Neapolitana-Schnittn
Neapolitana oda Neapolitana-Schnittn san a Siassigkeit aus Oblotn gfüd mit ana Hoslnuss- und Gaugaucreme. Es gibt inzwischn owa no andare Creme-Variantn. De easchtn Neapolitana-Schnittn san vo da Österreichischn Firma Manner 1898 gmocht wuan.[1] Des Grundrezept is seithea ned vaändat wuan.
Typisch san fünf hauchdünne Oblatnschichtn in Obwechslung mit insgsamt via Cremeschichtn. Es gibt a Neapolitana-Schnittn, de wos komplett mit ana Schogladglasua iwazong san.
Da Naum Neapolitana kummt dohea, dess de Hoslniss fia de Füllung uaspringlich aus Neapel kumma san.