Califatu de Sokoto

	estáu desapaecíu
Alministración
Xeografía
Coordenaes	13°04′02″N 5°14′52″E / 13.0672°N 5.2478°E

El Califatu de Sokoto o Imperiu Fulani foi un califatu independiente islámicu suní n'África Occidental. Foi fundáu mientres la Yihad Fulani en 1804 por Usman dan Fodio,^[1] foi unu de los imperios más poderosos d'África subsaḥariana antes de la conquista europea y de la subsiguiente colonización. El califatu permaneció mientres el periodu colonial y darréu, anque con un poder amenorgáu.

Contestu

Los fulani son un pueblu tradicionalmente nómada, dedicáu al llendo de ganáu, cabres y oveyes, que pueblen les tierres de campera ente distintes ciudaes y pueblos d'África Occidental. A partir de la medría del comerciu na zona, un importante númberu de fulani tamién s'estableció en pueblos, formando una minoría distintiva.

Los fulani fixéronse mayoritariamente musulmanes a midida que tamién se convertíen los gobernantes de la mayor parte de los estaos qu'habitaben les comunidaes fulani. L'Islam de los gobernantes d'estos estaos yera abondo fráxil, sicasí, y llueu recuperaron el animismu nacionalista cuando se sentíen amenaciaos. Ente los sieglos XVII y XVIII, los fulani empezaron distintos llevantamientos contra los gobernantes que los primíen. Estos establecieron asina un númberu de pequeños, y de normal de curtia vida, emiratos nel oeste del Sahel.

Los estaos más poderosos de la rexón yeren les ciudaes estáu ḥausa. Estes teníen importantes poblaciones fulani, quien yeren xeneralmente consideraos ciudadanos de segunda. A midida que los sieglos fueron escurriendo, sicasí, los ḥauses y los fulani integrárense de manera significativa. Unu de los estáu ḥausa más marxinales yera'l de Gobir. Probe y na periferia de les tierra ḥauses, yera gobernáu por un herederu del defunto Imperiu songhai. Esti dominiu taba carauterizáu pol so despotismu tantu escontra los llabradores fulani como ḥauses.

Yihad fulani

Ver tamién

Referencies

↑ McKay, Hill, Buckler, Ebrey, Beck, Crowston, Weisner-Hanks. A History of World Societies. 8th edition. Volume C - From 1775 to the Present. 2009 by Bedford/St. Martin's. ISBM-13: 978-0-312-68298-9. "Los más importantes d'ente estos estaos recuperadores, ye l'enorme Califatu de Sokoto, qu'ilustra un patrón xeneral. Fundáu por Usuman dan Fodio (1754-1817), un inspiráu profesor musulmán quien se fixo popular orixinalmente ente celosos pastores fulani y llabradores ḥausa nel estáu musulmán de Gobir nel Sudán del norte." p. 736.

Bibliografía

Johnston, Hugh A.S. Fulani Empire of Sokoto. London: Oxford University Press, 1967. ISBN 0-19-215428-1.
Stilwell, Sean. Paradoxes of Power: The Kano "Mamluks" and Male Royal Slavery in the Sokoto Caliphate, 1804-1903. Portsmouth: Heinemann, 2004. ISBN 0-325-07041-5.

Enllaces esternos

[1] McKay, Hill, Buckler, Ebrey, Beck, Crowston, Weisner-Hanks. A History of World Societies. 8th edition. Volume C - From 1775 to the Present. 2009 by Bedford/St. Martin's. ISBM-13: 978-0-312-68298-9. "Los más importantes d'ente estos estaos recuperadores, ye l'enorme Califatu de Sokoto, qu'ilustra un patrón xeneral. Fundáu por Usuman dan Fodio (1754-1817), un inspiráu profesor musulmán quien se fixo popular orixinalmente ente celosos pastores fulani y llabradores ḥausa nel estáu musulmán de Gobir nel Sudán del norte." p. 736.

[1]