Llagu Sainte-Claire

Llagu Sainte-Claire
Situación
País	Canadá
Provincia	Ontario
Municipalidad (es)	Chatham-Kent
Tipu	llagu
Coordenaes	42°27′01″N 82°40′33″W / 42.450265°N 82.67572°O / 42.450265; -82.67572
Llagu Sainte-Claire Llagu Sainte-Claire (Canadá)
Datos
Altitú media	175 m
Superficie	1114 km²
Conca hidrográfica	Lake Saint Clair drainage basin (en) [1]
Llonxitú	42 km
Fondura	3,4 m

El llagu St. Clair (inglés: 'Lake Saint Clair/ St. Clair' ); francés: 'Lac Sainte-Claire' ye un llagu de Norteamérica que sirve como frontera ente l'estauxunidense estáu de Michigan y la canadiense provincia d'Ontario. El llagu St. Clair, y los ríos St. Clair y Detroit, sirven como enllaz ente'l llagu Furón al norte y el llagu Erie al sur.

El llagu forma parte del sistema fluvial del ríu San Llorienzo, el colector de los Grandes Llagos (que taría formáu pola siguiente socesión de ríos y llagos: ríu North → ríu Saint Louis → llagu Cimeru → ríu St. Marys → llagu Furón → ríu Sainte-Claire → llagu Sainte-Claire → ríu Detroit → llagu Erie → ríu Niagara → llagu Ontario → ríu San Llorienzo → estuariu de San Llorienzo). El llagu forma parte tamién de la vía navegable de los Grandes Llagos.

El 12 d'agostu de 1679, día de la fiesta de Clara d'Asís, una espedición de René Robert Cavelier de La Salle bautizó'l llagu St. Clair (Santa Clara) en reconocencia a la santa italiana.

El llagu Furón desagua nel ríu St. Claire ente Port Huron, en Michigan y Sarnia en Ontario, el ríu crucia'l llagu St. Claire y desagua pol ríu Detroit nel llagu Erie.

El llagu, que la so superficie ye de 1.114 km², tien una fondura media de 3 m y algama una fondura máxima de 6,4 m.

Güei el llagu ye una zona turística pa la xente pel branu, especialmente pa los residentes de la rexón metropolitana de Detroit. Na mariña del suroeste, a lo llargo de les riques comunidaes de Punta Grande, ta prohibíu l'accesu a la sablera pa los non residentes. Escontra'l norte enlas mariñes de los condaos de Macomb y St. Clair, hai sableres públiques que son bien visitaes mientres el branu.

Delles especies de pexes d'agua duce d'América del Norte puede atopase nel llagu. Les especies apreciaes polos pescadores son los bagres, el lucio, la perca el salmón, l'esturión y la trucha.

• Wikimedia Commons acueye conteníu multimedia sobre Llagu Sainte-Claire.