Sección sindical

En o mundo d'o Dreito laboral en Espanya, recibe o nombre de sección sindical o conchunto de treballadors que son afiliaus a un sindicato en una empresa.

As seccions sindicals de toz os sindicatos que son presents en a empresa tienen dreito a:

• Distribuyir información y recibir-la en l'interior d'o centro de treballo.
• Recaudar a conduta a os treballadors d'o sindicato en o centro de treballo.
• Fer reunions difuera de l'horario de treballo sin fer estorbo a las actividaz d'a empresa.

As seccions sindicals d'os sindicatos mas representativos con representación en o Comité d'empresa tienen istos dreitos especificos:

• Dreito a tener un tablón d'anuncios propio y pagau por l'empresario ta posar-ne-ie as suyas informacions y que siga accesible a toz os treballadors.
• Dreito a partecipar en a negociación colectiva seguntes l'articlo 87.1 d'o Estatuto d'os Treballadors.

Amás, si a empresa tiene mas de 250 treballadors, istas seccions sindicals tienen dreito a:

• Emplegar un local propio, pagau y manteniu por l'empresario ta poder fer-ne-ie as suyas actividaz.
• Estar representadas por un delegau sindical, si o sindicato amás tiene presencia en o Comité d'empresa, que podrá participar con voz pero sin voto en as reunions d'o comité d'empresa, contando con a mesma información que os suyos miembros.

Istos delegaus sindicals tendrán as mesmas garantías que os miembros d'o comité d'empresa, mas que mas un credito horario ta poder fer a suya labor. O numero de delegaus sindicals dependerá d'a plantilla d'a empresa, en tot caso siempre que consigan un 10% d'os votos dispondrán de un delegau. Dispondrán de 2 delegaus sindicals si a plantilla de treballadors d'a empresa abracase dende 751 dica 2.000, 3 delegaus dende 2.001 dica 5.000, y 4 delegaus si a plantilla puyase de 5.000.