Mary Robinson

Mary Robinson
Mary Robinson in 2014
7th President of Ireland
Termino 3 December 1990 – 12 September 1997
Taoiseach	Charles Haughey Albert Reynolds John Bruton Bertie Ahern
Suminunod ki	Patrick Hillery
Sinundan ni	Mary McAleese
United Nations High Commissioner for Human Rights
Termino 12 September 1997 – 12 September 2002
Secretary-General	Kofi Annan
Suminunod ki	José Ayala Lasso
Sinundan ni	Sérgio Vieira de Mello
Senator
Termino 5 November 1969 – 5 July 1989
Constituency	University of Dublin
Personal na mga detalye
Kamundagan	Mary Therese Winifred Bourke (1944-05-21) 21 Mayo 1944 (edad 80) Ballina, County Mayo, Ireland
Nasyunalidad	Irish
Partido politikal	Independent (before 1977, 1981–present)
Iba pang partido	Labour Party (1977–1981)
Mga aki	3
Dinakulaan	Zürich, Switzerland Dublin, Ireland
Alma mater	Trinity College Dublin King's Inns Harvard University
Trabaho	Barrister politician diplomat
Awards	Otto Hahn Peace Medal (2003) Calderone Prize (2005) Princess of Asturias Award (2006) Presidential Medal of Freedom (2009) Knight of Freedom Award (2017) Kew International Medal (2018)
Lagda

	Mary Robinson's voice From the BBC programme Desert Island Discs, 28 July 2013[1]
Igwang mga problema sa pagpapatugtog sa sagunson na ini? Hilingon an katabangan nin media.

Si Mary Duman Winifred Robinson (Irish: Máire Mhic Róibín; ^[2] née Bourke; Namundag 21 Mayo 1944) sarong Irish na independyenteng pulitiko na nagserbeng ikapitong Presidente kan Irlandya poon Disyembre 1990 abot Septyembre 1997, asin nagin pinaka-inot na babae na nagkapot kan opisinang ini. Sya nagserbi man bilang United Nations High Commissioner para sa Human Rights poon 1997 abot 2002 asin Senador para sa Unibersidad nin Dublin poon 1969 abot 1989. Inot siyang nagin prominente bilang sarong akademiko, barristo asin tagapagkampanya. Tinugdas niya an partidong Fianna Fáil's Brian Lenihan asin an partidong Fine Gael's Austin Currie kan eleksyon presidensyal 1990, asin sya an nagin pinaka-inot na kandidatong independyente na nominado kan Partido Labour, an Partido Trabahador asin Independienteng mga Senador. Siya an inot na elehidong Presidente sa kasaysayan kan opisina na dai man nagkaigwa kan suporta kan Fianna Fáil.^[3] PIgmimidbid man sya bilang sarong tawo na nagtutulod nin pagbabago sa Irlandya, asin bilang lider kaini, an pagbuhay liwat asin pagkatalingkas kaini gikan sa pagigin dating konserbatibo, asin bilang mapagkumbabaon na politiko. Nagbaba sya sa pwesto duwang bulan bago matapos an saiyang termino tangani na magtukaw sa saiyang posisyon sa United Nations. Sa saiyang termino sa UN, pigbista nya an Tibet (1998), an inot na High Commissioner na naggibo kan siring; pigtuyaw nya man an polisiya para sa mga imigrante sa Irlandiya; pati naman an pagpapataw nin mga kapital na kapadusahan sa Estados Unidps. PIgpalawig nya pa an saiyang termino nin saro pang taon tangani na papagtahawan an World Conference kontra sa Rasismo kan taon 2001 sa Durban, Sur Aprika; nagin kontrobersyal man an siring na komperensya. Sa padagos na pandududo kan Estados Unidos, nagbaba sa pwesto si Robinson kan Setyemre 2002.

Pinangaki sya bilang Mary Therese Winifred Bourke sa Ballina, County Mayo, kan 1944. Aki sya kan duwang medikal na doktor. ^[4]An saiyang ama, iyo si Dr. Aubrey Bourke, kan Ballina, asin an saiyang ina iyo si Dr. Tessa Bourke (née O'Donnell), kan Carndonagh, Inishowen, County Donegal.An Hiberno-Norman Bourkes nag-istar sa Mayo poon pa kan ika-13 siglo. An saiyang pamilya konektado man sa pirang mga politikal na linya nin pamilya sa Irlandya. An saro sa saindang mga ninuno, saro man na nanginginot na aktibista sa Irish National Land League kan Mayo asin sa Irish Republican Brotherhood. An saiya man na tiyoon, si Sir Paget John Bourke, piggawadan nin ranggong knight ni Reyna Elizabeth II, matapos an karera kaini bilang husgado sa Serbisyo Kolonyal; mantang an sarong pang sadiring tawo, Katolikong madre. Pirang myembro kan saindang pamilya mga kasaro kan Simbahan Angliko kan Irlandya mantang an iba man mga Katoliko. An hararayo nindang sadiring tawo, kaiba sinda William Liath de Burgh, Tibbot MacWalter Kittagh Bourke, asin Charles Bourke. Kaya sya man nanggad pinangaki sa pamilya na igwa nin halo nin mga rebelde asin serbidor kan Koronang Briton.