Ларыса Багдановіч

Ларыса Багдановіч
Дэпутат Палаты прадстаўнікоў Нацыянальнага сходу Рэспублікі Беларусь V скліканьня
18 кастрычніка 2012 — 11 кастрычніка 2016
Прэзыдэнт:	Аляксандар Лукашэнка
Прэм’ер-міністар:	Міхаіл Мясьніковіч Андрэй Кабякоў
Дэпутат Палаты прадстаўнікоў Нацыянальнага сходу Рэспублікі Беларусь IV скліканьня
27 кастрычніка 2008 — 17 кастрычніка 2012
Прэзыдэнт:	Аляксандар Лукашэнка
Прэм’ер-міністар:	Сяргей Сідорскі Міхаіл Мясьніковіч
Асабістыя зьвесткі
Нарадзілася:	13 верасьня 1958 (66 гадоў) вёска Далкі, Пружанскі раён Берасьцейскай вобласьці
Дзеці:	сын
Адукацыя:	Менскі дзяржаўны мэдыцынскі інстытут Беларуская мэдыцынская акадэмія пасьлядыплёмнай адукацыі
Узнагароды:	Ганаровая грамата Нацыянальнага сходу Рэспублікі Беларусь[d] пахвальная грамата Міжпарламенцкага сходу Еўразійскай эканамічнай супольнасці[d] Ганаровая грамата Міністэрства аховы здароўя Рэспублікі Беларусь[d] Ганаровая грамата Брэсцкага гарвыканкама[d] Ганаровая грамата Брэсцкага аблвыканкама[d] Ганаровая грамата Брэсцкага гарадскога Савета дэпутатаў[d] Ганаровая грамата Брэсцкага абласнога Савета дэпутатаў[d]

Вікіпэдыя мае артыкулы пра іншых асобаў з прозьвішчам Багдановіч (неадназначнасьць).

Лары́са Мікала́еўна Багдано́віч (нар. 13 верасьня 1958, в. Далкі, Пружанскі раён Берасьцейскай вобласьці БССР) — беларуская лекарка-пэдыятарка, нэўроляг, арганізатарка аховы здароўя, палітык, дэпутатка Палаты прадстаўнікоў Нацыянальнага сходу Рэспублікі Беларусь IV—V скліканьняў.

Нарадзілася 13 верасьня 1958 року ў вёсцы Далкі Пружанскага раёну Берасьцейскай вобласьці.

Скончыла Менскі дзяржаўны мэдыцынскі інстытут, лекар-пэдыятар, лекар-нэўроляг; Беларускую мэдыцынскую акадэмію пасьлядыплёмнай адукацыі па курсе «Кіраваньне аховай здароўя», лекар-арганізатар аховы здароўя.

Працавала ўчастковым лекарам-пэдыятрам, нэўрапатолягам у дзіцячай паліклініцы места Берасьця; галоўнай лекаркай Берасьцейскага абласнога цэнтру мэдыцынскай рэабілітацыі для дзяцей з псыханэўралягічнымі захворваньнямі «Тонус».

Выбіралася дэпутаткай Берасьцейскага гарадзкога Савету дэпутатаў дваццаць чацьвертага і дваццаць пятага скліканьняў.

У 2008—2012 роках — дэпутатка Палаты прадстаўнікоў Нацыянальнага сходу Рэспублікі Беларусі IV скліканьня, была сяброўкай Пастаяннай камісіі па працы, сацыяльнай абароне, справах вэтэранаў і інвалідаў. Уваходзіла ў склад нацыянальнай групы Міжпарлямэнцкай Асамблеі Эўразійскага эканамічнага супольніцтва, дзе зьяўлялася сяброўкай камісіі па сацыяльнай палітыцы.

У 2012—2016 роках — дэпутатка Палаты прадстаўнікоў V скліканьня, была сяброўкай Пастаяннай камісіі па працы і сацыяльных пытаньнях.

Аўтарка больш як 20 публікацыяў па пытаньнях комплекснай рэабілітацыі дзяцей з паражэньнем нэрвовай сыстэмы, асноўная распрацоўшчыца Інструкцыі па аднаўленчым лячэньні і рэабілітацыі дзяцей першага году жыцьця з цэрэбральнымі парушэньнямі.

• ганаровая грамата Нацыянальнага сходу Рэспублікі Беларусь
• ганаровая грамата Міністэрства аховы здароўя Рэспублікі Беларусь
• мэдаль „За працоўныя заслугі“^[1]
• ганаровыя граматы Берасьцейскага гарадзкога і абласнога Саветаў дэпутатаў
• ганаровыя граматы Берасьцейскага гарадзкога і абласнога выканаўчых камітэтаў
• нагрудны знак Міністэрства аховы здароўя Рэспублікі Беларусь «Выдатнік аховы здароўя Рэспублікі Беларусь».
• памятны знак «За дапамогу і падтрымку» Беларускага рэспубліканскага фонду «Ўзаемаразуменьне і прымірэньне»
• ганаровая грамата Міжпарлямэнцкай Асамблеі Эўразійскага эканамічнага супольніцтва
• ганаровае званьне «Чалавек году-2007» у галіне аховы здароўя

Замужам, мае сына.

• Дасье  (рас.) на бачыне Палаты прадстаўнікоў Нацыянальнага сходу Рэспублікі Беларусі