OLPC
 | |
 | |
| Versión inicial | 2005 |
|---|---|
| Tipu | organización |
| Más información | |
| Sitiu web | Web oficial |
 | |
OLPC (del inglés One Laptop Per Child, n'español Un portátil por neñu), ye'l nome d'un proyeutu centráu na distribución d'un PC fabricáu col propósitu d'apurrir a cualquier neñu del mundu conocencia y accesu a la teunoloxía de la información como formes modernes d'educación. El proyeutu cuenta col sofitu y collaboración de Google, AMD, Red Hat, News Corp, Brightstar Corp y otres empreses.
El portátil ta basáu nuna plataforma GNU/Linux, y ye eficiente nel usu de la enerxía, de mou que con un preséu mecánicu de tipu manivela pue xenerar abonda enerxía pal so funcionamientu. Un preséu de coneutividá inalámbrica dexa que los aparatos se coneuten ente ellos y tamién a Internet dende cualquier sitiu. Estos portátiles van vendese primeramente a los gobiernos y van dase a los neños nes escueles sol principiu: "un ordenador pa cada neñu".
El portátil de 100 dólares, como se conoz en términos coloquiales, a fecha d'avientu de 2007 vendíase n'Estaos Xuníos por pareyes por 199.5$ cada ún nel programa G1G1 (Get One Give One, "Merca ún, dona otru"), y tamién al traviés de la so canal de venta, pa la que se diseñó, la compra por gobiernos de países en desenvolvimientu.
El OLPC desendólcase pola organización «One Laptop Per Child». La OLPC ye una organización ensin ánimu d'arriquecimientu con se en Delaware, creada por catedráticos del Llaboratoriu de Multimedia del MIT pa diseñar, fabricar y distribuyir estos ordenadores portátiles.
A esti ordenador portátil XO tamién se-y conoz como La máquina verde. Los promotores del proyeutu quieren dexar claro que nun ye un productu creáu pa vender (en principiu), sinón que ye, enantes que nada, un proyeutu educativu.
Referencies
[editar | editar la fonte]Enllaces esternos
[editar | editar la fonte]
Wikimedia Commons tien conteníu multimedia tocante a OLPC.
