Burj Khalifa
An Burj Khalifa (Arabo: برج خليفة "Khalifa Tower") na dati inaapod Burj Dubai sarong edipisyo sa Dubai, Pinagsarong Arabong Emirado asin iyo ngonyan an pinakahalangkaw na gibo-nin-tawong estruktura sa kinaban.[1][2]Ini may langkaw na 828 metro (2,717 piye). Pino'nan itogdok kan Septyembre 21, 2004 asin natapos kan Oktobre 1, 2009, pinag'inaguraran opisyalmente kan Enero 4, 2010. An edipisyong ini parte kan 2 km² (490-acre) na development na inapod Downtown Burj Khalifa sa "First Interchange" kan kalabaan nin Sheikh Zayed Road, asin harani sa sentro kan negosyo nin Dubai. An arkitektura asin inhinyerong desinyo pinaggibo kan kompanyang Skidmore, Owings and Merrill, LLP (Chicago), asin an nangenot na arkitekto iyo si Adrian Smith saka an nangenot na inhinyero sa estruktura iyo si Bill Parker. An nagkapot kan mayor na kontrata iyo an Samsung C&T kan South Korea..[3][4]
An gastos na total sa proyektong ini nag'abot $1.5 bilyon, asin sa kaenterohan kan pagdebelop kan "Downtown Dubai", $20 bilyon. [5] Kan Marso 2009, si Mohamed Ali Alabbar, chairman kan nagpapadalagan sa proyekto, nagsabi na an pang'opisinang espasyo nahalaga nang US $4,000 por metro kwadrado asin duman sa Armani Residences na yaon man sa laog kan Burj Khalifa, an barakalan $3,000 por metro kwadrado. [6]
An pagkahaman kan proyekto natongod sa krisis pinansyal kan kinaban, asin sa pa'ngana' na konstruksyon nin mga edipisyo sa nasyon na ini, mala ta bunga kaining mga pangyari nagkaigwa nin halangkaw na pagkabakante asin pagkaremate [7].
Huli kan an Dubai natalmok sa naglolobong utang dara kan ambisyon niya, an gobyerno napiritan maghanap nin multibilyon na ayuda sa saiyang kadolon, an Abu Dhabi, sarong nasyon na mayaman sa asayti. Sa sarong dai pighunang pangyari, sa pag'inagurar kan edipisyo, an torre pigbago an pangaran, asin inapod nang Burj Khalifa, sa pagtaong onra sa Presidente kan Pigsarong Arabong Emirado, si Khalifa bin Zayed Al Nahyan[8]
Gibo kan paglakma' kan merkado sa pagrorogaring sa Dubai, an mga arkila sa Burj Khalifa huminuros nin 40% mga sampolong bulan pakabukas kaini. Sa 900 na apartment sa torre, mga 825 an dai pang nag'aarkila kan mga oras na iyan. [9][10]
Toltolan
[baguhon | baguhon an source]- ↑ Bianchi, Stefania; Andrew Critchlow (2010-01-04). "World's Tallest Skyscraper Opens in Dubai". The Wall Street Journal (Dow Jones & Company, Inc). http://online.wsj.com/article/SB10001424052748703580904574638111667658806.html. Retrieved on 4 January 2010.
- ↑ "World's tallest building opens in Dubai". BBC News. 2010-01-04. http://news.bbc.co.uk/2/hi/business/8439618.stm. Retrieved on 2010-01-04.
- ↑ "Burj Dubai reaches a record high". Emaar Properties. 21 July 2007. http://www.emaar.com/index.aspx?page=press-release-details&id=361. Retrieved on 24 November 2008.
- ↑ Keegan, Edward (15 October 2006). "Adrian Smith Leaves SOM, Longtime Skidmore partner bucks retirement to start new firm". ArchitectOnline. http://www.architectmagazine.com/industry-news.asp?sectionID=1006&articleID=385534. Retrieved on 23 March 2009.
- ↑ "What to see". Dubai Travel Desk. Archived from the original on 12 February 2022. Retrieved 23 March 2009.
- ↑ "Burj Dubai offices to top US $4,000 per sq ft". Zawya. 5 March 2008. Archived from the original on 10 August 2011. https://web.archive.org/web/20110810010114/http://www.zawya.com/story.cfm/sidZAWYA20080305042540. Retrieved on 23 March 2009.
- ↑ "The Burj Dubai and architecture's vacant stare". Los Angeles Times. 1 January 2010. http://latimesblogs.latimes.com/culturemonster/2010/01/the-burj-dubai-and-architectures-vacant-stare.html. Retrieved on 4 January 2010.
- ↑ "828-metre Burj Dubai renamed Burj Khalifa". Maktoob Group. 2010-01-04. Retrieved 2010-02-10.
- ↑ Reagan, Brad (October 14, 2010). "Burj Khalifa rents tumble 40%". The National. Retrieved November 6, 2010.
- ↑ McGinley, Shane (October 21, 2010). "Armani Residences defy 70% Burj Khalifa price drop". Arabian Business. Retrieved November 6, 2010.
