James Best

James Best
Vida
Nacimientu	Powderly (es) , 26 de xunetu de 1926[1]
Nacionalidá	Estaos Xuníos
Llingua materna	inglés
Muerte	Hickory (es) , 6 d'abril de 2015[2] (88 años)
Causa de la muerte	neumonía
Familia
Casáu con	Dorothy Best (en)
Fíos/es	3
Estudios
Llingües falaes	inglés[3]
Oficiu	actor, autobiógrafu, actor de televisión, actor de cine, actor de voz, guionista, productor de cine
Emplegadores	Universidá de Mississippi
Xéneru artísticu	western
Serviciu militar
Lluchó en	Segunda Guerra Mundial
IMDb	nm0078940
jamesbest.com

Jules Frankin Guy, más conocíu como James Best (26 de xunetu de 1926, Powderly ^(es)  – 6 d'abril de 2015, Hickory ^(es) ),^[4] foi un actor, productor, direutor, escritor, cantante, actor de voz y profesor d'Estaos Xuníos.

Nació en Kentucky, en 1926. La so madre yera la hermana de Ike Everly, padre del dúu pop los Everly Brothers. La so madre morrió en 1929, y foi mandáu a vivir a un orfanatu. Más tarde foi adoptáu pola familia Best y foise a vivir con ellos en Corydon, condáu de Harrison, nel sur d'Indiana.

En 1959 casóse con Jobee Ayers, y la pareya tuvo dos fíos, Janeen y Jojami. La pareya divorcióse en 1977. Best tamién tenía un fíu, Gary Best, del so matrimoniu anterior. En 1986 casóse con Dorothy Best. Yera tíu de la modelu Jennifer Lyons y suegru del cantante Michael Damián.

Los sos primeros papeles en películes fueron: Sam en Arguyu de comache, Cole Younger en Los asaltantes de Kansas, Frank Addison en Peggy, Jerry Connell en Air Cadet y Joe Rakich en Steel Town.

Dalgunes de les sos participaciones en cine son: Black Gold, Corredor ensin torna, La revancha de Clint Cooper, Espueles negres, Trés nun sofá, xabaces, Rolling Thunder, Asina empezó Hollywood, The Brian Machine, Raney, Death Mask, Hot Tamale, La lleenda de Moondance Alexander, Return of the Killer Shrews y The Sweeter Side of Life.

Fízose bien popular cola serie The Dukes of Hazzard, onde interpretó al Xérif Roscu P. Coltrane mientres el periodu 1979 a 1985

James Best finó'l 6 d'abril de 2015, n'Hickory, Carolina del Norte, por entueyos de la neumonía que carecía. Best tenía 88 años.^[5] Sobrevíven-y el so tres fíos y la so esposa, Dorothy.^[6]

• Hopalong Cassidy (1954)
• Stories of the Century (1954)
• Annie Oakley (1954)
• Gene Autri (1954)
• The Adventures of Kid Carson (1954-1955)
• Buffallo Bill (Jr.) (1955)
• Lux Video Theatre (1953-1955)
• The Adventures of Champion (1955-1956)
• Crossroads (1956)
• Telephone Time (1956)
• Pony Express (1960)
• General Electric Theatre (1960)
• The Texan (1960)
• Overland Trail (1960)
• Lock Up (1960)
• El rebelde (1960)
• Bonanza (1961)
• El pistoleru de San Francisco (1957-1961)
• Michael Shayne (1961)
• The Andy Griffith Show (1960-1961)
• Laramie (1959-1962)
• Hawaiian Eye (1962)
• Una roxa esplosiva (1965)
• Enos (1980)
• The Dukes (1983)
• The Dukes of Hazzard (1979-1985)
• B.L. Strycker (1990)
• In the Heat of the Night (1991)

• Wikimedia Commons acueye conteníu multimedia sobre James Best.

• James Best na Internet Movie Database (n'inglés)
• Páxina oficial de James Best
• Biografía de James Best en HazzardNet.com (enllaz rotu disponible n'Internet Archive; ver l'historial y la última versión).