Pangiring

Suratan puniki kasaratang wikifikasi mangda ngisinin standar kualitas Wikipédia. Ida dané dados ngamolihang wantuan marupa tambahan daging pranala jero, utawi mawit nguahin tata letak ring suratan/kaca puniki. Tekén keterangan liyanan, klik [tampilkan] ring bagian tengen. Gingsirang markah HTML mawit markah wiki yéning kamungkinin. Dagingin pranala wiki. Yening karasa sarat, uahin pautan ka suratan wiki liyanan mawit ngadagingin "[[" miwah "]]" ring kruna sané wénten (cingak WP:LINK tekén keterangan liyanan). Ampura dumun nenten ngmasang pranala ring kruna sané sampun kauningin secara umum olih para pembaca, luiripun: profesi, istilah geografi umum, miwah prabot/piranti sadina-dina. Sunting wagian pembuka Ngaryanang utawi kembangin wagian pembuka ring suratan puniki. Susun manggala suratan puniki mawit pedoman tata letak. Dagingin kotak info yéning soroh suratan kamungkinin. Usap tag/mal puniki.

Pangiring inggih punika panganggén kruna sané magenah ring pungkur. Pangiring-pangiring punika minakadi; -a, -an, -ang (-yang), -in, -ing (-ning), -e, -ne, -en, -wait, -man, -wan.^[1]

Wenten kutus (8) soroh pangiring, inggih punika:

1. Teges pangiring "-a", mateges;
   • Nyinahang karya sané kakaryanin olih jadma sané karaosang (jadma ka-3). Umpami "dukain + a", "tingalin + a". Wimba ring lengkara: "Ngelemang titiang wawu dukaina olih I Guru. Suba tingalina tiang epuh magarapan, masih ya enu bengong-bengong.
   • Nyinahang padrewean, Umpami: "Pianak + a" dados pianaka, wimba ring lengkara: pianaka ada tuah dadua.
2. Teges Pangiring "-an", mateges;
   • Nyinahang kahanan nglangkungin sané lianan. Umpami: Punyan nyuhe tegehan tekén punyan biune.
   • Nyinahang langkungipun kalintang. Umpami " ya anak buka sesenggakane, jlema lantangan batis, joh-joh pagelahan anake bakat baana ngalih.
   • Nyihnayang ngwangun Kruna Aran " Umpami Jani mula dina sangkepan Subak.
   • Nyihnayang Kruna aran Niskala,: Umpami " Yan Kamulan tusing duman I dewek, eda bena marikosa.
   • Nyihnayang prabot, Umpami: Jemakang mémé kikihan, lakar ngae santen
   • Nyihnayang kruna Aran sekadi Kruna Lingganipun " Umpami " Ditu di Jlingjingan ebune pejang bapa bulihe, ngantosang dewasané mamula.
   • Nyihnayang wewatesan , Umpami:Waian tiang majalan, sawiréh motore kelang.
   • Nyinahang genah , Umpami: Kawanguna sekolahan, genah melajahang budi.
   • Nyihnayang Makueh , Umpami: Anake cerik ane tonden matuuh liwat telu bulan, tonden dadi anggoin mas, masan, msll.
   • Nyihnayang tetuladan barang , Umpami " gaenang adine kapal-kapalan lakar pulanga ditelagane.
3. Teges Pangiring "ang", mateges;
   • Nyinahangkarya matetulung. Umpami: Jemakang malu adine nasi, witeh uli tuni tonden madaar.
   • Nyihnayang ngelaksanayang karya (Lumaksana ) Umpami " Tegarang satuayang malum kenken pangawitne.
   • Nyinahang makta miwah nglaksayang karya, Umpami: Tegarang satuayang malu, kenken pangawitne.
   • Nyinahang sakadi Kruna Lingganipun. Umpami: Enggal pesan ya ruyug, sujatine ya anak sedeng adiang ping pindo.
   • Nyinahang Karya kala punika, Umpami: ya setata bangun ngedas lemahang.
4. Teges Pangiring "-in", mateges;
   • Nyinahang karya matetujon ring panandangipun, Umpami: Ya suba magarapan, mula tuara dadi barengin nyen-nyen.
   • Nyinahang wewatesan, Umpami: di Jeron Bapak Prebekele ada karya ngrorasin.
   • Ngwangun rasa ring panandangipun, Umpami: Uparenggan tetamanan punika wiakti ngulangunin pisan.
   • Nyihnayang karya matetulung, Umpami: Ampakin ya kori.
   • Nyinahang karya mawanti-wanti. Umpami: Butbutin malu bulun siape.
   • Nyinahang kahananipun lintangn. Umpami: Pategehin pundukan carike ento, apang tusing dadi lancah blabar.
5. Teges Pangiring "-ing = ning", mateges; Pangiring ing/ning punike saimper ring pangiring "ne", Umpami: Pamuput Ngacep-acep Ida Betara ring luring akasa = sané malingga malinggih ring luring akasa
6. Teges Pangiring "-e", mateges; Nyinahang panuek kruna lingganipun, Umpami: Jame suba nyinahang pukul 10.50 manut dedauhan Indonésia sisi kauh.
7. Teges Pangiring "-ne", mateges;
   • Nyinahang barang punika drewen anak sané karaosang ( orang ke 3), Umpami: Limane gedé gati.
   • Ngwangun Kruna Aran, Umpami: Dalemne atungtung nyuh.
   • Nuekang Kruna Katerangan, Umpami " Pangawitne ya ngorahang tuara nyak.
8. Teges Pangiring "-en, -wati, -man, -wan", mateges; Nyinahang Pakaryan sané pacing kalaksanayang during majanten, Umpami:
   • Anak istri sané sampun ngamolihang ring indik kekawian, kabaos sang rumaga sastrawati.
   • Anake sané seneng matulung urip, welas asih, tur malaksana rahayu, wantah patut kabaosang budiman.
   • Ida Sang Prabu Salya, wiakti ratu saktiman tur kabiuhaning wadua miwah bala peka.
   • Sang Wibisana diastu tosning raksasa, sakewanten pakayunane suci, mawinan Ida kabaos sang Gunawan