Perugia

Perugia tir dota isu widavapa iste Italiafa Dega, widot ke Umbria Gola is Perugia Winka koe Italia.

Izva

Perugia tir kelu ke Umbria, kolnayana moe furida vamoe Tevere krant. Va golesa joya jontikedje benelafa koo yon krant ke istefa Italia feliar. Cugexaf tuvel is stabrega ke lane rebavanambe va triguca ke wid mali Etrusci ugal vrutad.

Wid bak -41 AGJ bal lyumara ke Marcus Antonius kev Octavius zo vilayar aze zo malvegeduyur. Arti dilif ugalap, widava gan Ostrogoth cosik isti VI^-eafa decemda zo kerestiayar. Banvielu flayduson tweriepeyer aze bak XI^-eafa decemda anton divfiyir.

Wid vanpiyir volruptesa dota ise, feliatason va tawavopo va gunt ke intafa tirka impavantayar, is kagrupeson va banafa nafaluca ke papik. Wori Perugia va kizey tuzeitasa va vankedara ke glastikeem bas to turestafe vegungafe Firenze beituyur. Banvielu in va warzafe anambe is Priori berma is wevala is jontika uja voxisu listafa kodia batvieli lapteyesa kolnayar.

Bak 1540 papikaf milk va widava tere vangid ise va lizukafa mivvexuca jiadad.

Sanelia

Varafa sanelia ke Perugia dota tir vas 163 342 irubasik uldineyen bak 2021, koe widotafa widava is arak koe konaka tawadayafa wida isu monaxo.

Towara ke sanelia ke Perugia dota (1861-2018)

Xantaza : ISTAT

Wideem is monaxoeem ke Perugia tid : Bagnaia, Bosco, Capanne, Castel del Piano, Cenerente, Città della Domenica, Civitella Benazzone, Colle Umberto I, Collestrada, Colombella, Ellera, Ferro di Cavallo, Fontignano, Fratticiola Selvatica, La Bruna, La Cinella, Lacugnano, Migiana di Monte Tezio, Monte Corneo, Monte Petriolo, Montebello, Mugnano, Olmo, Parlesca, Pianello, Piccione, Pila, Pilonico Materno, Poggio della Pietra, Poggio delle Corti, Ponte Felcino, Ponte Pattoli, Ponte Rio, Ponte San Giovanni, Ponte Valleceppi, Prepo, Pretola, Ramazzano, Rancolfo, Ripa, Sant'Andrea delle Fratte, Sant'Egidio, Sant'Enea, San Fortunato della Collina, San Giovanni del Pantano, Santa Lucia, San Marco, Santa Maria Rossa, San Martino in Campo, San Martino in Colle, San Sisto, Solfagnano, Villa Pitignano.

Tawavopa

Varaf welmot ke Perugia tir vas 449 km².

Sazopa

Lidawickaf sazorig koe Perugia
Aksat	Tan-	Tol-	Bar-	Bal-	Alub-	Tev-	Per-	Any-	Lerd-	San-	STan-	STol-	Tanda
Ana yankapa (°C)	17.3	21.7	25.6	29.7	35.0	37.5	39.6	38.9	35.3	30.2	24.0	19.3	39.6
Cugafa yankacka (°C)	8.9	10.9	14.1	16.8	22.1	26.1	30.0	30.0	25.5	19.7	13.3	9.3	18.9
Yankacka (°C)	4.8	6.0	8.4	11.0	15.7	19.4	22.6	22.8	19.2	14.4	8.9	5.5	13.2
Vugafa yankacka (°C)	0.6	1.1	2.6	5.1	9.3	12.6	15.2	15.6	12.8	9.1	4.4	1.8	7.5
Ana yankama (°C)	-15.8	-17.0	-8.3	-5.0	-1.9	5.2	6.9	6.0	3.6	-1.4	-8.2	-14.8	-17.0
Kotafa muvareka (mm-)	52.7	56.8	54.0	72.0	75.6	69.9	37.4	49.7	87.6	85.7	94.7	68.4	804.5
Xantaza : Servizio Meteorologico dell’Aeronautica Militare (1968–1990)