Woiwodschoftsdog
Ois Woiwodschoftsdog [dt.: Woiwodschaftstag, poinisch: sejmik wojewódzki) wean de regionoin Parlamente vo de Woiwodschoftn in Poin bezeichnt.
As Parlament setzt se zamm aus Obgeoadnetn, de jeweis in de 16 poinischn Woiwodschoftn fiara Amtszeid vo via Joarn gwejt wean. De Ozoih vo de Obgeoadnetn vo om Woiwodschoftdog variian vo Woiwodschoft zu Woiwodschoft in Obhengigkeit vo dean Bevejkarungssteake. In Woiwodschoftn mid gringara Bevejkarungszoih bstehns aus 30, in da stoak bevejkatn Woiwodschoft Masowien aus 51 Obgeoadnetn.
De Midglieda vom Woiwodschoftsdog wejhn aus iahra Middn oan Voasitzndn und oan stejvatretndn Voasitzndn, wejche beide ned Tei vom Exekutivausschuss vo da Woiwodschoft (ponisch: zarząd województwa) sei deafn. Da Voasitznde is dofia vaontwoatli, de Gschäfte vom Woiwodschoftsdag z regln und Debattn z fiahn.
Da Woiwodschoftsdog ko Satzunga, wejche de Woiwodschoft betreffn, vaobschiedn, sofean diese ned in an Afgombereich vom zentroiistisch bstimmtn Woiwoden foin. Dies ko etwa'n Haushoit vo da Woiwodschoft, Entwicklungsstrategien und Regln zua Vawoitung vom Woiwodschoftsbsitz sei. Des Weitan ko ea an Woiwodschoftsmarschoi (poinisch: marszałek województwa) wejn, dea'm emfois gwejtn Exekutivausschuss voasitzt.
As Woat Sejmik sejbst is a Diminutivfoam vo Woat Sejm, wejchs da historische, poinische Reichsdog woa und heit nem am Senat oana vo de Komman vom poinischn Parlament is. Fia de weitan historischn Vawendunga vom Begriff, schau: Sejmik.