Ngilan (òrere England me Ebeke) ìre ido me Yurop. Ido yi ìre ge me lek ido ìkup me Ama-ubọọn̄ Mgbanriaak. Ìche okike ijọn̄ mèlek Wales me agan̄ ichep-ura, Skọtilan me agan̄ inyọn̄, Okwaan̄ Ailan me inyọn̄ ichep-ura, Okwaan̄ Seliti mè Emen-awaji Atilantik me agan̄ osiki ichep-ura. Okwaan̄ Inyọn̄ me agan̄ mbum-ura kan̄ mè Okolo Ngilan me agan̄ osiki kan̄ egbaan̄ iche ọmọ isan̄a me lek akparalek ijọn̄ Yurop. Ido yi ìben irek go-me-jeeta me lek achọ Biriten Ile, eyi òkup me agan̄ inyọn̄ me Emen-awaji Atilantik, mè ikaan̄ asabọn achọ 100 me emen, kire Achọ Sisili mè Achọ Wait.

Lek ijọn̄ ekigwen Ngilan mgbọ keyi, ebi ene edasi iluk me ukot mgbọ <Upper Paleothic period>, ire, ìbọkọ erieen̄ kan̄ inan̄a me lek ebi Angilis [Angles], òrere otoko ebi Jameni ebi egwenbe ibak ogbọn̄ achọ Angila, ebi ìdasi iluk me ere ya me emen òso senturi go mè gweregwen.