Ajengan Jepang

Ajengan Jepang ngacakupin ajengan wawengkon lan tradisional Jepang, sané sampun ngelimbak lami ipun mabad-abad ring pagentosan politik, ékonomi, miwah sosial. Ajengan tradisional Jepang (Jepang: washoku) malakar dasar sega antuk sup miso lan ajengan liyanan; wénten nganggén lakaran ngemasan. Ulamné ketah malakar saking bé, acar jangan, miwah jangan sané karatengin sareng kaldu. Ajengan saking segara katah, ketah kapanggang, sakéwanten kasajiang matah sekadi sashimi utawi sushi. Ajengan saking segara lan jangan taler kagoreng sareng adonan tipis tempura. Liyanan sega, ajengan utama sajeroning mi, sekadi soba tur udon. Jepang taler madué akéh ajengan sané malablab, sekadi produk ulam sané kasengguh kaldu odén, utawi ulam sampi ring sukiyaki lan nikujaga.

Sacara lelintihan kapingaruhin olih ajengan Cina, ajengan Jepang taler polih pingaruh saking Ajengan Kauh ring aab modérn. Ajengan sané manahang saking ajengan dura negara—kususné ajengan Cina—sekadi ramén lan gyōza, taler ajengan sekadi spageti, karé miwah hamburger, taler kasesuaiyang sareng kasenengan tur lakaran ring Jepang. Makudang ajengan désa taler dados kaloktah ring sajebag Jepang, rumasuk nasi taco ajengan pokok ajengan Okinawa sané kapengaruhin olih dresta kuliner Amérika lan Méksiko.^[1] Sacara tradisional, jadma Jepang mangindarin ulam dados asil saking paajahan ring Buddhisme, sakéwanten antuk modérnisasi Jepang ring warsa 1880-an, ajengan malakar dasar ulam sekadi tonkatsu lan yakiniku sampun dados katah. Saking daweg nika, ajengan Jepang, kususné sushi lan ramén, dados kaloktah ring jagaté.

Ring warssa 2011, Jepang ngambil genah Prancis manados negara antuk Réstoran Michelin bintang 3; per tanggal 2018^[update], ibu kota Tokyo sampun ngapertahanang predikat kota antuk réstoran mabintang 3 pinih akéh ring jagat.^[2] Ring warsra 2013, ajengan Jepang kawewehin nuju Lis Tetamian Budaya Tenbenda UNESCO.^[3]

1. ↑ Lucero, Mario J. (4 Maret 2022). "Mixing Food Cultures: Japan, Mexico and Southwest US". Tokyo Weekender. Kaaksés 29 April 2022.
2. ↑ Demetriou, Danielle (19 Oktober 2011). "Japan relishes status as country with most three-starred Michelin restaurants". The Daily Telegraph (ring Inggris). ISSN 0307-1235. Kaarsipin saking versi asli tanggal 11 Januari 2022. Kaaksés 15 Januari 2019.
3. ↑ "Japanese cuisine added to Unesco 'intangible heritage' list". BBC News. 5 Désémber 2013.