Neuseeländischer Spinat

Da Neuseeländisch Spinat is a greane Staud, wos afn bodn kriacht.

Er kimmp aus der Gégnt va Nui-Seelånt und Australien. Er isch zem va die énglischn Seafåhrer enttéckt gwórtn; die Maori håm-en schón vór der Ånkunft va die Europäer als Gemise kénnt unt géssn. Sie sågn derzua Kohihi. Er isch ersch in der zweitn Hälfte van 18. Jåhrhundert^[1] nåch Európa kémmen unt kånn aa als Zierpflånz verwéndet wern um in Pódn åzudéckn. Déswégn håt’r aa koan tradiziónelln Dialektnåmen.

Die fleischign Laber sein rhómbisch pis dreiégget unt pis zu 15 cm lång. Nåch die gelbm Pluah, dé meistns oanzeln in die Åxlen va die Plattlstingl sein, kimp a Nuss (uma 1 cm Durchmésser) mit viar Hérn. Man fintetn gelégntlich aa pa uns in die Gemisegartn unt er kånn aa verwildern. Er wåxt guat, wó der Pódn sålzig isch, unt låsst sich aus Såmen ziachn. Der wissnschåftliche Nåmen isch Tetragonia tetragonioides; er gheart zu der Familie va die „Mittagsblumengewächse“ (Aizoaceae).

1. ↑ Low, T., Wild Food Plants of Australia, Angus & Robertson, 1991, ISBN 0-207-16930-6