім апынуўся ў складзе Расейскай імпэрыі, расейскія ўлады пазбавілі места Магдэбурскага права. У XIX стагодзьдзі ратушу істотна перабудавалі.

Найноўшы час

Па Другой сусьветнай вайне ў будынку ратушы пэўны час разьмяшчалася меская адміністрацыя.

Архітэктура

Помнік архітэктуры барока. Гэта прастакутны ў пляне 2-павярховы будынак пад 2-схільным дахам. Разам з службовымі карпусамі ён стварае замкнёны двор. Кампазыцыя будынка адносіцца да тыпу бязьвежавых, строга сымэтрычных (не было традыцыйнай вежы — сымбалю магістрату). Падзел фасадаў роўнічны: пілястры, філёнгі, нішы.

Плян калідорна-анфіляднага тыпу з цэнтральным вэстыбюлем і міжпавярховай лесьвіцай. Апрача пакояў сябраў магістрату і залі ��аседжаньняў, у ратушы былі памяшканні суду, гаўптвахты, архіву^[1].

Раней будынак аздабляўся 4-калённым портыкам з скульптурнай застаўкай на франтоне. Дваровы фасад дагэтуль захаваў дэкарацыю ў выглядзе пілястраў, што адносяцца да XVIII ст.

Галерэя

Выявы Слонімскай ратушы
Слонімская ратуша, абмер 1814 году
Слонімская ратуша, стан на 2021 год

Заўвагі

^ Цяперашні афіцыйны адрас — вуліца Савецкая, 6

Крыніцы

^ Кулагін А. Слонімская ратуша // Архітэктура Беларусі. Энцыкл. — Менск, 1993. С. 442.

Літаратура

Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.
Караткевіч В., Кулагін А. Помнікі Слоніма. — Менск: Навука і тэхніка, 1983.

Вонкавыя спасылкі

Слонімская ратуша , Radzima.org

[1] Цяперашні афіцыйны адрас — вуліца Савецкая, 6

[2] Кулагін А. Слонімская ратуша // Архітэктура Беларусі. Энцыкл. — Менск, 1993. С. 442.

[a]