Taekwondo
An Taekwondo (sinusurat man na Taekwon-Do, Tae Kwon-Do, o Tae Kwon Do; 태권도; 跆拳道) sarong arte nin pagpakilaban na hampangan. Ini ginagamit sa depensa o sa pag'atake sa tunay na laban o bilang sarong kawat sa isports. An arteng ini naggikan sa Korea. Sa Koreano, an tae (태, 跆) boot sabihon "pagsikad o pagsagang kan bitis"; kwon (권, 拳) "pagbuntol o pagsagang kan kamot" asin an do (도, 道) an kahulogan "paagi", "metodo" o "arte". Kaya an taekwondo masasabi na "arte nin bitis asin kamot", o "arte nin pagsuntok asin pagsikad".
Ini kombinasyon nin teknik sa kombat, pagdepensa, isport, ehersisyo, asin kumboot sarong paghorophorop asin saro man na pilosopiya. Kan 1989, an Taekwondo saro sa pinakapopular na martial art sa kinaban sa bilang nin nag'aadal asin nagprapraktis kaini. Ini an nasyonal na isport sa Korea.
Mga panluwas na takod
[baguhon | baguhon an source]- International Taekwon-Do Federation (Austria)
- International Taekwon-Do Federation (Canada)
- International Taekwon-Do Federation (North Korea)
- World Taekwondo Federation
