Iguana
Iguana  | ||
|---|---|---|
 | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Sauropsida | |
| Superorde: | Lepidosauria | |
| Orde: | Squamata | |
| Suborde: | Iguania | |
| Familia: | Iguanidae | |
| Xéneru: |
Iguana Laurenti, 1768 | |
| Especies | ||
| Consultes | ||
| [editar datos en Wikidata] | ||
Iguana ye un xéneru de sauropsidos (reptiles) escamosos de la familia Iguanidae nativos de zones tropicales. Foi descritu per primer vegada pol naturalista austriacu Josephus Nicolaus Laurenti nel so llibru Specimen Medicum, Exhibens Synopsin Reptilium Emendatam cum Experimentis circa Venena en 1768.[1] El xéneru Iguana inclúi dos especies: la iguana verde (Iguana iguana) y la iguana del Caribe (Iguana delicatissima).
La pallabra «iguana» deriva del nome taíno para esti animal: iwana.[2] Iguana iguana ye la especie d'esti xéneru más usada para la cría en cautiverio.
Distribución
[editar | editar la fonte]Viven de normal n'árboles, alredor de 1,2 m sobro'l suelu. A pesar del so tamañu, pueden movese velozmente ente les plantes y son escelentes trepadores.
Carauterístiques físiques
[editar | editar la fonte]Les dos especies de llagartu del xéneru Iguana tienen una papada, un par d'escayos que cuerren pel costazu hasta la cola y un tercer güeyu na cabeza. Esti postreru ye conocíu como güeyu parietal, que paez una escama pálida na cabeza. Detrás del pescuezu hai unes escames qu'asemeyen picos, nomaos escames tuberculares.
La iguana verde (Iguana iguana) tien 1,50 m de llargor. Nel pescuezu y envés tien una alta cresta, formada por escayos independientes; otra serie d'escayos similar apaez sol mentón. Tien cuerpu y cola allargaos y estrechos; con esta postrera puede dar poderosos golpes, anque ye un animal inofensivu.
Les iguanes son animales herbívoros y ovíparos. Asitien los sos güevos so tierra mientres el mes de febreru. Algamen el maduror sexual a los 16 meses d'edá, pero son consideraes adultes a los 36 meses, cuando miden 70 cm de llargu.[3]
Notes y referencies
[editar | editar la fonte]- ↑ Laurenti, Josephus Nicolaus. Center for Retrospective Digitization, Göttingen (ed.): . Specimen Medicum, Exhibens Synopsin Reptilium Emendatam cum Experimentis circa Venena. Consultáu'l 13 de payares de 2010.
- ↑ Coles, William. Department of Planning and Natural Resources US Virgin Islands Division of Fish and Wildlife (ed.): . Green Iguana U.S.V.I. Animal Fact Sheet #08. Consultáu'l 13 de payares de 2010.
- ↑ «Reptiles y Peces: Iguana». Consultáu'l 3 de xunu de 2008.
 |
Wikispecies tien un artículu sobre Iguana. |
