Muséu Estatal d'Historia d'Azerbaixán

Muséu Estatal d'Historia d'Azerbaixán
	Milli Azərbaycan tarixi muzeyi (az)
	muséu
Llocalización
País	Azerbaixán
Şəhər (en)	Bakú
Coordenaes	40°22′10″N 49°50′24″E / 40.369478°N 49.840122°E
	Muséu Estatal d'Historia d'Azerbaixán Muséu Estatal d'Historia d'Azerbaixán (Azerbaixán)
Historia y usu
Apertura	1920
Direición	Nailə Vəlixanlı
Dedicación	historia d'Azerbaixán
Númberu d'oxetos	300 000
	Web oficial

Muséu Estatal d'Historia d'Azerbaixán ( n'azerbaixanu, Azərbaycan Tarix Muzeyi) ye'l muséu más grande n'Azerbaixán, asitiáu en Bakú, nel Palaciu de Zeynalabdin Taghiyev. Zeynalabdin Taghiyev foi un magnate petroleru filántropu d'Azerbaixán. Fundóse nel añu 1920 y abrió a los visitantes nel añu 1921.^[1]

Historia

L'edificiu del Muséu construyóse ente 1893–1902. La casona del estilu renacentista italianu ye inmensa y hai cuatro pisos en delles partes del edificiu. Foi diseñáu pol arquiteutu polacu - Józef Gosławski.

Cuándo l'Exércitu coloráu entró a Baku n'abril de 1920, la residencia de Taghiyev prindóse darréu. Según el resolvimientu de la comisaría de la URSS, la residencia establecióse como muséu en xunu de 1920, pero namái dos meses dempués los Bolcheviques tomaron Bakú. En mayu de 1934 foi adoptóse la orde especial p'ameyorar l'enseñu d'historia y xeografía nes escueles o calcar les ventayes' de sociedá socialista a los sos miembros.^[2] Los nuevos tipos de museos históricu y rexonal creáronse para inspirar la enseñanza y la promoción d'historia.

Dende 1925 hasta 1960 l'Institutu d'Historia foi responsable de los trabayos arqueolóxicos, les fundaciones para la investigación científica de los materiales antiguos y monumentos culturales nel territoriu d'Azerbaixán realizáronse so la direición de los arqueólogos Davud Sharifov, Yevgeniy Pakhomov, Ishak Jafar-Zadeh, Movsum Salamov, Saleh Gaziyev, Mammadali Huseynov. Les escavaciones llevar a cabu en Xocalı, Qəbələ, Ganya, Beyləqan, Mingachevir y otros llugares. La coleición del muséu consta de los materiales qu'afayaron mientres estes escavaciones y espediciones etnográfiques.

Arquiteutura

Nel segundu pisu de la residencia de Taghiyev esisten dos grandes sales una al llau de la otra. Una de sales ta basada en diseños orientales (mauritanos) y la otra en diseños occidentales. El Cuartu Oriental tien les ventanes pergrandes, arcos doraos, altes parés ornamentales, techos y llámpares. Nel Cuartu Occidental les llinies son más perpendiculares (rectángulu). Según les fotografíes una de los cuartos más ellaboraos yera'l boudoir (cuartu priváu) de la muyer de Taghiyev. Tolos muebles y les pintures sumieron nesti cuartu. Güei nada queda sacante'l techu de mosaicu. Mientres el periodu soviéticu foi aplicáu altamente los diseños florales nes parés. Inda la pintura orixinal de les sales principales de la residencia aguantó increíblemente bien. La pintura qu'utilizó yera de pulgu de güevu que yera la práctica de los artistes d'iconos bizantinos.^[3]

Departamentos

El muséu tien más de 2000 esposiciones ya incluye los departamentos siguientes:^[4]

Departamentu d'historia moderna
Departamentu d'etnografía
Departamentu d'historia antigua y medieval d'Azerbaixán
Departamentu d'escursión científica
Llaboratoriu para la restauración de les esposiciones del muséu
Fondu de numismática: incluye la coleición de Yevgeni Pakhomov
Grupu de diseñu del arte
Biblioteca

Almisión

Xornada llaboral

El muséu trabaya de llunes a sábadu de 11:00 a 18:00. La venta d'entraes del muséu ta abierta hasta les 17:00. El domingu ye día llibre y amás el primer llunes de cada mes ye día de llimpieza.^[5]

Entraes

Adultos- 5 AZN.
Alumnos, estudiantes y estudiantes d'escueles militares – 2 AZN (pase llibre para responsable del grupu).
Serviciu d'escursión (amás de la entrada).
Grupu (5-20 persones)-3 AZN.
Serviciu individual d'escursión – 10 AZN.
Guía electrónica – 3 AZN.
Entrada familiar: Padres con neños -10 AZN .^[5]