Alexei Bolshakov (politiko)

Si Alexei Alexeyevich Bolshakov (Russian: Алексе́й Алексе́евич Большако́в; 17 Desyembre 1939 — 21 Abril 2017) sarong Rusong politiko na nagserbing First Deputy Chairman kan Gobyerno nin Rusong Pederasyon poon 1994 abot 1997, durante kan pagkapresidente ni Boris Yeltsin. An saiyang mayor na papel komo deputy prime minister iyo an kooperasyon sa kapwa kairiba sa CIS na mga nasyon asin dangan sa pagpauswag kan industriya.

Namundag 17 Desyembre 1939 sa Pskov Oblast, siya naggradwar sa M. A. Bonch-Bruevich Leningrad Electrotechnical Institute na an specialty komo electrical-radio engineer. Si Bolshakov ngapit nag'atender sa Institute of Management of the National Economy. Sa bilog na mga 1970 asin mga 1980 siya nagkapot nin mga halangkaw na pwesto sa iba-ibang mga palakaya sa Leningrad. Kan 1991, kan tungod sa paglakma' kan Unyon Sobyet, siya nagin pamayo kan komite sa pagpagantad nin ekonomiya sa Saint Petersburg. Poon 1991 abot 1994 si Bolshakov iyo an namayo sa proyekto kan high-speed railway.^[1]

Kan Nobyembre 1994, si Bolshakov nanombrahan Deputy Chairman of Government of the Russian Federation para sa kooperasyon sa kairiba sa CIS na mga nasyon. Kan Agosto 1996 Presidente Boris Yeltsin pignombrahan siyang saro sa Enot na Deputy Primer Ministro, asin si Bolshakov responsable sa pagpadalagan kan kasibotan sa industriya asin komunikasyon.^[2] Siya sinasabing bako man na gayong uyon sa pagreporma o kontra sa privatization sa Rusya.^[3] Pakaretiro sa gobyerno kan 1997, si Bolshakov nagkapot pa nin mga katongdan sa mga pribadong kompanya.^[1][4]

Siya nagadan sa Saint Petersburg kan 21 Abril 2017.^[1]

Sarong tamboan an artikulong ini. Makakatabang ka sa Bikol Wikipedia sa pagpoon kaining pahina.