Palacín

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un palacín ye uno de los 12 lechendarios guardians de Carles Magno (los 12 pars) en los cantars de chesta y historias de romanz. Se basan en part en los historicos guardians francos de lo sieglo VIII y feitos como la batalla de Roncesvals y la confrontación de lo Reino Franco y dimpués Imperio Carolinchio con lo Emirato de Cordoba de los Omeyas en lo "Marquesau de Gotia" u dimpués "Marca Hispanica".

Los nombres de los 12 palacins son diferents de romanz a romanz, y a vegatas se'n contan mes de 12. Totas las historias parlan de palacins con los nombres de Roldán y Oliver. Atros recurren a personaches como Arcebispe Turpín, Ogier de Dane, Huon de Burdeu, Fierrabrás, Renal de Montalbán y Ganalón. Las historias de los palacins de Carlos Magno bella vegata rivalizoron en popularidat con lo rei Artús y los caballers de la tabla redonda y forman un ciclo literario dito Materia de Francia u Ciclo carolinchio. En atro tiempo se leyeban los treballos de Ludovico Ariosto y Torquato Tasso tanto como los de Shakespeare, y contribuyoron muito a la literatura recordando historias de los feitos epicos de los palacins.

Los 12 palacins de Carlos Magno amaneixen en lo Cantar de Roldán:

• Roldán — sobrín de Carlomaño y capeza de los palacins
• Oliver — amigo de Roldán y aliato mes fuerte
• Gérin (Gelino en la Cronica de los Conquiridores)
• Gérier
• Bérengier (Berenguer en la Cronica de los Conquiridors)
• Otton
• Samson (Sanson en la Cronica de los Conquiridors)
• Engelier (Angelero en la Cronica de los Conquiridors, ye dicir "Anchelero")
• Ivon
• Ivoire
• Anséis
• Girard

Los italianos Ludovico Ariosto y Torquato Tasso fablaban d'atros palacins:

• Orlando — Roldán, sobrín de Carlos Magno y cabeza de los palacins.
• Oliver — rival de Roldán.
• Ferumbras — Fierabrás, lo Sarracín que se fació cristiano (Ferragut en atras versions).
• Astolpho — descendient de Carlos Martel y primo de Orlando
• Ogier de Dane
• Ganalón lo traidor, qui amaneix en lo Canto XXXII de lo Infierno de Dante Alighieri
• Rinaldo — Renal de Montalban
• Malagigi — Maugris, un feticer
• Florismart — amigo de Orlando
• Guy de Borgonya
• Namo — Namus u Naimon
• Otuel — atro sarracén convertito

La palabra provién de lo latín palatinus ("oficial de lo palacio"). Lo palacio en cuestión ye la cort carolinchia; compara los títols de "capitán de lo palacio" y "conte de lo palacio". La forma orichinal en francés ye palaisin.

La evolución natural de lo latín PALATINUS ye Palacino en proto-iberorromanz, y dimpués en aragonés Palacín; las dos existen como toponimos u apellitos actuals (bi ha una Casa Palacín en Chistén). Relacionato talment con lo francés u con l'occitán, en Navarra los reis de la dinastía de Campanya teneban entre los suyos títols cuende Palacín (cuende ye en romance navarro conte).

Lo termin palacín actualment s'emplega pa referir-se (sobre tot en la ficción) a una persona que prene la misión de protecher bella cosa.

L'emplego mes regular ye la expresión "Palacín de la chusticia", pa referir-se a belún que se dedica a conseguir que se cumplan las leis.

Muitos videochuegos, como Diablo II, Lineage 2, Tibia, World of Warcraft, ecetra... han emplegato lo termin palacín pa dicir a un guerrer santo con facultaz de luita cuerpo a cuerpo y capacidaz curativas, defensa y represión de sers demoniacos.