Alexifármacu
Alexifármacu (del griegu, aleeso, yo refugo y fármacos, venenu, remediu). Usaben esta pallabra los antiguos pa designar los remedios que creíen capaces d'espulsar del cuerpu los distintos principios morbíficos o de precaver los malos efeutos de los venenos.
Les sustancies melecinales d'esta clase son:
- los raigaños d'anxélica, d'énula campana, contrayerba, genciana, imperatoria, galanga, gengibre, serpentaria de Virginia, etc.
- les fueyes de torongil, yerbabuena hortense, tomillu, salvia y de la mayor parte de les llabiaes.
- les flores de sabugu y clavel.
- la corteza de naranxa, de llimón y canela.
- les granes de les umbelíferes, les bayes del enebro, la moscada, el macis, los clavos d'espuela , l¡alcanfor, almizcle etc
- delles preparaciones oficinales, como los aguardientes destilados y les tintures espirituoses
Estes sustancies col so efeutu inmediatu tienen de fortificar los aparatos, aumentar la so tonicidá, acelerar los sos movimientos, ximelgar el cursu del sangre y mover la trespiración.