Pyramiden

Pyramiden
Пирамида (ru)
Situación
País	Noruega
Archipiélagu	Svalbard
Tipu	asentamientu humanu
Coordenaes	78°39′22″N 16°19′30″E / 78.6561°N 16.325°E / 78.6561; 16.325
Pyramiden Pyramiden (Árticu)
Pyramiden Pyramiden (Svalbard)
Datos
Altitú media	37 m
Superficie	2 km²
Población	6

Pyramiden (en noruegu significa «la pirámide», en rusu escríbese (Пирамида, «Piramida») foi un asentamientu mineru de carbón soviéticu nel archipiélagu de Svalbard (Noruega). En 2022 tenía 3 habitante pel hibiernu y puede llegar a 15 pel branu.^[1]

Foi fundáu en 1910 por suecos pero en 1927 foi vendida a la Xunión Soviética.^[2] Cerróse en 1998 y dende entós permanez abandonáu, cola mayor parte de la so infraestructura y edificios entá nel llugar.

Dende 2007 ta intentándose promovelo como atracción turística.

Pyramiden foi un asentamientu mineru fundáu per Suecia en 1927. Ta allugáu al pie del fiordu de Billefjorden, na islla de Spitsbergen. La llocalidá ta asitiada na redoma de la badea de Adolfbukta, na parte oriental de la islla, onde s'alluga'l glaciar de Nordenskjøldbree.

Recibió'l so nome del homónimu monte con forma de pirámide que s'atopa sobro la ciudá. Los asentamientos más cercanos son la capital de Svalbard, Longyearbyen, a unos cincuenta kilómetros al sur, Barentsburg y la pequeña comunidá científica de Ny-Ålesund, cien kilómetros al oeste.

Cuando Pyramiden taba habitada, yera en gran parte autosuficiente, a diferencia d'otros asentamientos de Spitsbergen. La gran cantidá de carbón disponible faía que fuera posible disponer de munches tuberíes que tresportaben agua caliente pa la calefacción de les cases, la piscina d'agua salao caliente, los invernaderos y los establos. Col cuchu de vaques, gochos y aves, fertilizábase los güertos n'invernaderos, onde cultivabense ente otros, tomates, pimientos, pepinos, perexil, cebolles, llechugues y plantes ornamentales.

Nel añu 1975 produciéronse 35.000 kg de carne, 48.000 llitros de lleche, 110.000 güevos y 5.700 kg de verdures.

Una gran parte de la población yeren mineros ucranianos de Donbas.

Propiedá de la compañía minera rusa, de propiedá estatal, "Arktikugol Trust", que tamién ye propietaria del asentamientu de Barentsburg, Pyramiden supo ser, nel pasáu, el llar de más de mil habitantes. El 31 de marzu de 1998, realizóse la última estracción de carbón de la mina y los postreros residentes permanentes abandonáronla el 10 d'ochobre.^[3]

Hasta 2007, Pyramiden era prácticamente una ciuda pantasma onde, dientro de los edificios, les coses caltenabense en gran midida como taben cuando l'asentamientu foi apresuradamente abandonáu. Esto débese a l'ausencia de mugor y a la aridez del clima árticu^[4]

L'autor noruegu Kjartan Fløgstad escribió un llibru sobro Pyramiden. Un recién episodiu del programa Canal de Historia La Tierra ensin humanos presentó Pyramiden. Predíxose que, debíu al lentu ritmu de decadencia nun clima xelador, los principales edificios d'esta ciudá abandonada van siguir siendo visibles mientres otros quinientos años.^[5]

El pianu de cola más al norte del mundu alcuéntrase en Pyramiden: un pianu de cola "Octubre coloráu" (Красный октябрь) atópase nel centru cultural. Ello ye que la llista de coses "más al norte" puede ser arbitrariamente llarga: el monumentu más septentrional dedicáu a Lenin, la piscina en desusu más septentrional, etc.

El motivu principal del abandonu de la ciudá foi l'avería de la calefacción central que dependía del carbón estrayíu de la mina, sicasí la razón pola que nun foi reparada foi que la estracción de carbón dexara de dar ganancies, por tanto, los sos habitantes vieron nesti sucesu'l momentu ideal para abandonar esa ciudá.

Agora solo habiten esti pueblu, esto depende de la dómina del añu, 5 o 6 persones, que se dediquen al caltenimientu del llugar, de la qu'exercen como guíes turísticos.^[6]

Pyramiden ye accesible por barcu o moto de nieve dende Longyearbyen, bien como parte d'un grupu entamáu o independientemente. Nun hai restricciones pa visitar Pyramiden, entá propiedá del "Arktikugol Trust", pero nun se dexa entrar nos edificios ensin permisu, anque les puertes tán abiertes, para prevenir riesgos. Anguaño la mayoría d'edificios tienen les puertes zarraes. Entrar nos edificios, el vandalismo y el robu de "alcordances" convirtiéronse nuna amenaza seria para Pyramiden pos contribúi a acelerar la degradación de los edificios.

Dende 2007, Arktikugol tuvo anovando l'hotel y ameyorando la so infraestructura, lo qu'inclúi la edificación d'una nueva estación d'enerxía con motores diésel, p'afaer a turistes nel antiguu asentamientu. Hasta 30 trabayadores tuvieron viviendo nel llugar tol añu para'l caltenimientu de les instalaciones y emponer a los turistes que vienen de visita dende Longyearbyen.

En 2009 un emprendimiento lleváu a cabu por rusos reconstruyeron l'hotel de la ciudá y agora puede faese visites empuestes en rusu, noruegu ya inglés. Para l'añu 2013, l'hotel Tulip taba reabiertu y yera posible quedase pela nueche en Pyramiden. L'hotel alluga un pequeñu muséu. Amás, hai un hotel pequeñu construyíu con antiguos contenedores cerca de la badea. Sicasí, nun hai plan dalgunu d'anovar y reabrir l'asentamientu nel so conxuntu.

En 2014 la cantante sueca Tove Styrke rodó un vídeu musical en Pyramiden pal so single Borderline.^[7]

• 
  El monumentu de Pyramiden, cola última tonelada de carbón estrayida de la mina detrás d'él.
• 
  El puertu de Pyramiden y el monte que-y da el so nome.
• 
  Vieyes barraques de madera, construyíes al estilu de Siberia , antes de la guerra.
• 
  Dientro del polideportivu, unu de los edificios bien calteníos que los turistes pueden visitar.
• 
  Pyramiden

• Andreassen, Elin, Hein B. Bjerck, y Bjørnar Olsen. Persistent Memories: Pyramiden - A Soviet Mining Town in the High Arctic. (2010) Tapir Academic Press (n'inglés).
• Umbreit, Andreas. Spitsbergen, Svalbard, Franz Josef Land, & Jan Mayen. (2009) Bradt Travel Guides (n'inglés).

• Wikimedia Commons acueye conteníu multimedia sobre Pyramiden.
• Pyramiden, la ciudá pantasma del Ártico
• The City Abandoned At the Worlds End
• Pyramiden revisited by Ruin Memories archaeologists Bjerk and Andreassen
• Fragmento de la obra Pyramiden, de Kjartan Fløgstad (en español)
• Pyramiden. Cortometraje realizado por Luis Endera.
• Pyramiden. Película en la plataforma Filmin.
  • Datos: Q845396
  • Multimedia: Pyramiden