Therese Benedek

Therese Benedek
Vida
Nacimientu	Eger (es) , 8 de payares de 1892[1]
Nacionalidá	Hungría Estaos Xuníos
Muerte	Chicago, 27 d'ochobre de 1977[1] (84 años)
Estudios
Estudios	Universidá Eötvös Loránd
Oficiu	psiquiatra, psicoanalista
Emplegadores	Universidá de Leipzig
Miembru de	Asociación Psicoanalítica Alemana (es) Chicago Institute for Psychoanalysis (en) Galileo Circle (en)

Therese Benedeck (8 de payares de 1892, Eger ^(es)  – 27 d'ochobre de 1977, Chicago) foi una húngara-americana que yera psicoanalista, investigadora y educadora. Activa n'Alemaña y Estaos Xuníos, foi reconocida pol so trabayu na medicina sicosomática, desenvolvimientu psicosocial de les muyeres, disfunciones sexuales, y rellaciones familiares. Ella yera una facultá y miembru del personal de Chicago Institute for Psychoanalysis (Institutu de Chicago pal Psicoanalisis) dende 1936 hasta 1969.

Therese Friedmann nació n'Eger, Hungría, fía d'una familia xudía tradicional. Los sos padres fueron Ignatius Friedmann y Charlotte Link Friedmann, Therese tenía un hermanu y dos hermanes. Cuanto ella tenía 6 años, la so familia mudó a Budapest. Foi la única de los sos hermanos que recibió educación universitaria, graduándose na Universidá de Budapest con un doctoráu en medicina en 1916.

Benedek decidió primeramente siguir la carrera de psicoloxía de neños y estudió los efeutos de la separación materna nes emociones del infante. Completó los requisitos pa una residencia en pediatría en 1918 y empezó a trabayar como médicu auxiliar na clínica pediátrica de la Universidá St. Elizabeth en Bratislava. Ella dexó esta posición en 1919 y casóse pocu dempués. Tomó cursos del psicoanalista húngaru Sándor Ferenczi, un asociáu de Sigmund Freud, mientres los sos díes universitarios, ella decidió camudar la so carrera a psicoanalista. Sometióse a un analís d'entrenamientu de cinco meses con Ferenczi antes de salir de Budapest.

En 1920 ella y el so nuevu maríu estableciéronse n'Alemaña pa escapar del baturiciu políticu n'Hungría. Esi mesmu añu fízose médica auxiliar nel Neurological-Psychiatric Clinic (Clinia Neurolóxica-Psiquiátrica) de la Universidá de Leipzing y en 1921 abrió la primer práutica psicoanalítica privada de la ciudá, convirtiéndose n'analista de formación. De 1933 a 1935 foi analista de formación y supervisión nel Institutu Psicoanalíticu de Berlín.

Anque como xudía yera un oxetivu del Partíu Nazi n'Alemaña a mediaos de la década de 1930, Benedek nun sentía la necesidá d'emigrar, yá que se consideraba a sigo mesma húngara en cuenta de xudía. Sicasí, en 1936 el so maríu convencióse de dexar Alemaña y aceptó la ufierta de Franz Alexander de trabayar como analista de formación pal Chicago Institute for Psychoanalysis (Institutu de Chicago pa Psicoanalisis). Ella yera una facultá y un miembru de l'alministración, participando na enseñanza, supervisando, y la investigación nel institutu nos siguientes 34 años. Adquirió la so llicencia médica estauxunidense en 1937 y la so ciudadanía estauxunidense en 1943. El so maríu ingresó a la facultá de Northwestern University School of Medicine (Escuela de Medicina de la Universidá del Noroeste).

^[2]

Dizse que Benedek "desempeñó un papel central nel desenvolvimientu del psicoanálisis nos Estaos Xuníos". Influyíu poles teoríes de la histeria promulgaes por Freud, la so investigación inicial buscara un venceyu ente los factores sicolóxicos y endocrinos pa munchos problemes, como l'ansiedá y la diabetes. Nos Estaos Xuníos, trabayando col endocrinólogu Boris B. Rubinstein, ella condució estudios estensivos na correlación ente la ovulación y les emociones femenines, dando como resultáu'l llibru publicáu en 1942 llamáu The Sexual Cycle in Women sobre'l ciclu Sexual na Muyer. Benedek esploró un venceyu ente'l ciclu d'estróxenu/progesterona y el deséu d'una muyer de tener rellaciones sexuales, nutrir un embaranzu y criar fíos. Tamién describió la llucha de la "muyer moderna" col so papel maternal natural. L'analís de Benedek de la madre moderna "non-madre" foi llargamente emponderáu ya incluyíu na psicoloxía y los manuales d'enseñanza médica.

Benedek tamién estudió los efeutos de la igualdá de xéneru y la democracia nes rellaciones ente cónxugues y los sos fíos. El so papel de 1949 Parenthood as a Developmental Phase: A contribution to the libido theory rejected (La paternidá como fase de desenvolvimientu: una contribución a la teoría de la libido) refugó la teoría predominante que dicía que'l desenvolvimientu psicolóxicu paraba dempués de l'adolescencia; Benedek caltuvo que siguía al traviés de la paternidá. Ella publicó más investigaciones sobre la paternidá, les rellaciones familiares y la depresión nos sos setenta años, y siguió viendo a los pacientes na práutica privada dempués del so retiru del Institutu de Chicago pa Psicoanálisis en 1969.

N'Alemaña, Benedek foi miembru de la Sociedá Psicoanalista de Berlín. Nos Estaos Xuníos, ella perteneció a organizaciones psicoanalistes naciones ya internacionales y foi presidente de la Sociedá Psicoanalista de Chicago dende 1958 hasta 1959.

Nel so 80 cumpleaños en 1972, la Therese Benedek Research Foundation (Fundación d'Investigación Therese Benedek) foi establecida nel so honor.

En 1919 casó con Tibor Benedek, un dermatólogu ya investigador. Therese xunto col so maríu, húngaros protestantes, asistieron a la ilesia regularmente. Ellos tuvieron una fía y un fíu.

Ella morrió d'un ataque al corazón el 27 d'ochobre de 1977 en Chicago, Illinois, a la edá de 84 años. El so maríu finara 3 años primero.

Los sos papeles tán calteníos nel Institutu de Chicago pa Psicoanalisis.