انتقل إلى المحتوى

ويكيپيديا:لبرلمان/أرشيڤ 1

زيد ليانات
من ويكيپيديا
أرشيف هاد لپاج راها أرشيڤ. عافاك ماتبدّلش فيها. باش تزيد مداكرة ؤلّا تعليقات جداد عافاك سير ل للپاج د لمداكرة د لوريجين.

تعديلات على إعدادات الدارجة فنظام الميدياويكي

اقتراحات التغيير

نظام الميدياويكي عندو إعدادات خاصة بكل لغة كتشمل مثلا جهة الكتابة (يمين، يسار، عمودي) والحروف المستعملة، وهاد الإعدادت ممكن تلاقاوهم ف language-data.json و langdb.yaml فالگيتهاب. تما الإعدادت بالنسبة للدارجة هو أنها كتكتب بالحروف اللاتينية ومسميينها (Maġribi)، وهنا كنقتارح تغييرات كيفما واضحين فالتصويرة اللي فالجنب. (AF كتعني أفريقيا، وME كتعني الشرق الأوسط)

إشارة للزملاء: Tifratin, Ayoub El Wardi, Mohamed.mdb, OukikMehdi

المطلوب هو كل واحد يعبر على الرأي ديالو واخا يكون متافق باش نرفعو هاد الاقتراحات للگيتهاب والفابريكاتور، وما تنساوش تسِينِيو.--SADIQUI (talk) 19:48, 2 November 2019 (UTC)

تصويت

  • متافق ولاكين واش مايمكنش يكونو بجوجهم اللاتينية والعربية --Mohamed.mdb (talk) 21:06, 2 November 2019 (UTC)
  • مسلخير عليكوم. صراحة ما عنديش خبرة تقنية باش نعطي رأيي فهاد المسألة. يمكن تشرحولنا شنو التأثير ديالها على المشروع. واش مثلا غادي تحسم نهائيا في الأبجدية اللي غانستعملوها فالموسوعة؟ --Tifratin (talk) 22:39, 2 November 2019 (UTC)
Mohamed.mdb, Tifratin: من بين التأثيرات ديال هاد التغيير هو الشريط الجانبي غادي يعود يبان فالليمن ماشي فالليسر بحال دابا (إلى دايرين لغة Maġribi)، والجداول الميدياويكي يعودو إصطافو فالليمن ماشي الليسر، وسمية اللغة غادي تبدل من "Maġribi" ل"الدارجة". غادي يحسم فالأبجدية اللي غادي نستعملوا غير شكليا، أما إلى تافقنا باش نعودوا نكتبو حتى باللاتينية فالمستقبل فساهلة، يا إما نطورو واحد السكريبت يحول الحروف العربية لـلاتينية بشكل أوتوماتيكي بحال ويكيپيديا الصربية، أولا نعودو نكتبو كولشي بشكل يدوي فحالة ستعصا الأمر ديال السكريبت بحال ويكيپيديا اللادينو. (مهم هادشي فالمستقبل، شوفوا المثالين باش تاخدوا فكرة).--SADIQUI (talk)
  • يتوب خويا صديقي على الشرح. اللي مزيان هو أنه المشروع يبقا ديناميك والاختيارات مفتوحة فالمستقبل على حسب تطور المجتمع ديالو والمهم هو أنه كولشي يلقا راسو في طريقة الكتابة --Tifratin (talk) 23:24, 2 November 2019 (UTC)
  • أنا متافق، ولاكن كنأكد بأننا خاصنا نستعملو الحروف العربية حيت عندها بزاف ديال الإيجابيات والحروف اللاتينية عندها بزاف ديال السلبيات

Ayoub El Wardi (talk)

  • السلام عليكم, سمحولي تعطلت ولكن ماكنتش عارف كاين نقاش هنايا. غي ملاحظة, بالنسبة للحروف را كنت هضرت مع المؤسسة ف 2016 وكنت تلاقيت فبرلين مع الناس د لجنة اللغات, و اقنعتهم باللي الداريجة كانكتبوها بالحروف العربية, و كانو متافقين. و بالنسبة لميديا ويكي وشي ترجمات, را كنت بديتها أنا ورضا هادي شي عام وتسغلنا بويكي عربية ماكملناش. المهم نقدرو نبداو دابا مجموعين أتكون حاجة ممتازة بزاف أ الدراري وتحياتي ليكم كاملين. Anass Sedrati (talk) 00:06, 26 December 2019 (UTC)
  • أهلا السي الصديقي (SADIQUI)،

أ سيدي غير توّكل عالله ودير دوك التبديلات، الإشكال الوحيد اللي عندي هو الإسم: بلاصت الداريجة (بالأليف ولام و ت مربوطة) حسن كتب داريجا (كيما كانطقوها) وإلا بغيتي تزيد عليها مغريبية ممكن كذلك باش نفرقو على تونس ودزاير. تحياتي --Reda benkhadra (talk) 17:18, 2 January 2020 (UTC)

Reda benkhadra, أنا قدمت طلب فالفابريكاتور من بعد واحد آخر فالغيتهاب (فين خاصو يتقدم) ولكن حتى لدابا ما كاينش تجاوب من عند الناس اللي عندهم إمكانية تعديل دوك الملفات تما (ديال الميديا ويكي). بالنسبة لـ "الدارجة" كنشوفها هي الكلمة المناسبة وكيستعملها شحال من واحد عوض "داريجا". المهم هو التوافق راه الزملاء ما عندهمش حتى اعتراض على "الدارجة". الناس ديال الجزائر وتونس اختارو "جزايري" و"تونسي/Tunsi" على التوالي يعني ما كاينش تشابه بيناتنا على الرغم من أنهم حتى هما كيسميو لهجتهم ب"الدارجة" ولكن ما كاينش شي مغربي كيگوليك مثلا: "هدر بالدارجة المغربية" كيگول غير هدر ب"الدارجة". تحياتي.--SADIQUI (talk) 17:42, 2 January 2020 (UTC)
السلام عليك السي الصديقي (SADIQUI). واش كاين شي جديد ف لقضية د لكتابا ولا والو، ولا كاين شي باش ترولونصي دوك الناس؟ --Reda benkhadra (talk) 18:58, 9 February 2020 (UTC)
@Reda benkhadra, أنا دابا سيفط ليهم واحد الإيميل. المهم فاش يكون شي تطور غادي نكتبو هنا.--SADIQUI (talk) 20:18, 10 February 2020 (UTC)

مقالات الجماعات الترابية

السلام الأصدقاء، أتمنى تكونو بيخير وسنة سعيدة للجميع. محتاجين مساعدة باش نزيدو مقالات الجماعات الترابية (الجماعات، الأقاليم والجهات) اللي قدرنا نجينيريو البذور ديالهوم انطلاقا من بيانات HCP. المقالات واجدين، بالوصلات الداخلية ديالهوم، بغينا مساعدة في النقط التالية:

  • نفكرو كاملين فشي صندوق معلومات مزيان فيه خريطة ومعلومات أساسية (على الأقل الإقليم والجهة).
  • الصياغة ديال المقالات في نسختها البذرية. (شوفو الأمثلة ديال جماعة الحسيمة مثلا).
  • الخدمة ديال التصنيفات اللي خاصنا نهتمو بيها شوية.

يمكن لينا نزيدو تقريبا شي 1600 مقالة في مدة قصيرة وهاد المقالات مهمة حيت غادي تحتاج في المحتوى المغربي (في السير مثلا). وهي هاديك نحييو لخدما لجماعيا فهاد لمشروع زّوين.

إشارة للزملاء: ,Sadiqui, Anass Sedrati, Reda Benkhadra, Rachid Ourkia, Ayoub El Wardi

Tifratin (talk) 21:22, 25 December 2019 (UTC)

شكرا @Tifratin وسنة سعيدة عليك حتى نتا، هاد الفكرة مزيانة غادي نحاول نصاوب شي صندوق معلومات قريب، ولكن عندي واحد الملاحظة فتسمية مقالات الجماعات، حيت الجماعات فالحقيقة ما هوما غير مدن، مثلا: جماعة الحسيمة، جماعة الداخلة، جماعة الدار البيضاء ممكن نسميوهم غير الحسيمة، الداخلة، الدار البيضاء، ونخليو التحويلات، وهادشي كينطابق على كامل الجماعات، ولكن بالنسبة للعمالات والأقاليم نخليو الاسم كيما هو بحال مثلا عمالة الدار البيضاء.--SADIQUI (talk) 10:48, 26 December 2019 (UTC)
@Sadiqui شكرا خويا لعزيز على التفاعل السريع. عندك الحق في مشكل التداخل بين الجماعات والمدن. غير هو في رأيي نخليوهوم بجوج للأسباب التالية:
  • البيانات الإحصائية المغربية كاتدار على أساس الجماعة الترابية، اللي هي الدائرة الإحصائية الأساسية وداخل فيهوم الجماعات (حضرية وقروية) وتا المقاطعات (في المدن الكبرى). كازا مثلا هي عمالة مقاطعات.
  • هاد التقسيمات ضرورية تكون حيت كاتأثر على مقالات مثلا ديال الانتخابات والمجالس المحلية والدوائر وغادي نحتاجوها مثلا يلا بغينا نزيدو مسيري المدن في المقالات.
  • في المستقبل القريب إن شاء الله تكون عندنا خبرة تقنية ونقدرو نديرو تحيين ذكي للبيانات فقط عبر تحميل جداول إحصائيات الجماعات (وبيانات المدن غادي تكون تجميع للجماعات الترابية ديالها).
  • مقاربة المدن خالقة مشاكيل كبيرة في الموسوعات الأخرى ويمكن نكونو هنا مدخل للحل لأننا غادي نقادو الأمور مزيان فويكي داتا من اللول :) عندي غير سؤال بسيط خويا صديقي، يمكنلينا من دابا نديرو إدماج آلي للصناديق والخرائط مثلا؟Tifratin (talk) 12:33, 26 December 2019 (UTC)

عداد المقالات

السلام الأصدقاء. عافاكوم اللي يقدر يقاد عداد المقالات فالصفحة اللولة، بانلي ما كايتحركش، وأيضا إصلاح النقلة ديال Main page لأنها ماكاتديش ليها مباشرة.Tifratin (talk) 22:23, 3 January 2020 (UTC)

إشارة للزملاء: Mohamed.mdb ,Sadiqui, Anass Sedrati, Reda Benkhadra, Rachid Ourkia, Ayoub El Wardi

أهلا أمين (Tifratin). المهم، راه قاديت داك لعداد ديال المقالات، صراحة كان فيه مشكل حيت كان حاسب حتا التحويلات ديال المقالات، ودابا حتال هاد لوقيتة عنا بالضبط غير 77 مقالة يعني مازال مافتنا العتبة ديال ميا. وبالنسبة للقضية ديال main page مايمكنش نردوها للصفحة اللولا ديال wp/ary حيت مرتابطة بالحاضنة، ولاكين نشاعلاه نهار تكون تولي عنا نسخة ديالنا غادي تولي تبان. --Reda benkhadra (talk) 23:47, 3 January 2020 (UTC)

شكرا با رضا على المجهود الجميل. ليوما نفوتو ميا إن شاء الله :) Tifratin (talk) 14:13, 4 January 2020 (UTC)

الدراري را العداد باقي واحل ف 77, ماعرفتش واش لاحظتيو هاد المشكل ولا لا واخا تانزيدو بزاف د المقالات كل نهار :/ Anass Sedrati (talk) 09:58, 6 January 2020 (UTC)
Anass Sedrati, Reda Benkhadra, Tifratin السلام عليكم الأصدقاء، بالنيسبة لداك العداد علا ما بان ليا كايحسب غير لماقالات للي فيهوم هاد التصنيف داكشي علاش خاص يكون فجميع لماقالات باش يحسبهوم كاملين، حاجا خرا هي أن باش يبان لعدد لحقيقي ديال لمقالات خاص تمسح لكاش ديال الصفحة من هنا,--Mohamed.mdb (talk) 00:13, 7 January 2020 (UTC)

لا بلعكس أ السي محمد (Mohamed.mdb)، ماشي بزيادة داك التصنيف غادي يبانو الصفحات كاملين..لموشكيل راه موجود فالحاضنة كاملة (شيكي هنا : كيقولو كاين تأخر باش صحفات يبانو كاملين فل عداد). أنا فنظري من الأحسن نخليو التصانيف الفرعية، اللي فنفس الوقت مرتابطا بالتصنيف الأساسي، باش من جهة يكون عنا تنظيم موسوعي بحال النسخ لخرين ومن جهة ثانية باش مايكونش مكدس بزاف ! تحياتي. --Reda benkhadra (talk) 09:09, 8 January 2020 (UTC)

إشارة للزملاء: Tifratin ,Sadiqui, Anass Sedrati, Rachid Ourkia, Ayoub El Wardi

أنا متافق مع Reda benkhadra, بلي ماشي كولشي الصفاحي يكونوا فـ ، ومزيان نخليوا الصفاحي غير ��التصنيفات الفرعية إلى كانوا ولكن ضروري خاص نتأكدوا باللي دوك التصانيف فعلا فرعية زعما كيوصلوا لـ .--SADIQUI (talk) 09:18, 8 January 2020 (UTC)

Reda benkhadra, Sadiqui فيعلان أنا متافق معاكوم ذاك التصنيف كايسبب مشاكيل كيما قال واحد لادمين هنا، ولاكين ذاك العداد تايعتامد عليه. أما داك لموشكيل للي شرتي ليه أخويا رضا كايهضر على لويكيات الجداد للي تايخرجو من لحاضينة وتايتصاوب ليهوم دومين.--Mohamed.mdb (talk) 00:20, 9 January 2020 (UTC)

صفحة خاصة بالنقاش اللغوي

السلام لجميع الأصدقاء وتبارك الله عليكوم. المجهودات في الأسابيع القليلة الماضية كاتبشر بالخير. بغيت نقتارح عليكوم إنشاء صفحة أخرى من غير لبرلمان نخليوها غير للأمور اللغوية. باش نشوفو المستقبل ونبداو نوجدو من دابا للمعقول :). حنا تا لدابا خدامين بلغة غير معيارية (Non standardisée) وهادي مسألة مزيانة وخايبة فنفس الوقت، وللأسف، ماكاينة تا مبادرة مؤسساتية جادة يمكن نتسندو عليها. لحد الآن كل واحد فينا تايجتاهد من منظوره الخاص، باش نراكمو التجارب ونستافدو من بعضياتنا ونخليو صفحة نقاش خاصة تكون نواة ديال السياسات اللغوية (التسميات مثلا)، وتفيد الناس اللي غادي يلتحقو أو يجيو من بعد منا. آش بانليكوم؟ أقترح هذه التسميات : "ميزان لكلام" - "الحرْكة اللغوية" :)Tifratin (talk) 23:19, 5 January 2020 (UTC)

إشارة للزملاء: Mohamed.mdb ,Sadiqui, Anass Sedrati, Reda Benkhadra, Rachid Ourkia, Ayoub El Wardi

Tifratin، متافق معاك هادي فكرة مزيانة. كيف ڭلتي الكتبة بالدارجة كلغة غير معيارية عندها حسناتها (كتشجع الناس باش يكتبوا بالطريقة اللي بغاو وهاكا غادي يستقطب هاد المشروع بزافت الناس) وسيئاتها (كتخلي الطريق مضببة وكتخلينا دايما نفكرو بأن طريقة الكتابة ديال الآخر هي اللي خاطئة وطريقة الكتابة ديالي هي الصحيحة وهاكا كنوقعوا فتضارب التحرير). بالنسبة للسميات اللي قتارحتي عجباتني الابتكارية اللي فيهم وأنا شخصيا كنفضل الاقتراح اللول "ميزان الكلام".--SADIQUI (talk) 23:49, 5 January 2020 (UTC)
SADIQUI شكرا خويا لعزيز، صافي مشات. غير هو إنشاء الصفحات بحال هادو كايتم بنفس طريقة إنشاء المقالات؟Tifratin (talk) 00:00, 6 January 2020 (UTC)
Tifratin، غثر دخل لـ ويكيپيديا:ميزان الكلام وبدا تكتب مثلا اقتراح ولا أهداف الصفحة ولا غير حط عادي.--SADIQUI (talk) 00:05, 6 January 2020 (UTC)
السلام عليكم الدراري وشكرا على المبادرة. أنا الطريقة لي تانخدم بيها هي هادي: كانبقا نكتب بالدارجة ونخدم غي الكلمات د الدارجة القحة (متطرف ههههه). إلا وحلت ومالقيت تا كلمة عاد تاناخد من العربية القصحى, ويلا ماكانتش تا بالفصحى كاناحد بلفرونسي ولا لونكًلي. المهم كيبانلي هاد الخدمة را فيها ثلاثة د المحاور.

1- الكلمات: هادو را خاص يكون أكثر دارجة ممكن حيث كانلاحظ شي مرات كاتكون كلمة بالدارجة ولكن ماكاتتخدَمش. هادشي نقدرو نعدًلوه مزيان لا قادًينا الويكي قاموس ديالنا.

2- التراكيب: تا فهادي شي مرات الواحد دغسا تيزلق وتيدير تركيب الجمل بالفصحى بلاثة الدارجة, حيث مولفين الكتابة بالفصحى يمكن ولكن هادي غي قضية د الولف

3- الكتابة والحروف: واش دارجة ولا داريجا؟ شي حوايج هاكا. المهم هادشي نقادوه فهاد الميزتن د الهضرة لي هضرنا عليه

و تحياتي أ الدراي. Anass Sedrati (talk) 09:56, 6 January 2020 (UTC)

Anass Sedrati غادي ندير 3 ديال الفقرات فصفحة ميزان لكلام حسب النقط اللي ذكرتي ونحاولو نقومو بعملية المعيرة بطريقة تجريبية ونبداو بالكلمات ديال الموسوعة اللي غادي نحتاجوهوم ف les menus و templates، Tifratin (talk) 21:48, 8 January 2020 (UTC)

لمصادر

أهلا السي الصديقي (SADIQUI)،

شكرا على لخدما ديالك، عندي واحد سؤال: فل محرر لمرئي علاش ماكايناش ديك لخاصية ديال générateur automatique de sources، واش خاصنا نفعلوه ولا نترجمو لموحتاوا ديالو ولا كيفاش ؟

شكرا، --Reda benkhadra (talk) 18:20, 16 January 2020 (UTC)

Reda راه ما كاينش فكامل اللغات ديال الإنكيوباتور، حيت الإنكيوباتور موقع مستاقل على ويكيپيديا حتى تولي ويكيپيديا بالدارجة عاد غادي تولي فيهاد هاد الفونكسيو. دابا ما يمكن لينا نديرو والو.--SADIQUI (talk) 18:36, 16 January 2020 (UTC) شباب Mohamed.mdb ,Sadiqui, Anass Sedrati, Tifratin, Rachid Ourkia, Ayoub El Wardi
واش شي حد فيكم يقدر يدير لينا قوالب د ليانات ويب ؤلكتوبا باش نقدرو نستشهدو مزيان ف لمصادر، بحال هادا ولا هادا ماتلان. شكرا Reda benkhadra (talk) 23:35, 23 February 2020 (UTC)
@Reda benkhadra, راه كاين موضيل:Cite book و موضيل:Cite web و الأغلبية ديال قوالب المراجع بحال هادو من شحال هادي.--SADIQUI (talk) 22:38, 26 February 2020 (UTC)
لعز شكرا بزاف السي الصديقي (SADIQUI) أنبقا نستعملهوم من دابا لفوق واخا غادي يخص نطرموجوهم لداريجا، المهم راه زدتهوم فصفحة ديال دوزان باش يبانو مزيان. --Reda benkhadra (talk) 23:16, 26 February 2020 (UTC)

دّوزان

تحية طيبة ل جميع لمحنشين ديال لمشروع. غادي نزيد واحد صّفحة داخلية جديدة سميتها ويكيپيديا:دّوزان فيها داكشي لّي كانحتاجو ف لكتابة، بحال ختصارات لكلافيي و صّنادق و لقوالب. و منها تكون بحال شي فضاء ديال لمس��عدة سّريعة و حتى ل نّاس جّداد لّي غادي يلتحقو ب لمشروع. يا ريت صديقي ولا رضا الله يستر عليكوم يلا قدرتو تزيدو روابط ل لبرلمان و ميزان لكلام و دّوزان ف صّفحة لّولا. Tifratin (talk) 16:40, 26 January 2020 (UTC)

إشارة ل زّملاء: Mohamed.mdb ,Sadiqui, Anass Sedrati, Reda Benkhadra, Rachid Ourkia, Ayoub El Wardi

السلام Tifratin راني زدت هادوك الروابط ف الصفحة اللولا.
لعزّ خويا Mohamed.mdb تبارك الله عليك، داكشي زاز لوز. را كنت كانقلب كيفاش نشكرك على المجهود الجميل ديالك :)

لحْركة

لفيكرة ديال لحْركة ساهلة: تّركيز على لكتبة د مقال لّي عندو أهمية موسوعية كبيرة، و يكون لهدف يولي مقالة مخيرة ولا مقالة مزيانة، و خلال لكتابة ديالو غادي يبانو مفاهيم و مقالات لّي خاصهوم يتزادو ولا يتحسنو، و خدمات أخرين ف لموسوعة (تّصنيفات، تّصاور، إلخ...). هاكدا كانخدمو واحد لمجال معرفي ب تّفرعات ديالو.

يمكن نخدمو بزاف ديال لحرْكات مجموعين ف دقة وحدة.

لحْركة رقم واحد: تّقسيم تّرابي د لمغريب

لحْركة رقم جوج: لبوطولا

no مسدود  طبقّات : لحْرْكات را عندهوم صفحة ديالهوم هنا. را مجمّعين فيها لْحْركات ديال يّامات لحاضنة. Tifratin (نقاش) 19:02، 13 شتنبر 2020 (+01)[جاوب]

جوج قتيراحات على صنادق لمعلومات وإنشاء لمقالات

تحياتي ليكم لأصدقاء، كنتمنى تكونو كولكوم على على خير.

1) فكيما كتعرفو صندوق لمعلومات كيتعتابر شيء أساسي فويكيبيديا (يمكن تصاوب بدرة دلمقالة غير بصندوق لمعلومات). وباش أي واحد يصاوب داك الصندوق كيخص ولا بدا يكون واحد الطوبات لي غيتبنا بيهوم. السيستيم ديال ويكيبيديا لفوصحى فيه قالب ص.م بگاع التفرعات دياولو، ولكن كيبان فلحقيقة بلي راه صعيب بزاف فليستيعمال سوا فا��ترجامة ديال لقوالب أولا لإنشاء ديالهم من جديد. داكشي لاش كنقتارح نستعملو هاد النوع لي ترجمتو من ويكيبيديا بلهولندية. هاد النوع ساهل فلبيناء ديال الصناديق وحتى فالترجمة من اللوغة لهولندية (لي صراحة كتشبه لونجلي وما عدباتنيش فالترجامة ديالتها بزاف). كاين متال ديال هاد لقالب لي صاوبت ولي من بعد ستعملتو هنا.

2) لكتبة ديال مقالات بالداريجة ماشي شي حاجة ساهلة خصوصا إلا عندك بزاف ديال لأسماء لحاجة وحدا (الدار لبيضا، كازا، كازابلانكا، دّار لبيضا، الداربيضا... /حكومة، لحكومة، الحكومة، حوكومة، لحوكومة... إلخ). فمتلا فاش كاتجي تكتب هاد لكلمة وديرها وصلة فلمقالة مكتعرفش إنا وحدا غادير وماتخرجش ليك لوصلة حمرا (أو حتى التقلاب عليها كيولي مهمة دات أبعاد لغوية كلامية تعددية... ماعلينا). كنقتاح أننا كل مقالة تنشآت إدار ليها تحويلة بلعربية لفوصحى، باش منين نبغيو نكتبو لمقال مانوحلوش إنما تكون لقضية ساهلة (وهدا هو لمضمون فنضام لويكي). يعني عوض نفكر واش نكتب فشي مقالة لمبراطورية-ليمبراطورية-لمبرطورية أولا وهي غادة نكتب نيشان [[الإمبراطورية|لمبراطورية]] أولا [[الإمبراطورية|ليمبراطورية]] وديك لوصلة بلفوصحى توصلني نيشان للمقالة بالداريجة كيفما كانت سميتها مكتوبة. كنتمنى يكون هادشي مفهوم وليلة سعيدة للجميع. --سمير تامر (نقاش) 22:59، 12 غشت 2020 (+01)[جاوب]

إشارة للزملاء: Anass Sedrati, Tifratin, Mohamed.mdb,Sadiqui, Reda Benkhadra, Rachid Ourkia, Ayoub El Wardi

سلام عليكم سي سمير تامر، شكرا بزاف على لمبادرة لي خديتي باش تقاد صنادق د لمعلومات. صراحة هادي خطوة لولا مزيانة بزاف باش نزيدو نقادو هادشي ؤ نعمموه ف ڭاع صفاحي د ويكيپيديا بدارجة. من جيهتي، كانقتارح نخدمو مجموعين باش نصوبو صنادق د لمعلومات مبنية كاملة على ويكي داتا. علاش؟ أول حاجة هاد طريقة غادي تخلينا نربحو لوقت حيت بلاصت ما نبقاو ندخلو معلومة ب معلومة ف كل صندوق ف كل صفحة ماعلينا غير نحطو صندوق ؤ هو غادي يخرج لمعلومات نيشان من ويكي داتا؛ تانيا، هاد طريقة غادي تجنبنا أنه شي صفاحي يبقاو فيهم معلومات قدام (متلا شي لعاب بدل لفرقة، ولا رائيس جديد تعين فشي بلاد) حيت شي صفاحي قلال فاش كيتعدلو ؤ بلاصت كل مرة تبقا تصلح لمعلومة، ف ويكي داتا كاتكون ديجا مقادة حيت لملاين د ناس يمكن ليهم يزيدوها. كيفاش؟ كيما شفتي ملي صاوبتي صندوق، أي معلومة كاتكون تابعة لشي مدخل (متلا ف لحالة د صندوق دولة درهم لمغريبي تابع لمدخل ديال لعملة نقدية)، هاد لمدخل كاين حتا ف ويكي داتا (شوف هنا) ؤ بنفس طريقة كيتنضمو ڭاع لمداخل ف ڭاع صفاحي. يعني ماعلينا غير نشوفو لمداخل لي خاصنا من ويكي داتا باش نقادو صندوق د لمعلومات ديالنا.
لمهم، باش مانطولش عليك، راه كاين تجارب ف ويكيپيديات خرين (نڭليزية، عربية، فرانصاوية) لي نقدرو نتبازاو عليهم.
ب نسبة لنقطة تانية، لإشكال لي غادي يكون إلا عتامدنا علا هاد لمنهاجية هو أنه ڭاع صفاحي غادي يكون لعنوان ديالهم ب لفوصحا (يعني أي واحد داخل لويكيپيديا دارجة خاصو يقلب علا لحاجة لي بغا ب لفوصحا). لي كانديرو هاد ساعة باش نتجنبو هاد لموشكيل لي طرحتي هو أنه كاناخدو لعناوين لي ممكن لواحد يقلب عليهم ؤ كانديرو تحويلات لصفحة لي كاينة (متلا إلا قلّبتي علا لملحون غادي يديك ل ملحون، نفس لحاجة ب نسبة ل طنجة لي كاتدي ل طانجا). تحياتي ليك، --Reda benkhadra (نقاش) 03:50، 13 غشت 2020 (+01)[جاوب]
السي رضا تحياتي،
فالنقطة لولا متافق معاك نتبازاو على ويكي داتا حيتاش مصدر متجدد ديال لمعلومات، إنما كنشوف أن التجريبة ديال لفوصحى (قالب:ص.م) صعيبة بزاف خصوصا أنه فقضية لخرائط كاينة شي حاجة مامقاداش، لا من ناحية لإحداثيات ولا لخريطة كلشي مرون وكيخرج داك خطأ بلحمر. نقدرو نعتامدو على ويكي داتا وفنفس لوقت نخدمو بلقالب لهولندي حيت بان ليا أنه أسهل.
فالنقطة التانية كنضن موصلاتش لفكرة ديالي. الصفحات غايتكتبو لعناوين ديالهم بالداريجة هدا أمر مفروغ منو حيتاش هدا مشروع بالداريجة. إنما خاصنا نديرو تحويلات لهديك الصفحات بلعربية لفوصحى باش 1) إلا جيت نقلب على لكلمة وماعرفتش كيفاش نكتبها بالداريجة حيتاش عندها بزاف ديال التوليفات (جهة داخلة واد دهاب تعطيك لخبار حيت على الأقل عندها 6 الطرق باش تكتبها بالداريجة هادشي بلا مندخلو التشكيل بحال الشدة)، ديريكت نقلب بلفوصحى ونخرج فالداريجة ديالتها. 2) نفس لحاجة فتحرير لمقالات باش مانبقاش نكتب كمتال سمية هاد لجيهة وكل مرة تخرج ليا لوصلة حمرة، مباشرة [[جهة الداخلة وادي الذهب|داخلة واد دهاب]] أولا [[جهة الداخلة وادي الذهب|الداخلة واد الدهاب]] أولا [[جهة الداخلة وادي الذهب|جيهة الداخلة واد الداهاب]]... وهانا كمحرر تهنيت. كنتمنى تكون لفكرة وصلات ونهارك مبروك.--سمير تامر (نقاش) 12:57، 13 غشت 2020 (+01)[جاوب]
معا مع لفكرة ديال لقوالب مبازيين على ويكي داتا. من جهة ��خرى لحل ديال سمير تامر والأخ رضا بجوجهوم مزيانيين ويمكن نخدموهوم بجوج عاد هادي واحد يوماين كنت كنقاد واحد خطأ فمقال تاريخ دلمغرب ومابغاتش طلع ليا موريطانية تا مشيت لويكي عربية ودخلت لويكي دارجة عاد لقتيها. زايدون الا ربطنا الاسم بتحويلة لعربية غادي يساعد ويكي دارجة تبان فمحرك بحث دgoogle على عتبار بزاف دناس كديرو لبحث ديالهوم بالعربية ويمكن لينا نديرو تا تحويلة من الانجليزية تا هية.Ali ahmed andalousi (نقاش) 18:06، 13 غشت 2020 (+01)[جاوب]
تحديث: من مورا ماخدمت شوية على لقالب ديال ويكي داتا لقيت بلي فيه مشكل كبير وماكايبغيش يبين لبيانات. ممكن تشوفو هنايا. إلى كان هنايا شي واحد خبير فهادشي ديال ويكي داتا فلمجهود ديالو غيكون مشكور. --سمير تامر (نقاش) 18:34، 13 غشت 2020 (+01)[جاوب]
تحديث2: منبعد شوية ديال لبحت تبين ليا بلي نقدرو نبروگراميو هاد لقواليب على واحد لخاصية ديال invoke:wikidata2 بلا منستعملو داك قالب:قيمة ويكي بيانات. مجددا إلا كان شي واحد كيفهم فهادشي ديال لوحدات وويكي داتا يمكن ليه يطور هاد لخواص ديال لقالب وغايكون مشكور بزاف.--سمير تامر (نقاش) 19:17، 13 غشت 2020 (+01)[جاوب]

سلام سي سمير تامر. مزيان بزاف أننا تافقنا علا لفيكرة باش نخدمو ب ويكيداتا ف صنادق د لمعلومات. ؤ شكرا بزاف علا لمحاولات لي درتي باش تقاد هاد لقضية. لمهم، ب نسبة لسؤال ديالك راه كاين شي دراري مغاربة عندهوم معا هادشي ديال پروڭراماسيون و لكودين يقدرو يعاونونا (Omar2040 ؤ Mohamed Belgazem)، زيادة علا SADIQUI لي راه مدير (admin) ف ويكي دارجة. ب نسبة تانية، حتا هاد لقتيراح لي جبتيه يقدر يكون مفيد باش نتجنبو لإشكالية ديال لعناوين، كي بقا رأي لخر ديال لمجتمع داريجي باش نشوفو طريقة لمناسيبة لي نعتامدو عليها من هنا لقدام. --Reda benkhadra (نقاش) 14:01، 14 غشت 2020 (+01)[جاوب]

أهلا سي سمير تامر، نتمنا تكون بيخير. بغيت نعلمت بلي درت واحد تجريبة خفيفة باش نربطو صندوق د لمعلومات ب ويكيداتا. جربت هاد لقضية د لمدخل د مدريب ف صندوق ديال فرقة د كورة، ؤ بانت ف صفاحي فين صندوق مستعمل (متلا). لمهم، نقدر نتكلف ف هادشي علا قد لفهم ديالي ديال هاد لحوايج تقنية. --Reda benkhadra (نقاش) 12:24، 18 غشت 2020 (+01)[جاوب]
شكرا سي رضا، التجريبة كانت فمحلها هنا وهنا وهنا ولكن ماشي هنا. فهاد لمقالة ربما لمعطى ديال لمدريب فويكي داتا ماكاينش، ولكن حتى هداك اللي ديجا تكتب يدويا مكايبانش. واش كاين شي حل لهاد المشكل؟ --سمير تامر (نقاش) 14:39، 18 غشت 2020 (+01)[جاوب]
تحديث: خويا رضا لموشكيل كيتعاود حتى هنا. لمعطيات لي ديجا مكتوبين كيمشيو واخا هادشي من لمفتراض مايطراش. واش هادشي عادي ولا هو مشكل وخاصو يتعالج. يعني كانگول ربما فلمعطى فلقالب يكون واحد لختيار بالشرط، إما إدخال يدوي أولا جلب من ويكي داتا. --سمير تامر (نقاش) 14:47، 18 غشت 2020 (+01)[جاوب]

شكرا علا تجاوب @سمير تامر:، دوك لمداخل لي كاين لمقابل ديالهم ف ويكيداتا كانو كيتعوضو ب لمعطى ديال ويكيدياتا ؤ لاخور ماكيبقاش يبان. لمهم، راه دابا صلحت هادشي ولات دابا لإمكانيات بجوج: إلا زدتيها ب يديك راه غادي تبان، لا خليتيها خاوية غادي تاخد لمعطى د ويكيداتا. ب لمناسبة راه كانحاول نزيد نربط شوية بشوية لمداخل لي باقيين. --Reda benkhadra (نقاش) 16:12، 18 غشت 2020 (+01)[جاوب]

وهدا هو لمرغوب خويا رضا. مشكور بزاف على لمساعدة، دابا غايولي إنشاء لمقالات أسهل بزاف. تحياتي ليك --سمير تامر (نقاش) 18:26، 18 غشت 2020 (+01)[جاوب]

إنشاء وسم جديد

السلام عليكم إخوتي وأخواتي من المغرب، مبارك الموقع الجديد، أود أن أطلب من الإداريين @Anass Sedrati, Reda benkhadra, و SADIQUI: القيام بإنشاء وسم (tag) جديد وهو WPCleaner (يتم ذلك باستخدام الصندوق الموجود أعلى هذه الصفحة خاص:Tags) وذلك لأني أحتاج لهذا الوسم لتشغيل البرنامج en:WP:WPCleaner؛ تحياتي. --Meno25 (نقاش) 13:57، 13 غشت 2020 (+01)[جاوب]

شكرا Meno25 على هذا الطلب. قبل تفعيل الوسم، المرجو منك توضيح لنا الأشياء المراد تحقيقها بواسطة هذا البرنامج و الخاصيات التي تود تطبيقها. تحياتي. --Reda benkhadra (نقاش) 16:49، 14 غشت 2020 (+01)[جاوب]
شكرا أخي Reda benkhadra الهدف هو تشغيل هذا البرنامج en:WP:WPCleaner للقيام بإصلاح أخطاء en:WP:WCW، تحديدا الأخطاء أرقام 1 ,2 ,6 ,7 ,9 ,17 ,18 ,20 ,22 ,26 ,36 ,37 ,38 ,42 ,45 ,48 ,52 ,54 ,57 ,59 ,62 ,63 ,65 ,66 ,86 ,88 ,89 ,93 ,101 ,102 ,103 ,104، و ذلك باستخدام البوت (سأتقدم بطلب للحصول على أول علم بوت هنا بعد تفعيل البرنامج إن شاء الله، وأنا أقوم فعلا بتشغيل نفس المهمة بالبوت في ويكيات أخرى)؛ تحياتي. --Meno25 (نقاش) 16:56، 14 غشت 2020 (+01)[جاوب]
@Meno25: عذرا عن التأخر في الإجابة. شكرا لك على توضيحاتك بخصوص الأعمال التي سيقوم بها البوت. فقد تم الآن تفعيل الوسم و يمكن البدء بتشغيل البرنامج. شكر�� مجددا لك على مساعدتك. --Reda benkhadra (نقاش) 00:36، 17 غشت 2020 (+01)[جاوب]
@Reda benkhadra: شكرا لك أخي. --Meno25 (نقاش) 06:49، 17 غشت 2020 (+01)[جاوب]

لْحْكام د لموسوعة

دّراريّات مسلخير عليكوم. كيف ما تقرّر ف الّلمة ديال جّماعة د ويكيپيديا ب الدّاريجا، جا لوقت باش نخدمو مجموعين على لْحْكام ديال لموسوعة ديالنا. لْحكام هوما السياسات و الإرشادات لّي كايأطّرو لخدمة ديالنا و كايخلّيوها تكبر ب شكل سليم و تخلّي جميع لمتطوّعين يشاركو و يكتبو و هوما مرتاحين و ف جوّ زوين. قبل ما نحطّو لفقرات لّي فيهوم لحكام، كانقدّم ليكوم بعدا طّريقة د تّقديم ديال لْحكام لّي مقترحة و تّعليل ديال هاد لهيكلة:

لهيكلة د لحْكام د ويكيپيديا ب الدّاريجا
صّفحة دّور ديالها شكون يقدر يبدّل فيها على شمن أساس - كيفاش؟
لحكام - بلاصة مجمّعين فيها لحْكام ديالنا ب رّوابط ل صّفحات لمفصلة مع تلخيص صغير ل كولّ حكام و لحوايج لّي كريتيك فيه.

- صّفحة ساهل يوصل لّيها أي محرّر

- مكتوبة ب شْكل عملي و ساهل.

أمغار - ما كايبدّلش فيها من داتو والاكين على أساس نيقاش مسدود مزيان.

- مسدود مزيان: تّعطاليه لوقت د نّيقاش و تّصويت و دارليه تّلخيص شي أمغار.

- يزيد حداها رابط ديال نّيقاش لّي تبدّلو فيه لحكام.

صفحة مفصّلة ديال كولّ حكام بوحدو

لمقالات لمتعمّقة لّي كاينة ف لْحكام

- تّفصيل د لبنود و يمكن يكونو فيه ليستات مفصّلين و مساطر عملية. أمغار
جدول ديال لحْكام لمشروكين بين لمشاريع د ويكيميديا - ليستا ديال لمقالات د لحكام لمشروكين، لّي ماشي موشكيل يلا تعطّلنا ف تّوجاد ديالهوم. كلّ لمحرّرين من لأحسن يتترجمو من لمقالات لإنجليزية (لّي رّوابيط ديالها كاينا ف طّابلو)

كانقتارح عليكوم هاد طّريقة د لخدمة باش نسّهلو نّيقاش و لموصادقة على لْحكام ديالنا:

  • هنا غادي نحطّو النصّ لّي غادي يكون ف كلّ صفحة مفصّلة.
  • كلّ نصّ غادي يكون فيه نيقاش كايسيرو و كايدير تّلخيص ديالو شي أمغار. لّي خاصّو يسدّو مزيان و ينقل صّيغة نّيهائية ل صّفحة لمفصّلة، و يزيد تاريخ لموصادقة و رّابط ديال حلقة نّيقاش لّي محلولة هنا.
  • ب صيفة موقّتة، غادي يبقاو لْحكام كاملين مجموعين ف صفحة وحدة كبيرة، باش نسهّلو لقراية ديالهوم.

Tifratin (نقاش) 15:20، 25 غشت 2020 (+01)[جاوب]

إشارة ل دراري و بنات لي ناشطين ف لمشروع @Ali ahmed andalousi, Delpha, Hichamajoumal1, Ideophagous, Iliass.Aymaz, Rachidourkia, و سمير تامر: @Douae Benaboud, Abdessamie111, و SharryX:

من جيهة خرا، بيما أنه كاين 8 ديال لحلاقي د نيقاش، شنو باليكم @Anass Sedrati, SADIQUI, و Mehdi Immähder: بصفتنا إمغارن (أدمينز) كل واحد فينا يكون مسؤول علا جوج حوايج و يتكلف ب تلخيص ملي يسالي نيقاش. --Reda benkhadra (نقاش) 16:00، 25 غشت 2020 (+01)[جاوب]

كيفاش كايتدارو لحكام و كايتبدّلو

لأمغار لمسؤول
رضا
كيفاش كايتدارو لحكام و كايتبدّلو - صيغة: 25 غشت 2020
  • لحكام كي تحددو نطيلاقا من لحاجة باش تأطر شي طرف من لموسوعة لي بان عليها نيقاش ولا فيها شي خوا من حيت سياسات و لإرشادات (لكونسيپط د فراغ قانوني)
  • لحكام يمكنلهوم يتوضعو باش نستابقو شي مشكيل يقدر يوقع.
  • لحكام كي خرجو و كاي يطبقو مورما ناقشاتهم جماعة د ويكيپيديا ب دارجة و كان عليهم إجماع.
    • بنفس طريقة، لحكام يمكن ليهم يتبدلو باش يتعاود يتلقى إجماع جديد ديال جماعة.
    • إمغارن خاصّهوم يحرصو على التناسق د لحكام و قابلية التطبيق ديالهوم باش ما يكونوش تناقضات بيناتهوم.
  • من غير لْحكام لكبار د ويكيپيديا، لْحكام د لمحتوى ماشي تابتين، يقدرو يتطورو علا حساب لإجماع لي تافقات عليه جماعة د ويكيپيديا ب دارجة.
  • يلا ما كانوش عندنا حكام رسميين متعلقين ب شي مسألة، اللي كايسري ف المشروع هوما لحكام لفوقانيين بين المشاريع.
حلقة نّيقاش
  • معا هاد لقانون غير هاديك ديال "لحكام يمكن ليهم يتبدلو باش يتعاود يتلقى إجماع جديد ديال جماعة" خاصها تكون منطقية، يعني ماشي نديرو قانون ضد قانون كان تصوت عليه. وإلا طرات هاد لحالة أحسن حاجة هي نرجعو للسياسات الدولية اللي متافقين عليها لويكيات كاملين. --سمير تامر (نقاش) 13:22، 20 شتنبر 2020 (+01)[جاوب]
  • رضا را زدت واحد البند اللي مقترح ف هاد النقاش. الرأي ديالكوم نتا و أناس راه ضروري تما. هاد لحكام يمكن يترسّمو حيت ما جاتش نصادقو على حكام عملياتيين بلا ما يكونو هادو (اللي عندهوم دور هيكلي) مازالين معلّقين، سير ع الله را ما فيهومش شي مشكل. تامر، الملاحظة ديالك راها ف البند الثالث.Tifratin (نقاش) 16:50، 15 أكتوبر 2020 (+01)[جاوب]
  • معا -- أنا متافق على كيفاش مكتوبين هاد لبنود هنايا و على هاد الطريقة لمرنة ديال لخدمة على لحكام. أنعطي الرأي ديالي فالنقاش لاخر تاهو دابا؟ مع التحيات. -- Anass Sedrati (نقاش) 18:08، 15 أكتوبر 2020 (+01)[جاوب]
تّلخيص و شّكل نّيهائي د لحكام

لْحكام لكبار د ويكيپيديا

لأمغار لمسؤول: رضا
لْحكام لكبار د ويكيپيديا - صيغة: 25 غشت 2020
لحْكام لكبار ديال ويكيپيديا هوما لمبادئ لكبيرة لّي كاتوصف رّوح د ويكيپيديا:
  • ويكيپيديا پروجي (مشروع) د موسوعة، ما خاصّش نحمّلوها كتر من لهدف لّول و رئيسي ديالها. شوف هاد صّفحة ديال ويكيپيديا:ويكيپيديا ماشي هي.. باش تزيد تفهم كْتر.
  • بعّد على ستيل د لكتبة لّي ماشي محايد. لّي كايكتب ف ويكيپيديا خاصو يكون معقول ف كتابتو و ماكايستاغلّش لمشروع باش يدوّز لمواقف ولا لإيديولوجيات ديالو.
  • لازم لحتيرام ديال لحقوق د تّأليف و نّشر: ويكيپيديا پروجي د موسوعة حرّة مرخّصة على حساب لْحكام د رخصة GNU ل لوتائيق لحرّة. أي زيادة ديال محتوى (كتبة، تصاور...) ب شكل ما كايحتارمش حقوق نّشر يمكن تخرج على لموسوعة و على لهدف ديالها باش تدير محتوى يمكن أي واحد يعاود ينشرو، وتقدر هاد لقضية تخلق مشاكيل قانونية. تفاصيل زايدة كاينة ف هاد صّفحة: ويكيپيديا:حقوق تّاليف و نّشر.
  • خاص لحتيرام يكون بين لمساهمين و نّاس لّي كايخدمو ف جّماعة لويكيپيدية: لموساهمين كاملين راهوم غير متطوّعين و هوما من بلدان و عقليات متنوعة. خاصّ لختيلافات و نّيقاشات تدوز ف جوّ مبني على لحتيرام و لهدف لّول ديالو هو أنّ لموسوعة تكبر و ب طريقة مزيانة. تفاصيل و إرشادات زايدة كاينة ف هاد صّفحات: ويكيپيديا:صّواب، ويكيپيديا:لحرب ف لكتابة، ويكيپيديا:حلّ صّداعات.
حلقة نّيقاش

تعليق أمغاري: إلا ماكانش نيقاش علا هاد نقط بجوج من هنا يوماين (حتال 13 شتنبر)، غادي نعتابر بلي كاين إجماع عليه باش يدخل حيز تنفيد. --Reda benkhadra (نقاش) 17:43، 11 شتنبر 2020 (+01)[جاوب]

تّلخيص و شّكل نّيهائي د لحكام

لْحكام د لمحتوى - لّوغة

حلقة نّيقاش

تعليق أمغاري: أناس، إيديوفاجوس، آفاييل، مهدي، رضا، سمير تامر، Iliass.Aymaz، دام سام، أناس صديقي، دام سام، شاري إكس... عطيو لملاحظات ديالكوم عافاكوم و طلّو تا على صّفحات د تّطبيق، و بما أن خاصّين بزّاف ديال لقوالب ف لحكام، أي مساعدة مرحبا بيها.Tifratin (نقاش) 18:18، 11 شتنبر 2020 (+01)[جاوب]

no مسدود طبقّات: نص لحكام: دخل هنا


لْحكام د لمحتوى - عناوين لمقالات

لأمغار لمسؤول
أناس
لْحكام د لمحتوى - عناوين لمقالات - صيغة: 25 غشت 2020
  • لعنوان د لمقالة خاصّو يكون باين و ساهل ف التّقلاب و مختاصر على قد لممكن.
  • ما يمكنش يكونو جوج مقالات عندهوم نفس سّمية.
    • يلا كانو سّميات كايتشابهو خاصّهوم يتميّزو ب شي كلمات زايدين باش يقدرو يتعرفو و بشكل كايسهّل تّقلاب عليهوم. متلا يلا كانو جوج بلايص جغرافيين عندهوم نفس سّمية خاص يتزاد بين جوج قواس سمية دّولة و لا لجيهة ديالهوم. نفس شّي ل شّخصيات، متلا يمكن تتزاد لمهنة ديالو و لا باش معروف بين جوج قواس.
  • يمكن ل جّماعة تقرّر تزيد قواعد مفصلة ف هاد لباب ب نّسبة لشي مجالات محدّدين: سّميات د لمدون، د لكتوبة، د لأفلام،...
  • سّمية د لمقالة خاصّها تكون نكيرة لّاهومّا يلا كانت سّمية معروفة كتر ب شّكل ديالها ب تّعريف بحال متلا لمغريب.
  • ما خاصّش يتزاد ف سّمية د لمقالة شي كلمات ديال تّفخيم ولا كايبغيو يكبّرو ولا يصغّرو ب لحاجة ولا شّخصية لّي مكتوبة عليها لمقالة. (متلا "صاحيب لجلالة ولا رضي الله عنه ولا شي حاجة بحال هاكدا).
  • يمكن يتخدّمو حروف لاتينيين ف سمية لمقالة يلا كانت لكتابة ديالهوم ب دّاريجة يمكن تصعّب لفهامة ديالهوم ولا تّقلاب عليهوم: متلا ف لحالة ديال سّميات لمختاصرين ف لمجالات د الشّيمي و لا سميات النّيازك.
  • يمكن يتّستعمل شّكل ف سمية لمقالة باش يعاون على لقراية ديال شي عنوان ب شكل ما يتخلّطش مع شي معنى آخور.
  • هاد رّوموز ما يمكنش تكون ف سمية شي مقالة حيت كاتخلق مشاكيل تقنية: # + < > [ ] | { }.
حلقة نّيقاش
شكرا بزاف السي أمين على لجواب ديالك السريع. هو را فعلا النقاش بقا بزاف ولكن يقدر يكون اللي ماشافوش و عليها درت طاكّ. أنخليه شي نهار غي احتياط لا كان شي واحد باغي يشارك، ويلا ماكانش أنسدّو و ننشأ الصفحة لخاصة ديالو و نقاد ختا النقط لاخرا اللي ذكرتي. شكرا بزاف. -- Anass Sedrati (نقاش) 13:06، 8 أكتوبر 2020 (+01)[جاوب]
تّلخيص و شّكل نّيهائي د لحكام
no مسدود طبقّات: نص لحكام: دخل هنا

لْحكام د لمحتوى - لحكام د شنو يستاهل يكون ف لموسوعة

لأمغار لمسؤول
أناس
لْحكام د لمحتوى - لحكام د شنو يستاهل يكون ف لموسوعة - صيغة: 18شتنبر 2020
  • لموسوعة ماشي بلوگ ولا شبكة سوسيال ميديا ولا قاعدة بيانات باش يتكتب فيها على أي شخصية ولا أي بلاصة ولا أي موضوع كيف ما كان.
    • خاص لمقالة تكون عندها مينيموم ديال لفايدة لموسوعية.
  • لقواعد ديال لملحوظية غادي تبنيهوم جّماعة حالة ب حالة. أي موساهيم عندو لحقّ يناقش واش شي مقالة تستاهل تكون ولا لا.
حلقة نّيقاش
  • السلام على الجميع، على ضوء هاد جوج نيقاشات: هنا و هنا. هاد لْحكام لازمهوم تحيين. عمليا، هاد لفقرة خاصّها تّحلّ ف صفحة حكامية مستقلة و تكون فيها "ليستا" كايتجمعو فيها نقاشات مرتبطة ب لقواعد ديال لملحوضية اللي بانو ف لموسوعة، ب شرط يكونو مسدودين على يد شي أمغار. أول وحدة بانت، على أساس النقاشات اللي عطيت الروابط ديالهوم، هي أن ما يسمى ب "مؤسسي الموسوعة" ماخاصّش تكون عندهوم مقالات ديالهوم. رشيد أورقية، رضا، أناس، سمير تامر، إلياس، إيديوفاجوس، آفاييل، مهدي، صديقي، دام سام، شاري إكس و يسمحوليا لّي ماقدرتش نطاگيهوم. Tifratin (نقاش) 13:20، 18 شتنبر 2020 (+01)[جاوب]
    • تعليق: من مورا ما فكرني علاء من وي��ي بلعربية بلقوانين دلملحوضية ومشيت قريتها فتلاتة ديال النسخ دويكيبيديا، وتطبيقا للمقولة ديال "إن الدكرى تنفع لمؤمنين" و"إدا ضرك الريح سد لباب وستريح"، كانضن بلي غيرت الرأي ديالي. مقالات لمؤسسين ماخاصهاش تكون فهاد لويكي نهائيا تحت أي ضرف، ونكتافيو بدكر أول لمساهمين فتاريخ لموسوعة من مورا مادوز عليها واحد 5 أولا عشر سنين. هادا هو الرأي ديالي. --سمير تامر (نقاش) 13:27، 18 شتنبر 2020 (+01)[جاوب]
    • تعليق: السلام عليكم. على حساب التعليق د السي علاء و اللي فادنا بيه بزاف تانا بدلت الرأي ديالي و متافق باللي ماخاصش تكون لشي واحد ويكيپيديا غي علاود أسس ويكيپيديا بالدارجة. إيلا كان دار حاجة آخرا مرحبا تكون هي السباب علاش عندو لملحوظية. هادشي واخا هاكاك ماكيعفيش باللي خاص نقاش قبل ما تاتحذف أي مقالة (منها لمقالات د لمؤسسين لاخرين) ، حيت هاكا تانخدمو مجموعين فلمجتمع الدارجي و تانقررو مجموعين. مع التحيات. -- Anass Sedrati (نقاش) 13:52، 18 شتنبر 2020 (+01)[جاوب]
      • Anass Sedrati ف هاد لحالة خاصّنا تمشيو ل لحكام د التبديلات الهيكلية و تّحل حلقة نقاش هنا، لتحت، باش نبدّلو ونزيدو هاد القاعدة اللي دويتي عليها، حيت لحكام لّي تصادق عليهوم را ما فيهومش هاد لقضية (شوف سّطورة ديال لحذف و ستيرجاع لحذف)، لأمغار خاصّو غير يعلم بخلاصة ماشي نقاش ولا تصويت. Tifratin (نقاش) 14:08، 18 شتنبر 2020 (+01)[جاوب]
    • تعليق: متافق علا أن لمؤسسين د ويكيپديا ب دّاريجة ماخاصش تكون عندهوم ب ضّرورة أرتيكلات عليهم، من غير يلا كانو معروفين ل أسباب خرة --Ideophagous (نقاش) 09:48، 27 شتنبر 2020 (+02)
  • تعليق أمغاري: أمين، إيديوفاجوس، آفاييل، مهدي، رضا، سمير تامر، إلياس، دام سام، صديقي، شاري إكس، محمد، عبد الرحمن. را سديت جوج حكام مكلّف بيهم و لكن باقي هذا حيت ما زال عليه نقاش. شكون عندو عليه شي رأي و كيفاش أنسدّو النقاش؟ -- Anass Sedrati (نقاش) 14:57، 12 أكتوبر 2020 (+01)[جاوب]
      • معا هاد لحكام. هادشي باش خدّامين أغلبية لموسوعات.--سمير تامر (نقاش) 15:03، 12 أكتوبر 2020 (+01)[جاوب]
      • معا . أناس هادا مافيهش مشكل، يمكن تسدّو طرانكيل. التقاش غادي يبدا من بعد :) وعندنا 2 : حالات الملحوظية اللي غادي تناقش بطريقة تجريبية (و هادا غادي يكون نقاش روتيني ديال هاد السياسة اللي غادي نبداو نديروه بزاف ف صفحة النقاش ديالها و القرار اللي وصلنا ليه يتزاد ف الطابلو). النقاش التاني راه محلول ف لحكام د "التبديلات الهيكلية" و هو عام مرتبط ب صلاخية الأمغار (لحذف بلا نقاش) و راه محلول تمّا.Tifratin (نقاش) 15:59، 12 أكتوبر 2020 (+01)[جاوب]
      • معا هاد النقاش غادي يبقا اتعاود حيت مرتابط ب الملحوضية .. مزيان ننقحوها ونديرو النقاشات ف المقالات. -- Abdeaitali (نقاش) 16:59، 12 أكتوبر 2020 (+01)[جاوب]
      • معا ديجا علقت علا لموضوع ضونك ماعندي مانزيد. --Ideophagous (نقاش) 13:08، 18 أكتوبر 2020 (+02)
تّلخيص و شّكل نّيهائي د لحكام
no مسدود طبقّات: نص لحكام و النقاش على لحالات اللي عندنا أيكون: هنا

لْحكام د لمحتوى - عيون لكلام

لأمغار لمسؤول أناس
لْحكام د لمحتوى - عيون لكلام - صيغة: 25 غشت 2020
  • ضروري تكون أي مقالة ولا زيادة ولا تبديل (لّي كايقيس لمحتوى بشكل كبير) موتّق ب لمصادير.
  • لمصادير خاصّها تكون، على قد لإيمكان، معقولة و يمكن أي واحد يوصل ليها.
  • جّماعة يمكن ليها تقرّر تدير بلاك ليست ديال شي نواع ديال لمصادير لّي ما مقبولاش ف لموسوعة.
حلقة نّيقاش

فلحكام جا بلّي يمكن للمجتمع يصايب بلاك ليست ديال لمصادر لي مادايزاش ف ويكيبيديا ب الدّاريجا. أنا كاتجيني هاد لقضية صعيب تكون واضحة ومحددة، حيت كل موضوع أو سياق كايجي معاه واحد نّوع د لمصادر لي ممكن مايكونش أكاديمي أو محايد. هنا بغيت نعطي بعض لأمثلة:

  • تعريف ديال لمعجزات أو لآراء دّينية كايجي بلأول من نّص أولا تّحليل دّيني، لي ماشي أكاديمي ومحايد، ولاكن ف سّياق ديال تّعريف بيه ممكن نعتابروه مقبول.
  • طيّارة تفركعات ومازال مامعروفش سّبب، لكن كاين ناس صورو لواقعة بفيديووات وحطوها ف لقنوات ديالهم. هنا صعيب باش نحدّدو لقناة واش "رسمية" حيت أي فيديو ممكن تعتابر دليل وبتّالي مصدر.
  • رّأي سّياسي ديال واحد شّريحة ديال نّاس فلمجتمع. هاد نّاس يقدرو يكونو كايدونو فمدونات شخصية ولا فسوشل مديا أولا ف جرائد لي كاتكتب بأسلوب مختالف على لأسلوب سّائد ف واحد لمجتمع ولا واحد ثّقافة. هنا صعيب باش نلقيو حكم علا هاد لجريدة ونعتابروها غير محايدة ونمنعو لمصادر منّها فقط حيت كاتخالف طّريقة سّائدة ف سّرد. طبعا تّحليل سّياسي ماشي ديال ويكيبديا لكن كل مدونة أو جريدة يقدر يصلح كمصدر فواحد سّياق معين، بحال متلا سّرد ديال لأراء سياسية على واحد لواقعة.
  • مدونة مولاها كايكتب بلّي لأرض عندها 6000 عام. طبعا هادا مصدر ماشي مقبول ف لمقالة ديال لأرض حيت لعمر ديال لأرض تحدّد بدراسات علمية منشورة ف مجلّات مراجعة بلأقران. ممكن يكون هاد لمصدر مقبول ف مقالة ديال نّظريات ديال لخلقية.

كانقتارح نبدلو شّرط د لإعتراف بلقنوات يوتوب ولا سّوشل ميديا بأننا نحكمو على كل مصدر وسياق حالة بحالة، مثلا واش لمحتوى عندو كاتب نقدو نعرفو مولاه؟ واش ممكن نوصولو لهاتشي لي مكتوب؟ واش داكشي لي مكتوب عندو شي قيمة علمية بلمقارنة مع شنو باغي يبين ف لمقالة د ويكيبديا؟ واش هاد رّأي عندو ملحوظية كافية وكايهم بزّاف د نّاس؟ Iliass.Aymaz (نقاش) 09:11، 25 غشت 2020 (+01)[جاوب]

@Iliass.Aymaz: شكرا على تّفاعل ديالك معا لْحْكام (لّي هوما لحد لآن غير واساخ لّي غادي يتّعرض ل نّيقاش و تّصويت ديال جّماعة ديالنا)، يلا جات على خاطرك نحوّلو هاد نّيقاش ل فقرة بوحدها باش يكون نّيقاش و تّصويت مجموعين ف بلاصة وحدة. غادي نفرّش واحد لحلقة جديدة ف لبرلمان نجمّع فيها كولّشي. نتلاقاو تمّا :) Tifratin (نقاش) 14:31، 25 غشت 2020 (+01)[جاوب]

@Tifratin: شكرا علا رّد ديالك. أكيد نحولو نّقاش لفقرة بّوحدها :) تحيّاتي. Iliass.Aymaz (نقاش) 15:47، 25 غشت 2020 (+01)[جاوب]
دبا حوّلت نّقاش لهاد لفقرة. Iliass.Aymaz (نقاش) 16:03، 25 غشت 2020 (+01)[جاوب]
@Iliass.Aymaz: ملاحظة سريعة: ب نّسبة لمعلومة لأرض عندها 6000 عام، عندها لحقّ تا هيا تكون ف لموسوعة. فهمت من لملاحظات ديالك أن ما تكون تا شي بلاك ليست ف هاد لمرحلة و نخليوها حالة بحالة ف المستقبل.Tifratin (نقاش) 17:07، 25 غشت 2020 (+01)[جاوب]
@Tifratin: بخصوص لملاحظة: لي بغيت نقصد هو أن سّياق كايلعب دور وماشي أن معلومة أن لأرض عندها 6000 عام ماشي من حقها تكون ف لموسوعة :) أكيد خصها تكون، غي متلا ما غاتجيش كامصدر منين غانكونو كانعرفو ب لأرض ف لمقالة فلفوق، أما ففقرة ف مقالة لأرض بحال متلا "رؤية تقافية وتاريخية" هاد لمعلومة غاتكون مناسبة. آه، هاتشي لي بغيت نقصد بخصوص لمصادر، من لأفضل نحكمو حالة بحالة حتا تبان لينا شي نوعية د لمصادر لي فعلا ماعمرهوم كايجيو مناسبين فلمقالات. Iliass.Aymaz (نقاش) 18:55، 25 غشت 2020 (+01)[جاوب]
كانگول أن أحسن حاجة غاتحكم على لجودة ديال لمصدر هي السياق. إلا كنا كانهضرو على شي حاجة رسمية (لجاميعات ديال الدولة، الطرقان، لبرلمان)، فلمصدر خاص يكون مقالة أولا قانون من موقع رسمي ديال الدولة بلأساس (يعني هو اللول واخا يكون هو لمصدر لواحيد - بشرط إيكون عامر معلومات). --سمير تامر (نقاش) 13:19، 20 شتنبر 2020 (+01)[جاوب]
  • تعليق أمغاري: السي أمين، إيديوفاجوس، آفاييل، مهدي، رضا، سمير تامر، إلياس، دام سام، صديقي، شاري إكس، محمد، عبد الرحمن -- هاد النقاش بدا مزيان ولكن باقي فيه بزاف د التفاصيل خاصنا نوضحوهم. فنظري اللي عندو شي تعليق ضروري ولا مهم يعطيه قبل لحدّ (11 أكتوبر) و موراها نسدّو النقاش. من بعد نقدرو نزيدو الحالات وحدا بوحدا على حساب شنو غادي يتكتب ف لموسوعة. -- مع التحيات -- Anass Sedrati (نقاش) 12:19، 8 أكتوبر 2020 (+01)[جاوب]
    • الصيغة الحالية كانت تحيّنات بشكل كاياخد بعين الاعتبار ملاحظات إلياس و تامر. الحل هو تطبّق الصيغة الحالية ف الصفحة د لحكام غادي يتزادو تدريجيا لقرارات لأمغارية اللي كايخصّو هاد النقطة (على حساب البند الثالث): يعني اللي عندو تحفظ على شي نوع د لمصادر يحل عليه نقاش أمغاري و لقاعدة اللي خرجات بيها الجّماعة تّزاد ف الصفحة د لحكام.Tifratin (نقاش) 12:52، 8 أكتوبر 2020 (+01)[جاوب]
    • ماعنديش مشكل نمنعو شي مصادر وايني واحد الحل إقدر يكون نديرو شي لعيبة ف ديك المقالة تاتقول بللي فيها مصادر عيّانة و خاص شي حد يدير مصادر حسن. -- Abdeaitali (نقاش) 15:06، 8 أكتوبر 2020 (+01)[جاوب]
  • متافق، ما كاين حتا شي اعتراض.--Mohamed.mdb (نقاش) 15:44، 8 أكتوبر 2020 (+01)[جاوب]
  • حتى أنا ما كانشوف حتى مشكل ف هاد الحكام، من الطبيعي نشوفو كل أرتيكل و السياق ديالو و منو المصادر اللي كاتناسبو. المعيار الوحيد اللي قايم هنا هو المعيار ديال الحياد. المصادر تكون كيف ما كانت، خاصها تكون محايدة. متلا، يلا كنت غادي نكتب مقال على "حزب سياسي X" من الطبيعي نشوف المعلومات العامة على الحزب من الموقع ديال الحزب، بلحاق ف الجزء الخاص متلا ب الفساد ديال الحزب السياسي X، ما يمكنش نعتامد على الموقع ديال الحزب باش نستخرج منو معلومات محايدة ف هاد الصدد. الشرط الوحيد اللي كيبان ليا ديما قايم هو الحياد. Mehdi Immähder (نقاش)
  • تعليق أمغاري: الصفحة د لحكام را كاينة دابا ب الصيغة الحالية + فقرة د لبلاك ليست اللي غادي تعمر من بعد على حساب النقاشات ديالنا. ما تنساوش أ الدراري المشكل اللي مطروح ف الجدول اللي لتحت اللي متعلق ب "استقرار الولوج إلى المصادر" حيت كاينين مقالات كايتدارو فيهوم مصادر صفحات فايسبوك ولا فيديوهات يوتوب. من بعد ما تطبق السياسة خاص يكون واقيلا أول حاجة تدخل ف لبلاك ليست، من بعد نقاش بطبيعة الحال.Tifratin (نقاش) 02:48، 10 أكتوبر 2020 (+01)[جاوب]
  • أنا معا هادشي اللي تافقتو عليه، بلخصوص على ديك لقضية ديال نحلّو نيقاش لشي مصدر مشكوك فيه.--سمير تامر (نقاش) 12:24، 10 أكتوبر 2020 (+01)[جاوب]
تّلخيص و شّكل نّيهائي د لحكام
no مسدود طبقّات: نص لحكام: دخل هنا

لْحكام د لمحتوى -لمحتوى د جّملة

حلقة نّيقاش

  • على حساب ما كايبان ما كاينش تفاعل كبير ف هاد لحلقة، غير هو را مايمكنش نبقاو كانتسناو ل مالانيهاية، خاصنا نزيدو لقدام، عليها حطّيت تاريخ اقصى ل نّيقاش. كاينا حاجة خرا كانقتارح نزيدوها ف لحْكام د لمحتوى د جّملة و هي أننا خاصّنا نحطّو مؤشرات كاتحمي لجودة د لموسوعة و نستابقو واحد لممارسة خايبة (ف رّاي ديالي و لّي كاتقتل روح لموسوعات) و هي لّهطة مورا عدد لمقالات: زدت فقرة ف لْحكام كاتحدّد لأهداف ديال زّيادات د جّملة و كاتخلّي هاد لعملية تحافظ على "بشرية" الموسوعة و تدّار بطريقة كاتشرك جّماعة ف لكتابة و تّصميم د لمقالات.Tifratin (نقاش) 20:43، 5 شتنبر 2020 (+01)[جاوب]
  • تعليق أمغاري: أناس، إيديوفاجوس، آفاييل، مهدي، رضا، سمير تامر، Iliass.Aymaz، دام سام، أناس صديقي، دام سام، شاري إكس... عطيو لملاحظات ديالكوم عافاكوم و طلّو تا على صّفحات د تّطبيق، و بما أن خاصّين بزّاف ديال لقوالب ف لحكام، أي مساعدة مرحبا بيها.Tifratin (نقاش) 18:18، 11 شتنبر 2020 (+01)[جاوب]

معا علاش لا، قريب غادي يخص يدارو مقالات بوتية، ولكن كون على يقين لعدد غيكون كبير بزاف (مجددا لمتال ديال لأنواع اللي مكتساليش ديال لحيوانات، النباتات وݣاع لأصناف لحية لوخرى). --سمير تامر (نقاش) 18:25، 11 شتنبر 2020 (+0<1)

no مسدود طبقّات: نص لحكام: دخل هنا. Tifratin (نقاش) 01:21، 14 شتنبر 2020 (+01)[جاوب]

لْحكام د لمحتوى -معايير لجودة

حلقة نّيقاش

تعليق أمغاري: أناس، إيديوفاجوس، آفاييل، مهدي، رضا، سمير تامر، Iliass.Aymaz، دام سام، أناس صديقي، دام سام، شاري إكس... عطيو لملاحظات ديالكوم عافاكوم و طلّو تا على صّفحات د تّطبيق، و بما أن خاصّين بزّاف ديال لقوالب ف لحكام، أي مساعدة مرحبا بيها.Tifratin (نقاش) 18:18، 11 شتنبر 2020 (+01)[جاوب]

  • معا حيتاش هوما نفس لقواعيد اللي خدامين بيهوم لويكيات لاخرين ومافيهومش إشكال. غير مخاصهومش إتخادو بشكل جدي فهاد لبدية حتالين بينما توصل لموسوعة لواحد 5.000 - 10.000 مقالة للفوق. --سمير تامر (نقاش) 18:29، 11 شتنبر 2020 (+01)[جاوب]
  • معابان ليا هادشي منطقي، غير هو من الاحسن تكون اكتر ديال المرونة فالمقالات اللي (بدية مقبولة). واخا غي فهاد اللول. --APAHEL (نقاش) 23:22، 11 شتنبر 2020 (+01)[جاوب]

no مسدود طبقّات: نص لحكام: دخل هنا. Tifratin (نقاش) 01:21، 14 شتنبر 2020 (+01)[جاوب]

لحكام د لمحتوى - تّبديلات لهيكلية د لمحتوى

حلقة نّيقاش

تعليق أمغاري: أناس، إيديوفاجوس، آفاييل، مهدي، رضا، سمير تامر، Iliass.Aymaz، دام سام، أناس صديقي، دام سام، شاري إكس... عطيو لملاحظات ديالكوم عافاكوم و طلّو تا على صّفحات د تّطبيق، و بما أن خاصّين بزّاف ديال لقوالب ف لحكام، أي مساعدة مرحبا بيها.Tifratin (نقاش) 18:18، 11 شتنبر 2020 (+01)[جاوب]

no مسدود طبقّات: نص لحكام: دخل هنا. Tifratin (نقاش) 01:21، 14 شتنبر 2020 (+01)[جاوب]

لكتبة اللي كاينة لفوق هي أرشيڤ ديال مداكرة أولّا تصويت قديم، وكاين هنا غير باش يتشاف. عافاك ماتبدّلوش.

مرجّعة من "https://ary.wikipedia.org/w/index.php?title=ويكيپيديا:لبرلمان/أرشيڤ_1&oldid=262903"