Gastrectomía

Alvertencia: Wikipedia nun ye un consultoriu médicu nin farmacolóxicu. Si piensa que precisa ayuda, por favor, fale con un profesional de la salú.

Gastrectomía
procedimiento quirúrgico (es) y ectomía (es)

La gastrectomía ye la operación quirúrxica que consiste na reseición parcial o total del estómagu.

Pue usase en toles malures del estómagu que pertenezan a la ceruxía, sacantes los pequeños tumores benignos. Na práutica, les principales aplicaciones son: úrzula gastroduodenal complicada (furadura, hemorraxa, estenosis) y carcinoma gástricu.

Consiste na estraición de tol estómagu y de los texíos celulo-linfáticos d'alredor.
Suel faese sobre manera en presencia de cáncanu d'estómagu (carcinoma gástricu).

Consiste na estraición del estómagu, dende'l cardies hasta'l píloru.
El muñón d'esófagu xúnese direutamente al ileu o al colon, y va dilatándose progresivamente, formando una especie de nuevu estómagu (neoestómagu).

Hai un subtipu que ye la gastrectomía subtotal, con tres menes d'operación:

1. Gastroduodenostomía (Bilroth I): Xuniendo'l muñón direutamente col cabu del duodenu. Ye la variedá más fisioóxica.
2. Gastroyeyunostomía (Bilroth II o Anastomosis n'ω): Xuniendo'l muñón cola convesidá d'una de les primeres ases intestinales, dispuesto de tala manera que forma la lletra griega omega mayúscula.
3. Gastroyeyunostomía n'Y de Roux: Un muñón d'estómagu xúnese al cabu seicionáu d'una asa intestinal, al que se-y xune'l duodenu llateralmente al asa intestinal.

• 
  Bilroth I
• 
  Bilroth II
• 
  Gastroyeyunostomía n'Y

Consiste na reseicíon d'una parte del estómagu. Realízase en cuadros patolóxicos selectivos del texíu constitutivu del estómagu, como la úrzula gástrica o duodenal.
La reseición comporta cuasi siempre la eliminación del píloru. El tránsitu del estómagu al intestín vien aseguráu por una gastroduodenostomía; más frecuentemente la xuntanza faise tres del muñón del estómagu col yeyunu (operación de Polya, operación de Finsterer, operación de Kocher, etc.).

La falta total o subtotal del estómagu implica la falta de producción del xugu gástricu, polo que'l gastrectomizáu necesita d'una alimentación particular, ha ser particularmente dixestible y bien fraccionao a lo llargo del día. Amás d'esto, puen alministraes enzimes proteolíticos animales o vexetales (tripsina, pepsina, bromelina, papaína, etc.).

• Wikimedia Commons tien conteníu multimedia tocante a Gastrectomía.