Llagu Malawi

Llagu Malawi
Lake Malawi (en)
Situación
Tipu	llagu
Parte de	Parque nacional del Llagu Malawi
Coordenaes	12°11′00″S 34°22′00″E / 12.183333333333°S 34.366666666667°E / -12.183333333333; 34.366666666667
Llagu Malawi Llagu Malawi (Malaui)
Datos
Altitú media	474 m
Superficie	29 600 km²
Conca hidrográfica	Cuenca del Zambezi (es)
Superficie de la conca	6593 km²
Llonxitú	570 km
Fondura	704 m

El llagu Malawi o Malawi, ye'l más meridional de los grandes llagos pertenecientes al sistema del Gran Rift, n'África Oriental. Tamién ye conocíu como llagu Nyasa, Nyassa o Niassa, términu proveniente del idioma yao que significa «llagu». Conocíu n'Europa tres les espediciones d'esploración del misioneru escocés Dr. David Livingstone, el llagu ye frecuentemente mentáu en llingua inglesa como llagu de Livingstone.

El llagu tien cerca de 560 quilómetros de llargor y 75 d'anchu máximu, con una superficie total d'aproximao 29.600 km². Les sos mariñes pertenecen a tres países africanos: Mozambique, Malawi y Tanzania. El llagu Malawi desagua al traviés del ríu Shire, y el so principal tributariu ye'l ríu Ruhuhu.

Hai dos islles habitaes nel llagu, Likoma y Chizumulu. En Likoma esiste una gran catedral anglicana, construyida polos misioneros a principios del sieglu XX. Una carauterística importante de dambes islles ye la presencia d'un gran númberu d'árboles de baobab.

Les islles tienen una población de dellos miles de persones, que subsisten de la esplotación de bananes, mangos, tapioca y de la pesca nel llagu.

La mayor parte del llagu atópase en Malawi, magar la frontera llacustre ente esti país y Tanzania atópase inda en disputa. Tanzania reclama fronteres sobre'l llagu iguales a les que dixebraben les colonies alemán y británicu antes de 1914.

Malawi pela so parte reclama casi tola superficie llacustre incluyendo agües cercanes a la mariña de Tanzania, con base na alministración británica posterior a 1919, qu'incluyó'l llagu baxu dominiu de la Nyasalandia británica por obvies razones d'evitar una alministración separada pa l'alministración del Tanganica. La disputa llevó a conflictos nel pasáu.

Casi un cuartu de la superficie llacustre atópase en Mozambique, y les islles de Likoma y Chizumulu, dientro d'estes agües, constitúin un enclave de Malawi.

David Livingstone foi'l primer européu en llegar al llagu en 1859. La mayor parte de la zona qu'arrodia al llagu foi subsecuentemente reclamada pol Imperiu británicu pa formar la colonia de Niasalandia. Anque Portugal ocupó les mariñes al este del llagu, les islles de Likoma y Chizumulu, que s'atopen cercanes a les mariñes de Mozambique, fueron colonizaes por misioneros escoceses dende Niasalandia, y en consecuencia quedaron incorporaes al dominiu británicu.

En 1914 el llagu foi protagonista d'una curtia batalla naval, cuando un barcu británicu, informáu del empiezu de la primer guerra mundial, atacó a un barcu alemán nes agües territoriales de Tanzania, naquel momentu parte de la colonia alemana d'África occidental.

• Llagos de Tanzania

• Ficha na base de datos llacustres (n'inglés)
• Peces del llagu Malawi (n'inglés

• Wikimedia Commons tien conteníu multimedia tocante a Llagu Malawi.