Epónimu

Un epónimu ye'l nome d'una persona o d'un llugar que ye usáu pa dar nome a un pueblu, conceutu o oxetu de cualquier clase, davezu como una forma d'homenaxe a dicha persona.^[1] Asina, Rómulu ye l'epónimu de los romanos. Nel usu llámase dacuando epónimu al nome asina formáu.

La eponimia yera un vezu yá presente en dómines arcaiques, en que nun yera infrecuente llamar a un periodu pol gobernante qu'ocupara'l cargu; asina, na Atenes clásica los años llevaben el nome del arconte epónimu y, na Roma republicana los años nomábense polos cónsules escoyíos pal mesmu. En Xapón el tiempu mídise por dómines, que son coincidentes cola duración del reináu de los sos emperadores; asina, 2015 equival al añu 27 de la dómina Heisei, del emperador Akihito.

A lo llargo de la historia, designóse'l nome d'unidaes militares pol nome del so comandante. Anguaño ye frecuente nes ciencies.

• Américo Vespucio - marín - América.
• Angul - rei llexendariu de los anglos - Angeln, Inglaterra.
• Atenea - diosa griega - Atenes.
• Simón Bolívar - políticu militar - Bolivia, repúbliques bolivarianes.
• Cristóbal Colón - navegante y conquistador - Colombia.
• Dan - rei llexendariu de los daneses - Dinamarca.
• Fénix - rei mitolóxicu de los fenicios Fenicia.
• Felipe II d'España - rei d'España - Filipines.
• Ho Chi Minh - dirixente vietnamita - Ciudá Ho Chi Minh.
• Libia - princesa mitolóxica d'Exiptu - Libia.
• Mariana d'Austria - esposa de Felipe IV d'España - Marianes

• Al-Juarismi - matemáticu y astrónomu persa - guarismu y algoritmu.
• Alois Alzheimer – médicu alemán - enfermedá d'Alzheimer.
• Aquiles - guerreru mitolóxicu griegu - tendón d'Aquiles, talón d'Aquiles.
• Hans Asperger - pediatra, investigador y profesor austriacu - síndrome d'Asperger.
• Leo Hendrik Baekeland - inventor belga - baquelita.
• François Barrême - matemáticu francés - baremu.
• Louis de Béchameil - financieru francés - bexamel.
• Michel Bégon - intendente Mexicanu - begoña.
• Charles Cunningham Boycott - alministrador inglés - boicó.
• Louis Antoine de Bougainville - navegante francés - buganvilla.
• Louis Braille - pedagogu ya inventor francés - braille.
• Nicolas Chauvin, soldáu francés - chovinismo.
• Marco Tuliu Cicerón - orador romanu - cicerone.
• San Cirilo - misioneru griegu - alfabetu cirílicu.
• Louis Daguerre - químicu francés - daguerrotipu.
• John Dalton - químicu británicu - daltonismu.
• Rudolf Diesel - inxenieru alemán - motor diésel, petroleu diésel.
• John Down - médicu británicu - síndrome de Down.
• Leonhart Fuchs - botánicu alemán - fucsia.
• Luigi Galvani - científicu italianu - galvanización.
• Alexander Garden - naturalista escocés - gardenia.
• Joseph Ignace Guillotin - médicu francés - guillotina.
• Mijaíl Kaláshnikov, diseñador rusu - fusil Kaláshnikov.
• Georg Josef Kamel - misioneru alemán - camelia.
• Cayu Cilniu Mecenes - filántropu romanu - mecenes.
• Samuel Finley Breese Morse - inventor d'Estaos Xuníos - códigu morse.
• Viacheslav Mólotov - políticu soviéticu - cóctel molotov.
• Jean Nicot - embaxador francés - nicotina.
• Narcisu - personaxe mitolóxicu griegu - narcisismu.
• Alfred Bernhard Nobel - inventor suecu - premios Nobel.
• Louis Pasteur - químicu y biólogu francés - pasteurización.
• Ferdinand von Zeppelin - inventor alemán – zepelín o dirixible.

• Topónimu
• -ónimu