Saltar al conteníu

Jordi Évole

De Wikipedia
Jordi Évole
Vida
Nacimientu Cornellà de Llobregat, 21 de xunetu de 1974 (50 años)
Nacionalidá España
Familia
Familia
Estudios
Estudios Universidá Autónoma de Barcelona : ciencies de la comunicación
Llingües falaes castellanu
catalán
Alumnu de Manel Armengol
Oficiu periodista, guionista, presentador de televisión, humorista, escritor, actor, productor de televisión, direutor de cine
Emplegadores Televisió de Catalunya
La Sexta
Antena 3
Premios
IMDb nm1552859
Cambiar los datos en Wikidata

Jordi Évole Requena (21 de xunetu de 1974, Cornellà de Llobregat) ye un periodista y presentador de televisión español. Dirixó dende 2008 hasta 2019 el conocíu programa Salvados (LaSexta), y anguaño collabora como columnista col periódicu catalán La Vanguardia.

Biografía

[editar | editar la fonte]

Ñacíu en Cornellà de Llobregat, ye fíu de madre granadina, Antonia Requena Hidalgo y padre estremeñu, Gonzalo Évole Hurtado.[3] Ye primu segundu del presentador Jordi Hurtado, pos el güelu d'Évole y el pá de Hurtado son primos hermanos orixinarios del pueblu cacereñu de Garrovillas de Alconétar.[4] Estudió la carrera de Comunicación Audiovisual na Universidá Autónoma de Barcelona[5] y entamó trabayando como llocutor de partíos de fútbol rexonal nel programa Carrusel Cataluña (Radio Barcelona). Tamién trabayó nos informativos de Telecinco y de la Cadena SER, anque'l so primer contautu televisivu foi na televisión llocal de Viladecans, Viladecans Televisió.[6]

Televisión

[editar | editar la fonte]

El Terrat

[editar | editar la fonte]

En 2000 fichó como guionista de La cosa nostra, un programa qu'Andreu Buenafuente presentaba na cadena autonómica catalana TV3. Dende entós pertenez a la plantía de la productora d'este: El Terrat. Foi collaborador, subdireutor y guionista del programa Buenafuente (LaSexta) ya interpretó a ún de los sos personaxes más famosos: El Follonero, un supuesto críticu bonal del programa y de l'actualidá, sentáu ente'l públicu. Tamién participó na primer xira teatral del grupu Terrat pack, onde visitó delles ciudaes españoles al pie de los sos amigos Andreu Buenafuente, José Corbacho y Berto Romero.

Nuna de les sos apaiciones n'Una altra cosa, nun gag preparáu, El Follonero atayó l'actuación en directu de Pau Donés (Jarabe de Palo) p'alegar qu'esti siempres cantaba lo mesmo. El Follonero fíxose famosu nesti gag, nel que glayó lo siguiente.

¿Eso qué ye? ¿El discu nuevu? Eso ye lo de siempre, home. Siempres faes lo mesmo, cuarenta años faciendo lo mesmo. Dende La Flaca nun faes nada, tíu". [...] "Pero si a mi gústenme! Lo que pasa ye qu'en cuenta de Jarabe de Palo son Xarabe del mesmu palu!

La escena foi repitida nos zappings nacionales. En 2005, yá n'Antena 3, Pau Donés visitó'l programa Buenafuente, onde'l presentador, Andreu Buenafuente, esculpóse, y El Follonero cantó una versión esculpa de La Flaca. Finalmente abrazáronse y declaróse gran siguidor del grupu.[7]

Salvados

[editar | editar la fonte]

El so trabayu dexó-y presentar un programa na cadena LaSexta: Salvados, nel cual primeramente de fixeron capítulos como Salvados por la campaña, dedicáu a la campaña eleutoral de les eleiciones xenerales d'España de 2008, Salvados por la Iglesia, Salvados por la Eurocopa y Salvados por los toros. Col entamu de la segunda temporada, el 19 d'ochobre de 2008, abandonó'l so calter temáticu y pasó a emitise selmanalmente. Nes sos primeres temporaes l'humor taba bien presente, magar se diría esleiendo pa dar pasu a un espaciu más centráu no periodístico. Anguaño Salvados ye una referencia de programa críticu cola situación social.

En 2016, Salvados estrenó temporada con 'Astral', onde se cunta la hestoria d'un veleru de luxu reconvertíu cuando'l so dueñu pensó que nun podía siguir esfrutando del barcu sabiendo qu'había tanta xente arriesgando la so vida llanzándose al mar, esi mesmu Mediterraneu pol qu'él saleaba, y dexó-y a la ONG Proactiva Open Arms. Primeramente a esta emisión, Astral s'estrenaron nes sales de cine, con 7.400 entraes vendíes y 35.000 euros recaldaos.

23F

[editar | editar la fonte]

El 23 de febreru de 2014 emitióse en LaSexta'l falsu documental, dirixíu por Évole, Operación Palace, nel que, al traviés de testimonios de protagonistes de la dómina como políticos o periodistes, ufierta una nueva versión de los acontecimientos del güelpe d'Estáu del 23 de febreru de 1981, según la cual foi too un montaxe conocío y autorizao por tolos partíos políticos que nel momentu teníen representación parllamentaria. La so emisión algamó una enorme repercusión en prensa escrita, redes sociales y convirtióse na emisión, de calter non deportivu, más vista na hestoria de la cadena, con 5,2 millones d'espectadores y un 23,9% de cuota de pantalla.[8][9][10][11][12][13]

Prensa escrita

[editar | editar la fonte]

Jordi Évole tamién collabora con artículos d'opinión nel diariu La Vanguardia y nel deportivu Mundo Deportivo.

Llogros

[editar | editar la fonte]

Referencies

[editar | editar la fonte]
  1. ↑ URL de la referencia: http://www.premiosondas.com/historia_2009-2000-08.php.
  2. ↑ URL de la referencia: http://www.premiosondas.com/historia_2019-2010-11.php.
  3. ↑ sientes-aforfugu-turistico-anque-no-guste-a-hosteleria-_573848.html «"Equí nun sientes aforfugu turísticu, anque nun guste a la hostelería".» (10-4-2011). El Periódico Extremadura.com. Consultáu'l 20-9-2011.
  4. ↑ www.hoy.es Hurtado y Évole, primos, consultáu n'avientu de 2014
  5. ↑ «'El Follonero' comparte l'Antena d'Oru con Sara Carboneru.» Archiváu 2019-11-10 en Wayback Machine (5-10-2010). El Referente.es. Consultáu'l 20-9-2011.
  6. ↑ Error de cita: La etiqueta <ref> nun ye válida; nun se conseñó testu pa les referencies nomaes ATV
  7. ↑ Vertele! (ed.): «"Llamábenlu 'Follonero'...": Diez grandes momentos de Jordi Évole en TV» (17 de payares de 2012). Consultáu'l 11 de xunetu de 2018.
  8. ↑ «Operación Palace, el falsu documental de Jordi Évole» (23 de febreru de 2014). Consultáu'l 24 de febreru de 2014.
  9. ↑ «Jordi Évole, sobro 'Operación Palace: 'A lo menos reconocimos que ye mentira'» (23 de febreru de 2014). Consultáu'l 24 de febreru de 2014.
  10. ↑ «Évole bati récords col so patraña del 23-F y llogra 5,2 millones d'espectadores periódicu= El País» (23 de febreru de 2014). Consultáu'l 24 de febreru de 2014.
  11. ↑ «Jordi Évole revoluciona les redes sociales col falsu documental del 23F» (23 de febreru de 2014). Archiváu dende l'orixinal, el 2019-04-30. Consultáu'l 24 de febreru de 2014.
  12. ↑ «rede.Ttt1BIjhA7MOqWm El falsu documental del 23-F de Évole revoluciona la rede periódicu= La Razón» (23 de febreru de 2014). Consultáu'l 24 de febreru de 2014.
  13. ↑ Vertele! (ed.): «Évole ruempe audímetros cola so falsa 'Operación Palace'» (23 de febreru de 2014). Consultáu'l 24 de febreru de 2014.
  14. ↑ Entrevista a Jordi Évole n'El País. Elpais.com.
  15. ↑ selmana-de-jordi-evole-maxima-audiencia-y-ondes/ La selmana de Jordi Evóle… máxima audiencia y Ondes Mundoplus.tv.
  16. ↑ [1]. (catalán)
  17. ↑ Ara.cat (ed.): «Jordi Évole, guardonat amb el Premi de Periodisme Manuel Vázquez Montalbán». Consultáu'l 28 de xineru de 2013.
  18. ↑ derechos humanos.html 'El Langui' y Jordi Évole, premio Nicolás Salmerón 2013 de Derechos Humanos. Diariu La Vanguardia, 10 d'avientu de 2013.
  19. ↑ elperiodico.com (ed.): «Jordi Évole, Premiu Òmnium de Comunicació». Consultáu'l 12 d'avientu de 2013.

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Jordi_Évole&oldid=4313237»