Orangutan
An mga orangutan mga darakulang unggoy na tubong mga kagubatan kan Indonesya asin Malaysia. An mga ini ngonyan makukua na sana sa mga parte kan Borneo asin Sumatra, alagad kan panahon kan Pleistocene sinda nakalakop sa bilog na Sur-subangan na Asya asin Sur na Tsina. Naklasipikar sa genus na Pongo, an mga orangutan orihinal na pigkonsiderar na sarong species. Kan 1996, nababanga sinda sa duwang species: an Bornean orangutan (P. pygmaeus, na may tolong subspecies) asin an Sumatran orangutan (P. abelii); an ikatolong klase, an Tapanuli orangutan (P. tapanuliensis), namidbid nin depinitibo kan 2017.
