Fariñas

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Fariñas}} ~~~~

Fariñas
Vida
Nacimientu	Cangas del Narcea, 28 de xineru de 1918
Nacionalidá	España
Muerte	12 d'ochobre de 1990 (72 años)
Estudios
Llingües falaes	castellanu asturianu

José García Tejón (28 de xineru de 1918, Cangas del Narcea – 12 d'ochobre de 1990) (1918 - 1990), más conocíu como Fariñas, foi un gaiteru asturianu del conceyu de Cangas del Narcea.

Naz José García Tejón el día de Santisón, el 28 de xineru de 1918, na casa familiar del llugar de Xenra, nes afueres de la Villa de Cangas, nel sen d'una familia de molineros. La tradición molinera de los Fariñas en Cangas entama del so güelu, natural del pueblu d'Eirias, nel conceyu d'Eilao, que llegó a Cangas a fines del sieglu XIX y mercó la casa vieya y el molín del formal de Xenra.

La neñez pásala José echando una mano a los pas nos llabores del molín y de les tierres. A los 5 o 6 años coye soltura tocando la xipla, daqué de lo que se da cuenta Aquilino, el Tratante, que-y dexa la so gaita unos meses, mentantu los pas-y merquen una.

Con 10 años acompaña a dos nomaos gaiteros de la zona, Dionisio de la Riela, y Casina de Courias. D'ellos recueye les sos ensiñances mas carauterístiques: de Dionisio l'academicismu de la gaita, y de Casina, l'estilu propiu de los grandes gaiteros de la comarca canguesa.

Cásase con Emilia Fuertes Fernández, natural de Pixán, el día 28 de Xineru, día de Santisón.

En 1968 fúndase na villa canguesa'l grupu folclóricu el "Son d'Arriba", grupu del que diba ser miembru Fariñas dende la so creación hasta la so muerte, el 12 d'ochobre de 1990.

Fariñas foi un mayestru n'interpretar lo que se conoz como'l picáu ligáu. Algamaba col so toque y el so dinamismu una forma única de representación y un soniquete más propiu d'otros instrumentos.